Esai 1:3 - Sră Goh 2018

³ Kơnrồ git cau tòm gơ dê, alàng git bòng ñhơt cau tòm gơ dê, mơya Israel gen ò git, làng bol Añ jê ò git wă.”

Esai 1:3 ပူးပေါင်းရင်းမြစ်များ

Đơs Crih 94:8

Ơ cau tùl gơla rlau jơh tòm làng bol, git wă tĕ! Ơ cau bơrngơl gơla, tŭ lơi sồng bol mê gơlik jak chài taih?

Jơnau Pơnđik 28:5

Cau tơmut he tòm bơta iơh ò wă wơng bơta song ring; mơya cau lơi jòi jat Yàng Jehôwa wă wơng jơh ală bơta.

Jơnau Pơnđik 6:6

Ơ cau ơm alah, lòt tus tĕ hơ ală ngòñ, Sền sơwì tĕ ală gùng dà bol gơ dê, mơ gơlik jak chài.

Esai 27:11

Tòm tŭ ală ntê ro neh pă, ală cau ùr tus dòñ nàng sing ồs. Bơh do la dô nơm làng bol ò git wă, gen tàng Bơtau neh crơng gơs bol khai ò kòñ nđàc di bol khai, Bơtau neh mòn gơs bol khai ò yal tơlik bơta nđàc bol khai in.

Esai 42:20

Mê neh gŏ oă bơta, mơya ò sền sơwì dô êt lơi; mê gơs trồm tồr àng loh, mơya mê ò kơno dô êt lơi.

Esai 44:18

Bol khai ò git bơta lơi, bol khai ò git wă bơta lơi; gar mat bol khai gơkòl lềt wơl gen tàng bol khai ò rgơi gŏ, nùs tồr bol khai gơkòl kal wơl gen tàng bol khai ò rgơi git wă.

Esai 5:12

Tòm tŭ yò sa dờng, bol khai gơs ală kơñi pĕ, kơñi rơs, sơnggơr dềt, kơwào, mơ tơrnòm; mơya bol khai ò ơn nùs bơh ală broă Yàng Jehôwa dê, ò sền gŏ ală broă tê Kơnràñ lơh.

Esai 5:13

Behơ̆ tàng, làng bol Añ jê pal kong kup cèng gơs dĭ tài bơh ò gơs bơta git wă, cau dờng ryŭ bol khai dê rơp chơt jơgloh, jơh mpồl làng oă bol bol khai dê rơp chơt tơhìr.

Esai 56:11

Bol khai la ală so jròk sa, bol khai ò gơs tŭ lơi hòm. Bol khai la ală cau ê belàt ò gơs bơta git wă; Jơh ală bol khai lòt jat gùng is bol khai dê, kòp nă jòi cồng nha is he in, cau lơi kung behơ̆ lơm.

Jeremi 10:14

Kòp nă cau la bơrngơl mơ ò git wă; Cau chài lơh màh kòl ƀàssìl bơh ală rùp ràk khai dê; bơh ală rùp ràk bol khai la ma blac, Ò gơs nhơm tă tòm gơ;

Jeremi 10:8

Bol khai jơh tơl nă bơrngơl mơ tùl gơla. Bol khai geh bơta bơto sồr bơh rùp ràk Ò lin rlau mơ chi.

Jeremi 35:16

Bơh ală kòn klau Jônadap dê, kòn klau Rekap, neh dòn bơr lơh jat jơnau bơto sồr ồng pàng bol khai dê, ai làng bol do gen ò iat Añ.’

Jeremi 4:22

“Bơh làng bol Añ jê tùl gơla, Bol khai ò đal git Añ. Bol khai la kòn sau bơrngơl gơla, Bol khai ò gơs bơta git wă, Bol khai chài rgơi lơh bơta iơh, Mơya ò git mbe lơi lơh bơta niam.”

Jeremi 50:6

Làng bol Añ jê ngan la dô mpồl belàt tìs nrah; ală cau ê lam bol gơ tìs gùng, wĕ bol gơ lòt ngài hơđang ală mơnơm, lòt bơh mơnơm tus di dòr, bol gơ hŭi mpồl bol gơ dê.

Jeremi 8:7

Bulah klàng kò ơm tòm tiah pah gòi, Git is tŭ tơngai gơ dê; Sềm ntòp, sềm pơrbèt, klàng ka, git đal tŭ tơngai tus bol gơ dê. Mơya làng bol Añ gen ò git, Bơta lơh nền Yàng Jehôwa dê!

Ejekiel 16:30

Jehôwa Yàng Tom Trồ đơs lah: ‘Ai gơs nùs hàm kòñ ò git nđò tòm tŭ ai neh lơh jơh ală bơta hơ̆, lơh kung be dô nă cau ùr dri ò git ƀàssìl ƀàsso!

Daniel 9:11

Jơh tơl nă cau Israel neh lơh tìs mơ bơta boh lam Kơnràñ dê mơ dô pleh, nàng ò dòn bơr Kơnràñ. Behơ̆, bơta srat sơntơm, mơ bơta lơh glài neh cih tòm bơta boh lam Môise la cau duh broă Yàng Tom Trồ dê, neh tuh hơđang bol hi, tài bơh bol hi neh tìs glài tòmdră mơ Kơnràñ.

Sră Ôse 2:8

Khai òhềt đal git Añ la Bơtau neh ai khai in kòi mbo, tơrnòm mơ mơñà, neh tuh khai in oă ngan priă mơ màh mơ khai neh ngui nàng lơh gơs phan ơn Baal in.

Mathiơ 13:19

Cau lơi iat jơnau lơgar đang trồ dê mơ ò git wă, gen cà iơh bơsak tus sơmbrơt bơta neh sih tòm nùs khai dê. Hơ̆ la gar neh sih di gah gùng.

Rôma 1:28

Tài bơh bol khai ò bài đal git Yàng Tom Trồ, gen tàng Yàng Tom Trồ neh lòi bol khai jat bơta kơlôi roh lơm, mơ lơh ală bơta ò di pal lơh.

II Pier 3:5

Bol khai lơh nền be ò git lah bơh yau òr nau ală tap trồ gơlik gơs bơh jơnau đơs Yàng Tom Trồ dê, mơ dô nơm plai ù bơh dà mơ lik mơ kơnòm di dà mơ gơs.