Esai 1:23 - Sră Goh 2018

²³ Ală cau kwang at bồ ai dê la cau pơrlơ̆ dră, lơh yô mơ cau ntung kơñau, jơh tơl nă bol khai hàm kòñ phan sa loă, mơ jòi ală phan ai gòi. Bol khai ò dong tò cau kòn đòi, ò pơnring bơta cau yă cau ùr bơnrau.

Esai 1:23 ပူးပေါင်းရင်းမြစ်များ

II Yal Yau 36:14

Jơh ală cau lam bồ ală cau gơnoar ơn phan duh khoai dê mơ làng bol kung gơlik ò dòn song dô bă lin rlau jơh, lơh jat ală bơta òs mòng cù kìr ală làng bol dê mơ lơh ƀơ̆ ƀơl hìu duh khoai Yàng Jehôwa dê mơ Kơnràñ neh ơn is sàng goh tòm Jerusalem.

Lik Ejiptơ 23:8

Bañ dòp dô nơm phan loă, bơh phan loă lơh jơngo mat cau git wă, mơ lơh rkwet rkwe jơnau cau song ring dê.

Jơnau Pơnđik 17:23

Cau iơh bơsak leng òm phan sa loă, nàng lơh tìs ală gùng cahrña.

Jơnau Pơnđik 29:24

Cau lơi tòmpà phan bal mơ cau ntung kơñau gơjrañ hwềng soàn he; khai neh kơno jơnau srat să, mơ ò yal tơlik bơta lơi.

Esai 1:17

Bơtê lơh tĕ bơta di ngan! Jòi jat tĕ bơta song ring, dong tă cau kong rồn bơklơn, dong tò tĕ ală kòn đòi, bơsong tĕ jơnau cau yă bơklơn cau ùr bơnrau.”

Esai 1:18

Yàng Jehôwa đơs: “Tŭ do tus tĕ nàng bol he tòmbơyai bal. Bulah tồi glài bol mê dê be dà phồng, rơp gơlik bò be piar, bulah pơrhê be mhàm, rơp gơlik be sơnò belàt kò.

Esai 1:22

Priă ai dê neh gơlik gơs be è lòs, tơrnòm bơkah ai dê neh crài bal mơ dà.

Esai 28:14

Gen tàng, iat tĕ jơnau đơs Yàng Jehôwa dê, ơ bol mê la ală cau jak bơrsèl tơnhial, la cau at bồ làng bol do tòm Jerusalem.

Esai 3:14

Yàng Jehôwa cahrña tòmdră mơ ală cau kwang kra bal mơ ală cau kwang at bồ làng bol Kơnràñ dê lah: “Bol mê la cau neh sa loan suơn ño Añ jê; phan tòmpìt geh bơh cau rƀah gam prap lòi tòm ală hìu bol mê dê.

Esai 30:1

Yàng Jehôwa đơs: “Ơ ală kòn sau jak tòmdră, bơtào rơndap tơnggume broă ò jat nùs Añ; lơh gơs dô bă bal tòmdră mơ nùs kòñ Añ jê, bơtơl tồi glài hơđang tồi glài;

Esai 33:15

Hơ̆ la cau lơh lòt song ring, đơs jơnau di ngan, sền òsơp di phan sa kwì, ò bài dòp phan sa loă, sềt tồr ò bài iat bơta bơyai lơh gơtuh mhàm, ñềm mat ò bài sền gŏ bơta iơh.

Esai 5:23

la cau sa loă mơ cahrña cau gơs glài la song ring, mơ ò cahrña song ring cau ò gơs glài!

Esai 65:2

Añ neh pò tê Añ jê jơh ngai mho wèt mơ dô nơm làng bol jak tòmdră, la ală cau lòt tòm ală gùng ò niam, jat nùs kơlôi sơnơng is bol khai dê,

Jeremi 22:17

Mơya mat mơ nùs mê Mìng jòi cồng nha ƀơ̆ ƀơl, Lơh gơtuh mhàm cau ò gơs glài, Mơ lơh bơta rồn bơklơn iơh rmơh.’”

Jeremi 32:32

tài bơh bơta iơh bơsak mơ kòn sau Israel mơ kòn sau Juda neh lơh nàng bơrcek Añ gơjrañ, bol khai, cau bơtau, kwang at bồ, cau gơnoar ơn phan duh khoai, cau gơnoar hwơr, cau Juda mơ làng bol Jerusalem sơl.

Jeremi 4:17

Bol khai gơrwàng Jerusalem be cau kơp gàr sre; Tài bơh gơ neh pơrlơ̆ dră mơ Añ.’” Yàng Jehôwa đơs behơ̆.

Jeremi 5:5

Lòi Añ lòt tus mơ ală cau pas sơm Mơ đơs mơ bol khai, ngan bol khai git loh gùng dà Yàng Jehôwa dê, Bơta boh lam Yàng Tom Trồ bol khai dê.” Mơya, bol khai jơh ală gơlơh be dơrpă yô, mơ bol khai neh gơltac ală che cap.

