Esai 1:6 - Sră Goh 2018

⁶ Bơh kơndòl jơng jơl tus di bồ, ò gơs tiah lơi gam niam, mìng gơs tềl sồt, tềl brơp, mơ tềl sồt mhàm ur pù lơh, òhềt rañ, hala pồt sơm, hala bong mơñà nàng geh rài bơta jê sồt.

Esai 1:6 ပူးပေါင်းရင်းမြစ်များ

II Samuel 14:25

Tòm jơh Israel ò gơs dô nă cau lơi geh jòng ro bơh bơta niam klau be Apsalôm. Bơh hơđang bồ tus di kơndòl jơng khai dê ò gŏ jòi bàn dô nơm tềl sồt lơi tòm să khai.

Sră Jop 5:18

Bơh Kơnràñ lơh sồt, mơya Kơnràñ pùt wơl, Kơnràñ lơh jê, mơya tê Kơnràñ sơmbòi.

Đơs Crih 77:2

Tòm ngai bol glar añ jòi jat Yàng; Tòm trồ mang añ pò tê hơđang hòi dan ò glar; Hwềng soàn añ ò bài geh pơndòm pơniang.

Esai 30:26

Mat kơnhai rơp àng kung be mattơngai, mơ bơta àng mattơngai dê rơp àng poh dơ̆ rlau, be bơta àng poh ngai wil tơl, tòm ngai Yàng Jehôwa pùt ală tiah sồt làng bol Kơnràñ dê mơ sơmbòi tềl sồt mơ Kơnràñ neh lơh di bol khai bơh nhơm khồm Kơnràñ dê.

Jeremi 17:9

Nùs jơi kòn mơnus la blac chừt rlau mơ jơh ală jơi phan, Mơ ƀơ̆ iơh ngan; Ñcau rgơi git loh?

Jeremi 30:12

Yàng Jehôwa đơs be do: ‘Tềl sồt mê ò geh sơm, Sồt rmàñ mê kơnjơ̆ ngan.

Jeremi 30:15

Ñchi bơh tài mê driau nggà bơh tềl sồt mê? Bơta jê sồt mê ò rgơi sơm. Hơ̆ la tài bơh bơta tìs glài mê dờng ngan, Tồi glài mê oă ngan, Gen Añ neh lơh ală bơta do mê in.

Jeremi 33:6

Mơya, Añ rơp ai pràn, mơ sơmbòi gơ in; Añ rơp sơm bol khai mơ ai bol khai in gŏ bơta tơngkah tơngkañ bơta lơngap lơngai mơ dong tă.

Jeremi 6:14

Bol khai pồt tiah sồt rmàñ làng bol Añ jê dô bă ơlă ơlai, Mơ đơs lah: ‘Lơngap lơngai! Lơngap lơngai!’ Mơya ò gơs lơngap lơngai dô êt lơi.

Jeremi 6:7

Kung be tơrlung dà prap dà mrềt pa be lơi, Gen gơ kung prap ală bơta iơh bơsak pa behơ̆ sơl. Bơta iơh bơsak mơ bơta phà tơnroh geh kơno tòm hơ̆; Kòp jê mơ sồt rmàñ ơm sùm di đap Añ.

Nahum 3:19

Ò gơs sơnơm lơi rgơi sơm tềl sồt mê dê, tềl sồt mê dê rơp lơh mê in chơt. Kòp nă cau lơi kơno jơnau yal bơh mê gen tàp tê khai dê bơh mê, bơh ñcau rgơi pleh klàs bơh bơta iơh bơsak ò git lồi mê dê taih?

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Mathiơ 9:12

Yàng Jesu kơno jơnau hơ̆ gen đơs mơ bol khai lah: “Cau pràn kơldang ò càng cau gơnoar sơnơm ò, mơya la cau kòp jê.

Luka 10:34

Gen khai lòt tus rềp ai mơñà mơ alak bong di tiah jê sồt, pùt, gen tơnhào cau hơ̆ hơđang phan poan jơng khai dê, pơdiang tus hơ hìu ơpah bic mơ dong gàr khai.