Esai 1:4 - Sră Goh 2018

⁴ Ơ hơh! Lơgar lơi gơs bềng tồi glài, làng bol àñ kơnjơ̆ bơta tồi glài iơh bơsak, jơi bơtiàn lơh bơta iơh bơsak, ală kòn sau gơlềng gơlàng ne! Bol khai neh sang lòi Yàng Jehôwa, sền òsơp di Bơtau Sàng Goh Israel dê, bol khai neh gơlik be cau crih mat ngan.

Esai 1:4 ပူးပေါင်းရင်းမြစ်များ

Sơnròp Gơlik Gơs 13:13

Mơ tai, làng bol Sôdôm la iơh bơsak mơ gơs glài dờng ngan tòmdră mơ Yàng Jehôwa.

II Ală Bơtau 21:22

Khai sang lòi Jehôwa Yàng Tom Trồ ồng pàng khai dê, mơ ò lòt jat gùng dà Yàng Jehôwa dê.

II Yal Yau 12:1

Tòm tŭ gơnoar at bồ bơtau Rôbôam dê geh bơtào kơ̆ mơ khai gơlik pràn kơldang, khai mơ jơh làng bol khai sang lòi bơta boh lam Yàng Jehôwa dê.

II Yal Yau 27:2

Khai lơh bơta di niam di đap mat Yàng Jehôwa, kung be Ujia bèp khai neh lơh, mìng khai ò lơh ală alai tòm hìu duh khoai Yàng Jehôwa dê. Mơya làng bol kư̆ lơh jat ală bơta ƀơ̆ iơh.

Nehemi 1:7

Bol hi neh lơh bơta tìs mơ Yàng oă ngan, ò lơh jat bơta sồr lam, bơta sơnio lam mơ bơta boh lam Kơnràñ dê, mơ Kơnràñ neh sồr Môise, dĭ gơna Kơnràñ dê.

Đơs Crih 58:3

Cau iơh bơsak tìs nrah bơh tòm hìu kòn, Bol khai đơs blac mơ lòt tìs nrah bơh tòm tŭ pa deh.

Đơs Crih 71:22

Ơ Yàng Tom Trồ añ jê, añ kung rơp pĕ kơñi dờng Mơ jòng ro Kơnràñ, bơh bơta dòn song Kơnràñ dê; Ơ Bơtau Sàng goh Israel dê, añ rơp pĕ kơñi mơ đơs chò jòng ro Kơnràñ.

Đơs Crih 78:40

Ò git nđò dơ̆ bol khai sòdră mơ Kơnràñ tòm ƀlàng ngềt ngơt, Mơ lơh Kơnràñ in moat jrùng jê sồt tòm ƀlàng bràs.

Đơs Crih 78:41

Bol khai lòng Kơnràñ oă dơ̆, bơrcek Bơtau Sàng goh Israel dê.

Đơs Crih 78:57

Mơya bol khai tòmgơl nùs mơ pơrlơ̆ dră kung be ală ồng pàng bol khai dê; Bol khai lơh pơrlồm kung be dô nơm àtak ò song.

Đơs Crih 78:8

Nàng bol khai in ò di be ồng pàng bol khai dê, La dô rài kơldang bồ mơ sòdră, la rài ò kơ̆ nùs, Gơs hwềng nùs ò kơ̆ dơn mơ Yàng Tom Trồ.

Đơs Crih 89:18

Bơh khèl bol hi dê gơrê mơ Yàng Jehôwa. Cau bơtau bol hi dê gơrê mơ Bơtau sàng goh Israel dê.

Lik Ejiptơ 32:7

Gen Yàng Jehôwa đơs mơ Môise lah: “Mù tĕ, tài bơh làng bol mê dê, la làng bol mơ mê neh tă cèng lik klàs bơh di Ejiptơ neh gơlik ƀơ̆ iơh rau.

