Esai 1:18 - Sră Goh 2018

¹⁸ Yàng Jehôwa đơs: “Tŭ do tus tĕ nàng bol he tòmbơyai bal. Bulah tồi glài bol mê dê be dà phồng, rơp gơlik bò be piar, bulah pơrhê be mhàm, rơp gơlik be sơnò belàt kò.

Esai 1:18 ပူးပေါင်းရင်းမြစ်များ

Sră Jop 9:33

Ò gơs cau lơi cahrña digùl bol he. Ơn tê khai dê hơđang bàr nă bol he.

Đơs Crih 51:7

Dan ai nsrum nha chi kin yơ̆i jùt goh tồi glài añ in, gen añ rơp gơs sàng goh; Dan rào añ gen añ rơp gơlik gơs bò rlau mơ piar

Đơs Crih 51:9

Dan Yàng pleh mat bơh di ală tồi glài añ jê, Mơ jùt jơh ală bơta iơh bơsak añ jê.

Esai 1:23

Ală cau kwang at bồ ai dê la cau pơrlơ̆ dră, lơh yô mơ cau ntung kơñau, jơh tơl nă bol khai hàm kòñ phan sa loă, mơ jòi ală phan ai gòi. Bol khai ò dong tò cau kòn đòi, ò pơnring bơta cau yă cau ùr bơnrau.

Esai 3:13

Yàng Jehôwa guh nàng dong tò broă Kơnràñ dê, Kơnràñ ñă ntào mơ cahrña làng bol.

Esai 41:1

Ơ bol mê la ală bồt pơlào, ơm tĕ mŏ mŏ di đap Añ mơ iat! Lòi ală làng bol gơs tĕ pràn pa; Lòi tĕ bol khai tus rềp mơ đơs! Lòi bol he tus rềp bal nàng cahrña!

Esai 41:21

Yàng Jehôwa đơs lah: “Ràng tơlik tĕ sră tòmyă bol mê dê,” Bơtau Jakôp dê đơs lah: “Cèng tĕ ală jơnau lơh cơng bol mê dê.”

Esai 44:22

Añ neh jùt sang bơta tìs glài mê dê kung be mhwal lơut, tồi glài mê dê kung be dà tŭ. Rê wơl tĕ mơ Añ, bơh Añ neh dong tơwài mê.

Esai 50:8

Bơtau đơng kừh Añ ơm rềp mơ Añ. Ñcau rơp jòi jơnau tòmdră mơ Añ taih? Lòi tĕ khai mơ Añ tòm mat bal! Ñcau la cau yă Añ taih? Lòi khai tòm mat mơ Añ!

Esai 55:7

Lòi tĕ cau iơh bơsak sang lòi gùng dà khai dê, mơ lòi tĕ ală cau kơlôi sơnơng ală bơta ò song ring rê wơl hơ Yàng Jehôwa, Kơnràñ rơp nđàc sơngit di bol khai, mơ rê wơl hơ Yàng Tom Trồ bol he dê, bơh Kơnràñ rơp toh glài dờng ơnàng.

Jeremi 2:5

Yàng Jehôwa đơs be do: “Ồng pàng bol mê neh gŏ bơta lơi ò song ring tòm Añ, tàng neh lòt ngài bơh di Añ; Neh lòt jat bơta roh lơm, Mơ gơlik gơs ò kwơ să tòm bol khai in?

Ejekiel 18:27

Mơya dilah dô nă cau iơh bơsak pơrlac sang bơta iơh bơsak mơ khai neh lơh mơ lơh wơl bơta song ring mơ di gùng gen khai rơp dong klàs bơta kis khai dê.

Ejekiel 33:16

Ò gơs dô nơm glài lơi bol khai neh tìs rơp gơkòl kah wơl tòmdră mơ bol khai; khai neh lơh bơta song ring mơ song ngan, ngan la bol khai rơp kis.

Mice 6:2

Ơ ală mơnơm, iat tĕ jơnau tòm pơndang Yàng Jehôwa dê; Iat tĕ, ơ ală mơnàng gam sùm sùm plai ù dê, Bơh Yàng Jehôwa tòm pơndang mơ làng bol Kơnràñ dê, Kơnràñ rơp tòmdră mơ Israel.

Broă 17:2

Jat bơta òs mòng Pol tus hơ hìu jum cau Juda dê, mơ tòm pe ngai Saƀat khai tòmbơyai bal mơ bol hơ̆,

Broă 18:4

Kòp ngai Saƀat Pol bơto sồr tòm hìu jum cau Juda, mơ chồl pơndòm ală cau Juda mơ cau Grek.

Broă 24:25

Mơya tòm tŭ Pol bơto bơyai bơh bơta song ring, bơta git kơrhia mơ bơta cahrña rài tơnơ̆, gen Phelik rơm să rngòt, mơ đơs lah: “Tŭ do mê lòi ing, gơn tŭ lơi añ ru gen añ rơp hòi wơl mê.”

Rôma 5:20

Mơ tai, bơta boh lam neh mut tồ tồi glài bơtơl oă tai; mơya tiah lơi tồi glài bơtơl oă tai, gen bơta nđàc sơlo bơtơl lìu làc rlau tai,

Yal Tơlik 7:14

Añ đơs lah: “Ơ Kơnràñ, Kơnràñ git.” Khai đơs mơ añ lah: “Hơ̆ la ală cau lik bơh bơta rung rài dờng, neh pìh mơ lơh bò ào jrùh bol khai dê tòm mhàm Belàt Kòn dê.

I Samuel 12:7

Gen tàng tŭ do, ntào tĕ tềng do nàng añ yă bol mê di đap Yàng Jehôwa, mơ añ rơp yal loh bol mê in bơh jơh ală broă gơnap gơnoar mơ Yàng Jehôwa neh lơh nàng dong tă bol mê mơ ală ồng pàng bol mê dê.