Jeremi 5:6

Gen tàng dô nơm klìu triă tòm brê rơp tơnchơt bol khai, dô nơm so rhau bơh ƀlàng bràs rơp tơnroh bol khai, Dô nơm klìu sơmañ ơm kơp mòc tòmdră mơ ală ƀòn dờng bol khai dê, cau lơi lik lòt bơh tiah hơ̆, rơp kong crè rpot rpet! Bơh tồi glài bol khai dê oă ngan, bơta pơrlơ̆ dră bol khai dê la dờng ngan.

Ejekiel 12:2

“Ơ kòn mơnus, mê ơm digùl dô nơm làng bol jak tòmdră. Bol khai gơs mat nàng sền mơya ò gŏ, gơs tồr nàng iat mơya ò kơno, bơh bol khai la dô nơm làng bol jak tòmdră.

Ejekiel 22:27

Ală kwang at bồ bol khai dê la kung be so rhao kap crè phan kup geh, bol khai lơh gơtuh mhàm mơ tơnchơt làng bol nàng dòp geh cồng nha ò song ring.

Sră Ôse 4:18

Tòm tŭ phan ñô bol khai dê neh jơh, bol khai lòt jat bơta ñô sa bơñul lơmbè tòm bơta rềs àr; bol khai kòñ gơboh bơta rềs àr rlau mơ bơta gơklŏ.

Sră Ôse 5:10

Ală cau kwang at bồ Juda dê gơlik gơs be ală cau ntròn lŭ nhàr ù; Añ rơp tuh bơta gơjrañ dờng Añ jê hơđang bol khai kung be tuh dà.

Sră Ôse 9:15

Jơh ală bơta iơh bơsak bol khai dê sơntòm tòm Gilgal; tềng hơ̆ Añ tus nàng gơjrañ di bol khai. Tài bơh ală broă iơh bơsak bol khai neh lơh, Añ rơp ting bơtrơh bol khai lik bơh hìu Añ. Añ rơp ò kòñ gơboh dê bol khai tai; Jơh ală cau kwang at bồ bol khai dê la cau tòmdră.

Amôs 5:12

Bơh Añ git ală bơta iơh bơsak bol mê dê la oă ir, mơ ală tồi glài bol mê dê la dờng ò git nđò. Bol mê rồn bơklơn cau song ring mơ dòp ală phan sa loă, mơ bol mê tơlo ală cau rƀah lik bơh dê mpồng ƀòn dờng.

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Mice 3:9

Iat tĕ jơnau do, ơ bol mê la ală cau gơs gơnoar lam bồ hìu Jakôp dê, mơ bol mê la ală cau at bồ hìu Israel dê, la ală cau sền òsơp di bơta song ring, mơ lơh rkwet rkwe jơh ală bơta di;

Mice 6:12

Ală cau pas gơs bol mê dê bềng bơta jàñ bơsak; làng bol bol mê dê la ală cau đơs blac, lơmpiat blac pơrlồm tòm ală bơr bol khai dê.

Mice 7:3

Jơh bàr đah tê bol khai chài rgơi lơh bơta iơh. Kwang at bồ mơ kwang cahrña lùp ală phan sa loă, cau gơs gơnoar pràn sồr ai phan lơi bol khai kòñ; bơta song ring bol khai dê la bơta rkwet rkwe.

Sacari 7:10

Bañ rồn bơklơn cau ùr bơnrau mơ cau kòn đòi, cau ơm tòp mơ cau rƀah lơòi. Bañ kơlôi sơnơng bơta iơh gơwèt bal mơ gơp.’

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Khà Làng Bol 22:7

Ală cau kwang kra Môap dê lik lòt, cèng bal jền tơngai ai cau bơjơu in. Tòm tŭ bol khai neh tus hơ Balaam, bol khai yal khai in ală jơnau Balak neh đơs.

Mathiơ 21:13

Kơnràñ đơs mơ bol khai lah: “Gơs jơnau cih lah: ‘Hìu Añ pal sơnđan la hìu hòi dan,’ mơya bol mê lơh hìu hơ̆ gơlik gơs trồm ală cau ntung kơñau.”

Jơnau Niam Jat Mak 11:17

Lồc behơ̆ Kơnràñ bơto sồr lah: “Neh gơs jơnau cih lah: ‘Hìu Añ pal sơnđan la hìu hòi dan jơh ală làng bol in,’? Mơya bol mê neh lơh hìu hơ̆ in gơs trồm ală cau ntung kơñau dê.”

Luka 19:46

mơ đơs mơ bol khai lah: “Gơs jơnau cih lah: ‘Hìu Añ pal la hìu hòi dan,’ mơya bol mê neh lơh hìu hơ̆ in gơlik gơs trồm ală cau ntung kơñau.”

Luka 24:27

Chòp Kơnràñ sơntòm bơh Môise tus di ală cau gơnoar hwơr mơ yal tơlik loh bol khai in ală bơta sơnio bơh Kơnràñ tòm làm jơh Sră Goh.

Yal Wơl 16:19

Bañ lơh ò tòm toh mơ bơta song ring hala dong tò dô đah lơi. Bañ dòp phan loă, bơh phan loă lơh jơngo mat cau jak chài mơ lơh rkwet rkwe ală jơnau cau song ring dê.

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.

I Samuel 8:3

Mơya ală kòn klau khai ò jat ală gùng khai dê, mơya wèt hơ cồng nha is, dòp phan sa loă, mơ lơh rkwet rkwe bơta song ring.