Esai 1:23

Ală cau kwang at bồ ai dê la cau pơrlơ̆ dră, lơh yô mơ cau ntung kơñau, jơh tơl nă bol khai hàm kòñ phan sa loă, mơ jòi ală phan ai gòi. Bol khai ò dong tò cau kòn đòi, ò pơnring bơta cau yă cau ùr bơnrau.

Esai 1:28

Mơya ală cau tòmdră mơ ală cau tồi glài rơp kong bal bơta tơnroh, mơ ală cau sang lòi Yàng Jehôwa gen rơp kong roh rui.

Esai 10:6

Añ sồr khai lòt tòmdră mơ dô nơm làng bol ò duh rngòt, Añ sồr khai tus tòmlơh mơ dô nơm làng bol mơ Añ gơhào gơjrañ, nàng phà kup mơ tòmpìt ai phan mơna, mơ jă trơm bol khai kung be bŏ tòm ală gùng.

Esai 12:6

Ơ làng bol Siôn, hòi driau dờng tĕ mơ đơs chò hòn chò! Bơh Bơtau Sàng Goh Israel dê la dờng digùl bol mê.”

Esai 14:20

mê rơp ò geh tơp bal mơ bol khai, bơh mê neh tơnroh lơgar mê dê mơ tơnchơt làng bol mê dê. Jơi bơtiàn cau lơh iơh rơp ò tŭ lơi geh tơmoh sơnđan tai.

Esai 29:19

Cau lơbơn niam rơp dòp geh bơta hòn chò pa tòm Yàng Jehôwa; mơ cau siơ̆u siar rơp hòn chò tòm Bơtau Sàng Goh Israel dê.

Esai 3:8

Bơh Jerusalem gen gơtup pừ, Juda gen gơtơrlơm; tài bơh ală jơnau đơs mơ broă lơh bol khai dê tòmdră mơ Yàng Jehôwa, bol khai sền òsơp di bơta gơs mat gơklŏ Yàng Tom Trồ dê.

Esai 30:1

Yàng Jehôwa đơs: “Ơ ală kòn sau jak tòmdră, bơtào rơndap tơnggume broă ò jat nùs Añ; lơh gơs dô bă bal tòmdră mơ nùs kòñ Añ jê, bơtơl tồi glài hơđang tồi glài;

Esai 30:15

Yàng Jehôwa la Bơtau Sàng Goh Israel dê neh đơs be do: “Tòm bơta rê wơl mơ ơm rlô, bol mê rơp geh dong klàs, tòm bơta ơm mŏ mŏ mơ gơn kơnòm, rơp la bơta pràn kơldang bol mê dê; mơya bol mê ò bài.

Esai 30:9

Bơh bol khai la dô nơm làng bol jak tòmdră, kòn sau ò gơs bơta dòn, kòn sau ò bài iat jơnau bơto sồr Yàng Jehôwa dê.

Esai 31:2

Mơya Kơnràñ la Bơtau jak chài mơ tơndùh bơta rung rài, Kơnràñ ò hòi rê wơl jơnau Kơnràñ neh đơs. Kơnràñ rơp guh tòmdră mơ hìu cau iơh bơsak, mơ tòmdră mơ ală cau dong kòl cau lơh bơta iơh.

Esai 37:23

Mê neh lah sơrpah mơ đơs tràl sơrbil di ñcau taih? Mê neh dờng bơr tòmdră mơ pò mat jòng să mơ ñcau taih? Hơ̆ la tòmdră mơ Bơtau Sàng Goh Israel dê?

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

Esai 41:16

Mê rơp tòmpơr gơ, càl rơp cèng pơrdô gơ, càl rbut dờng rơp rsìh bol gơ roh jơh. Mơya mê rơp hòn chò tòm Yàng Jehôwa, geh gơklŏ tòm Bơtau Sàng Goh Israel dê.

Esai 41:20

tồ làng bol sền mơ git, sền sơwì mơ wă wơng lah tê Yàng Jehôwa neh lơh bơta hơ̆, Bơtau Sàng Goh Israel dê neh crơng gơs bơta hơ̆.

