Esai 1:7 - Sră Goh 2018

⁷ Lơgar bol mê dê kong sang lòi ngềt ngơt, ală ƀòn dờng bol mê dê kong chu mơ ồs; di đap mat bol mê cau lơgar bơdìh tòmpìt ù tiah bol mê dê, gơkòl sang lòi ngềt ngơt be tòm tŭ ală cau làng bol bơdìh lơh gơprah gơpring.

Esai 1:7 ပူးပေါင်းရင်းမြစ်များ

II Yal Yau 28:5

Gen tàng Jehôwa Yàng Tom Trồ khai dê jào khai tơmut tòm tê bơtau Aram dê. Cau Aram lơh khai alah mơ kup jàm oă ngan làng bol khai dê mơ cèng bol khai tus hơ Damas. Khai kung gơkòl jào phi tòm tê cau bơtau Israel dê mơ neh tơnchơt oă ngan.

Đơs Crih 107:34

Ù bơkah tiah lơngồt gơlik gơs ù ƀă, Tài bơh bơta iơh bơsak làng bol tềng hơ̆ dê.

Đơs Crih 107:39

Tòm tŭ bol khai roh gơhuc mơ kong bòl glar Bơh bơta rồn bơklơn, bơta jê sồt bòl glar mơ bơta moat jrùng,

Đơs Crih 109:11

Lòi cau tòm dồs ai jơh ală phan khai gơs, Lòi cau crih mat tòmpìt kơñau cồng nha bơh tơngai broă bòl glar khai dê!

Esai 1:8

Kòn ùr Siôn dê kòl sang lòi be dô nơm sàl tòm suơn ño, be dô nơm rnŭ tòm suơn ño, mơ be dô nơm tiah kìng crŭ tòm suơn rpung, be dô nơm ƀòn dờng kòl gơrwàng.

Esai 3:8

Bơh Jerusalem gen gơtup pừ, Juda gen gơtơrlơm; tài bơh ală jơnau đơs mơ broă lơh bol khai dê tòmdră mơ Yàng Jehôwa, bol khai sền òsơp di bơta gơs mat gơklŏ Yàng Tom Trồ dê.

Esai 34:9

Ală croh dà Edôm dê rơp gơlik gơs cài nho, kơmbuh ù gơ dê gơlik gơs siau, ù tiah gơ dê rơp gơlik gơs cài nho ồs sa hơng.

Esai 49:19

Bulah mê neh gơprah gơpring mơ kòl sang ngềt ngơt, mơ lơgar mê dê gơkòl lòi srau gòi, tŭ do mê rơp gơlik gơs hat hal làng bol mê in, mơ ală cau neh sa loan mê rơp ơm ngài bơh di mê.

Esai 5:17

Gen ală belàt rơp sa ñhơt kung be tòm ƀlàng ñhơt tòm gơ dê, ală phan poan jơng lơmă mơ belàt kòn rơp sa digùl ală tiah tơrlah tơrling dê.

Esai 5:9

Yàng Jehôwa Gơnap Gơnoar Dờng neh srat să di tồr añ lah: “Ngan gơs oă hìu rơp lòi srau gòi, ală hìu dờng hàng mơnĕ rơp ò gơs cau ơm.

Esai 6:11

Gen añ đơs lah: “Khoai Yàng Jehôwa, jơl tus di tŭ lơi taih?” Mơ Kơnràñ ho lah: “Jơl tus di tŭ ală ƀòn dờng sang srau gòi, ò gơs cau ơm, mơ ală hìu ò gơs cau ơm, mơ ù tiah gơlik ngềt ngơt;

Esai 60:15

Bulah mê neh kong sang lòi mơ gơjrañ kơuềng, ò gơs cau lơi lòt gan di mê; Añ rơp lơh mê in geh ryŭ ryơm gam sùm sùm, mơ dô bơta hòn chò bơh rài do tus rài ne in.

Esai 62:8

Yàng Jehôwa neh srat să bơh tê ma Kơnràñ dê mơ bơh tơwòr tê gơnoar pràn Kơnràñ dê lah: “Añ rơp ò tŭ lơi ai kòi mi ai dê lơh gơs phan sa ală cau sò tơm ai in tai, mơ làng bol bơdìh rơp ò geh ñô tơrnòm mơ ai neh kong lơh broă bòl glar;

Esai 64:10

Ală ƀòn dờng sàng goh Kơnràñ dê neh gơlik gơs dô nơm ƀlàng bràs; Siôn neh gơlik gơs la dô nơm ƀlàng ngềt ngơt, Jerusalem la tiah sang lòi srau gòi.

Esai 9:18

Ngan, bơta iơh bơsak sa hơng be ồs, gơ sa roh lò mrơt mơ ală lò, gơ sa pơrguc ală chi tòm brê, tian gơs ñhŭ gơguh jòng hơđang.

Esai 9:5

Kòp nơm khŏ cau ling jă tòm tŭ tòmlơh, mơ kòp blah ồi ào neh gơđềt mhàm rơp lòi nàng chu tòm ồs, rơp gơlik kung be nsồm sing ồs.