Esai 5:19

Bol khai đơs lah: “Lòi Kơnràñ lơh mhar gơlik gơs broă Kơnràñ dê, mơ lòi Kơnràñ đơs jơnau Kơnràñ dê tồ bol he in gŏ! Lòi bơta lơh nền Bơtau Sàng Goh Israel dê gơlik di ngan tồ bol hi in git!”

Esai 5:24

Gen tàng, kung be lơmpiat ồs sa loan rhe, mơ kung be ñhơt ro kòl pơrguc tòm lơmpiat ồs, gen kung behơ̆ sơl, tòm ryas bol khai dê rơp ồm lề, mơ bơkào bol khai gơ par roh thit kung be thul; tài bơh bol khai neh sang lòi bơta boh lam Yàng Jehôwa Gơnap Gơnoar Dờng dê mơ sền òsơp jơnau đơs Bơtau Sàng Goh Israel dê.

Esai 57:17

Tài bơh bơta hàm hà iơh bơsak bol khai dê Añ neh gơhào gơjrañ; Añ neh pòng lơh bol khai, mơ Añ neh pồn mat tòm tŭ gơjrañ, mơya khai kư̆ lòt tòm ală gùng jat nùs is bol khai dê.

Esai 58:2

Bơh kòp ngai bol khai jòi Añ; bol khai chò hòp kòñ git ală gùng dà Añ jê; gơlơh be dô nơm làng bol lơh jat bơta song ring mơ ò sang lòi ală bơta lơh nền Yàng Tom Trồ bol khai dê. Bol khai lùp Añ bơh ală bơta cahrña song ring, mơ bol khai chò hòp tus rềp hơ Yàng Tom Trồ.

Esai 65:11

Mơya bol mê la cau sang lòi Yàng Jehôwa, mơ hŭi mơnơm sàng goh Añ jê, la cau neh rcang yò cơnòng sa yàng bơta bơtoah mơ bơta sơbơng roh in, mơ tròc tơrnòm neh bơcă bềng mơngàn yàng lơh nền rài kis dê.

Esai 65:3

la dô nơm làng bol kư̆ bơrcek Añ sùm di đap mat Añ, ơn ală phan duh khoai tòm ală suơn, chu kơlhô hơđang ală cơnòng duh khoai bơt mơ gac,

Esai 9:17

Behơ̆ tàng, Yàng Jehôwa ò niam nùs di ală cau pơnu, mơ Kơnràñ kung rơp ò nđàc sơngit cau kòn đòi mơ cau ùr bơnrau, bơh kòp nă bol khai la cau ò duh rngòt mơ iơh bơsak, bơr lơi kung đơs jơnau bơrngơl gơla. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài, tê Kơnràñ dê gam pò tơlik.

Jeremi 15:6

Yàng Jehôwa đơs lah: “Mê neh sang lòi Añ, Mê neh lòt ruc hơ ngkòi, Gen tàng Añ neh pò tê tòmdră mơ tơnroh mê. Añ neh làp dil bơta nđàc sơngit.

Jeremi 2:13

“Làng bol Añ neh lơh bàr bơta iơh: Bol khai neh sang lòi Añ, La hiòng dà bơta kis, Mơ tò is tơrlung dà bol khai in, ală tơrlung dà neh dàng, Ò rgơi ơn dà.

Jeremi 2:17

Ò di bol mê neh cèng bơta hơ̆ tus hơđang să tòm bol mê in, Bơh neh sang lòi Jehôwa Yàng Tom Trồ mê, Tŭ Kơnràñ neh lam bol mê tòm gùng lòt ơ?

Jeremi 2:19

Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Jeremi 2:31

Ơ jơi bơtiàn bol mê! Sền nền tĕ jơnau Yàng Jehôwa đơs: Añ la dô nơm ƀlàng ngềt ngơt, hala dô bă ù tiah klam jơngo cik gơwèt hơ làng bol Israel ơ? Behơ̆ gen ñchi bơh tài làng bol Añ đơs lah: ‘Bol hi geh khat gơboh, Bol hi rơp ò tus mơ Kơnràñ tai’?

Jeremi 2:33

Mbe mê wàs niam gùng bol mê dê Nàng jòi jat cau kòñ gơboh! Tian gơs ală cau ùr iơh bơsak lòt jat gùng bol mê dê.

Jeremi 2:5

Yàng Jehôwa đơs be do: “Ồng pàng bol mê neh gŏ bơta lơi ò song ring tòm Añ, tàng neh lòt ngài bơh di Añ; Neh lòt jat bơta roh lơm, Mơ gơlik gơs ò kwơ să tòm bol khai in?

Jeremi 32:32

tài bơh bơta iơh bơsak mơ kòn sau Israel mơ kòn sau Juda neh lơh nàng bơrcek Añ gơjrañ, bol khai, cau bơtau, kwang at bồ, cau gơnoar ơn phan duh khoai, cau gơnoar hwơr, cau Juda mơ làng bol Jerusalem sơl.

Jeremi 50:29

Hòi tĕ jơh ală cau at àtak tòmlơh mơ Babilôn, kòp nă cau wàr sơna; bơtào sàl gùt dar gơ; bañ lòi dô nă cau lơi dô klàs! Tơm wơl tĕ khai in jat broă khai lơh, be ală bơta khai neh lơh, lơh tĕ khai in; bơh khai neh pơnhừ să mơ đơs tràl di Yàng Jehôwa, Bơtau Sàng Goh Israel dê.

Jeremi 51:5

Israel mơ Juda ò kòl sang lòi, Bơh Yàng Tom Trồ bol khai, la Yàng Jehôwa Gơnap Gơnoar; Bulah lơgar bol khai bềng tồi glài iơh bơsak, di đap Bơtau Sàng Goh Israel dê.

Jeremi 7:19

Yàng Jehôwa đơs: “Añ la cau bol khai bơrcek di sơl? Hơ̆ ò di să tòm bol khai, cèng wơl bơta jê sồt bol khai in ò ơ?”

Jeremi 7:26

Mơya bol khai ò iat Añ, ò ơn tồr kơno, mơya lơh ngko bol khai kră kơldang. Bol khai lơh bơta iơh rmơh oă rlau mơ ồng pàng bol khai neh lơh.”

Ejekiel 14:5

nàng Añ rơp tơrgòm prap wơl nùs làng bol Israel dê, bơh bol khai neh lòt ngài bơh Añ mơ duh khoai rùp ràk.”’

Ejekiel 16:33

Kòp nă cau ùr dri dòp dô khà jền cau tơm khai in; mơya ai gen cèng phan ai gòi ai jơh ală cau klau mơ ai kòñ gơboh; loă bol khai nàng tus hơ ai bơh làm bă tiah bơh bơta hòi jà tìs ai dê.

Ejekiel 16:45

Ai la dô nă kòn ùr tòm mè ai dê; mè ai neh sền òsơp bau klau mơ kòn khai dê; ai la oh ùr tòm ală bi ùr ai dê la ală cau neh sền òsơp di ală bau mơ ală kòn bol khai dê. Mè ai dê la dô nă cau Hetit, mơ bèp ai la dô nă cau Amôrit.

Daniel 9:11

Jơh tơl nă cau Israel neh lơh tìs mơ bơta boh lam Kơnràñ dê mơ dô pleh, nàng ò dòn bơr Kơnràñ. Behơ̆, bơta srat sơntơm, mơ bơta lơh glài neh cih tòm bơta boh lam Môise la cau duh broă Yàng Tom Trồ dê, neh tuh hơđang bol hi, tài bơh bol hi neh tìs glài tòmdră mơ Kơnràñ.