Jeremi 2:15

Ală klìu triă neh ơluh ơhùm tòmdră mơ khai, Bol gơ ơluh ơhùm dờng ngan, Mơ gơlơh ù tiah khai dê gơlik gơs ngềt ngơt. Ală ƀòn dờng khai gơkòl tơnroh gơprah, ò gơs cau ơm.

Jeremi 4:7

Klìu triă neh lik bơh dơr brê, Cau tơnroh ală lơgar neh lik lòt, khai neh lik bơh tiah khai dê, Nàng lơh ù tiah mê gơlik tiah srau gòi; Ală ƀòn dờng mê dê gơlik tiah sang ngềt ngơt, Mơ ò gơs cau ơm.

Jeremi 44:6

Gen tàng bơta gơjrañ mơ bơta gơjrañ dờng Añ jê neh tuh tơlik kung be ồs chu ală ƀòn Juda dê mơ ală gùng ƀòn dờng Jerusalem dê; mơ bol gơ kong phà tơrlah ngềt ngơt jơl tus ngai do.

Jeremi 6:8

Ơ Jerusalem, dòp tĕ bơta bơto tơnggit, hala Añ rơp sang lòi ai tòm ngkòr ngkàc, Mơ lơh ai in gơlik gơs tiah rhàng srau, dô bă tiah ò gơs cau ơm.”

Jeremi 7:34

Mơ Añ rơp tơnlồi sap bơta chò hòp mơ bơta hòn chò, sap cau bơrtơu pa mơ ƀan pa tòm ală ƀòn dờng Juda dê mơ tòm ală gùng ƀòn dờng Jerusalem dê, bơh lơgar do rơp gơlik gơs tiah lòi srau gòi.”

Ñìm Rac 5:2

Sre brê bol hi neh gơrê tòm tê ală cau crih mat, Hìu đam bol hi dê gơrê mơ cau lơgar bơdìh.

Ejekiel 25:4

gen tàng Añ rơp jào bol mê tòm tê làng bol đah mattơngai lik lơh gơs phan tòm. Bol khai rơp bơt hìu mơ sơntơp sàl bol khai dê digùl bol mê; bol khai rơp sa plai bol mê dê mơ hùc dà toh bol mê dê.

Ejekiel 30:12

Añ rơp lơh rañ rsơh ală hiòng dà, mơ rơp tac lơgar hơ̆ tòm tê ală cau iơh in; Añ rơp ngui tê ală làng bol bơdìh, tơnroh lơgar hơ̆ mơ jơh ală phan tòm gơ. Añ la Yàng Jehôwa neh đơs behơ̆.’

Sră Ôse 7:9

Ală làng bol lơgar bơdìh neh sa loan bơta pràn khai dê, mơya khai ò git bơta hơ̆. Sŏ khai rơp sơntòm kò, mơ khai ò git.

Sră Ôse 8:7

Bol khai neh sih càl mơ rơp toès rbut dờng. Kòi bol khai dê ò hòn niam; gơ rơp ò gơlik gar. Dilah gơ gơlik gar, gen cau làng bol bơdìh rơp sa loan jơh.

Lebi 26:33

Añ rơp rsìh bol mê tòm gùl ală làng bol mơ Añ rơp tă đào ting jat bol mê. Lơgar bol mê dê rơp gơkòl sang lòi srau gòi, mơ ală ƀòn dờng bol mê dê rơp kong tơnroh.

Lebi 26:34

Gen ù tiah rơp geh ơm lơngai tòm ală nam rlô gơ dê tòm jơh tŭ tơngai gơkòl sang lòi srau gòi mơ bol mê ơm tòm lơgar ală cau sò tơm di bol mê; gen ù tiah rơp ơm rlô lơngai tòm ală nam Saƀat gơ dê.

Mice 5:11

Añ rơp tơnroh ală ƀòn dờng tòm lơgar bol mê dê, mơ phà tơrlah ală theng kơ̆ cê bol mê dê.

Mice 6:13

Behơ̆ tàng Añ neh rơp sơntòm tơnroh mê, lơh mê in kòl tơnroh tài bơh ală tồi glài mê dê.

Yal Wơl 28:33

Dô nơm làng bol mơ bol mê ò git rơp sa phan bơh tê mơ ù tiah bol mê neh lơh broă bòl glar nàng gơlik gơs, mơ bol mê ò geh bơta lơi rlau mơ bơta kong rồn bơklơn iơh rmơh tòm jơh rài kis bol mê dê.

Yal Wơl 28:43

Cau làng bơdìh ơm kis digùl bol mê rơp bơtào tơngguh sơlo ngai sơlo jơnhoa rlau hơđang bol mê, mơya bol mê rơp gơ mù sơlo ơm sơlo liah rlau.

Yal Wơl 29:23

Jơh dô nơm lơgar rơp gơlik kung be dô bă tiah sang lòi gòi bơh neh ồs sa, gơs mìng boh mơ siau, ò tùc tam, ò phan lơi hòn lik, ò chi che biap nha lơi hòn tềng hơ̆. Gơ rơp gơlik gơs kung be bơta tơnroh Sôdôm mơ Gômôrơ, Atma mơ Sebôim mơ Yàng Jehôwa neh tơnroh tòm bơta gơjrañ dờng Kơnràñ dê.