Sôphôni 1:6

Mơ ală cau wèt ngkòi ò lòt jat Yàng Jehôwa, la ală cau ò jòi jat Yàng Jehôwa hala hòi lùp Kơnràñ.

Khà Làng Bol 32:14

Mơ tŭ do bol mê la ală kòn sau jơi bơtiàn cau tồi glài, ntào di tiah ală ồng pàng bol mê dê mơ lơh Yàng Jehôwa in sơlo gơjrañ rlau tai di Israel.

Mathiơ 11:28

Ơ jơh ală cau kong bòl glar lơh broă mơ àñ kơnjơ̆, tus tĕ hơ Añ; Añ rơp ai bol mê in rlô bòl.

Mathiơ 23:33

Ơ jơi bơs, jơi bơtiàn bơs tur ne, mbe bol mê geh klàs di bơta lơh glài brah tìng dê taih?

Mathiơ 3:7

Mơya tòm tŭ Jang gŏ oă cau Pharisi mơ cau Saduse tus hơ khai nàng gơs Ƀaptem, gen khai đơs mơ bol hơ̆ lah: “Ơ jơi bơtiàn bơs tur ne, ñcau neh yal bol mê in pleh klàs dê bơta gơjrañ dờng rơp tus taih?

Rôma 8:7

bơh bơta kơlôi wèt poac să dê gơtòmsò mơ Yàng Tom Trồ bơh gơ ò bài dòn duh bơta boh lam Yàng Tom Trồ dê, mơ kung ò rgơi dòn duh sơl.

I Kôrintô 10:22

Hala bol he kòñ lơh Yàng in ƀoah pơrñat ơ? Bol he pràn rlau mơ Kơnràñ ơ?

Yal Wơl 29:25

Mơ jơnau ho wơl lah: ‘Hơ̆ la tài bơh làng bol do neh sang lòi bơta ho bal mơ Jehôwa Yàng Tom Trồ la Yàng Tom Trồ ală ồng pàng bol khai dê, la bơta ho bal mơ Kơnràñ neh bơtào mơ bol khai tòm tŭ Kơnràñ neh cèng bol khai lik bơh di Ejiptơ.

Yal Wơl 31:16

Yàng Jehôwa đơs mơ Môise lah: “Tŭ do mê rơp bic mơ ală ồng pàng mê dê. Ai làng bol do rơp lơh dri tơlàr mơ ală yàng lơgar bơdìh tòm lơgar mơ bol mê rơp mut, bol khai rơp sang lòi Añ mơ ò prap gàr jơnau ho bal mơ Añ neh bơtào mơ bol khai.

Yal Wơl 32:19

Yàng Jehôwa neh gŏ bơta hơ̆ mơ ƀoah pơrñat, Kơnràñ sang lòi ală kòn klau mơ ală kòn ùr Kơnràñ dê.

Yal Wơl 32:5

mơ ală kòn sau neh lơh blac pơrlồm gơwèt mơ Kơnràñ, dô jơi bơtiàn kră kơldang mơ lac lèo,

Kôlôse 1:24

Tŭ do añ hòn chò bơh bơta añ kong jê sồt bòl glar bơh oh mi, mơ bơh să jan Bơtau Krist dê la Hìu Jum Goh, añ ơn poac să añ nàng kong pơnah gam siơ̆u tòm bơta bòl glar Kơnràñ dê.

Yal Tơlik 18:5

bơh ală tồi glài khai dê neh gơ ngŏ tus hơ trồ, mơ Yàng Tom Trồ neh kah ală bơta tồi glài iơh bơsak khai dê.

Ală Kwang Cahrña 10:10

Behơ̆ làng bol Israel rac dan mơ Yàng Jehôwa lah: “Bol hi neh tìs glài tòmdră mơ Kơnràñ, tài bơh bol hi neh sang lòi Yàng Tom Trồ bol hi dê, mơ neh duh khoai ală yàng Baal.”