Esai 1:16 - Sră Goh 2018

¹⁶ Rào tĕ să tòm bol mê, lơh tĕ să tòm bol mê in sàng goh! Tă sang tĕ ală broă iơh bol mê dê bơh di đap mat Añ! Ơm tĕ, bañ lơh tìs tai.

Esai 1:16 ပူးပေါင်းရင်းမြစ်များ

II Ală Bơtau 17:13

Bulah Yàng Jehôwa yal tơnggit Israel mơ Juda in, bơh di ală cau gơnoar hwơr mơ ală cau git lài, lah: “Pơrlac tĕ bơh di ală gùng iơh bơsak bol mê dê, kơrmap gàr tĕ bơta sồr lam mơ bơta boh lam Añ jê, jat be jơh ală bơta boh lam Añ neh nting sồr ală ồng pàng bol mê dê, mơ Añ neh sồr bol mê bơh ală dĭ gơna Añ jê la ală cau gơnoar hwơr.”

Đơs Crih 26:6

Ơ Yàng Jehôwa, añ rào tê añ jê tòm tŭ añ ò gơs glài, Mơ añ lòt gùt dar cơnòng duh khoai Kơnràñ dê.

Đơs Crih 34:14

Pleh tĕ di bơta iơh mơ lơh tĕ bơta niam; Jòi jat tĕ bơta ring lơngai mơ ting jat tĕ gơ.

Đơs Crih 37:27

Pleh tĕ dê bơta iơh mơ lơh tĕ bơta niam, Gen mê rơp gam sùm sùm.

Đơs Crih 51:2

Dan rào añ in goh jơh hir bơta iơh bơsak añ jê, Mơ lơh añ in gơs goh bơh di bơta tồi glài añ jê.

Jơnau Pơnđik 21:3

Lơh jat bơta song ring mơ song ngan geh niam nùs Yàng Jehôwa rlau mơ phan ơn duh khoai.

Jơnau Pơnđik 4:27

Bañ cah gùng mơ lòt đah ma hala đah kiau, Jơng kòn pleh tĕ ngài bơh di bơta iơh.

Esai 52:11

Cah is tĕ, cah is tĕ, lik tĕ bơh tềng hơ̆! Bañ ƀư di phan ƀơ̆ ƀơl! Lik tĕ bơh digùl hơ̆ mơ lơh tĕ să tòm bol mê gơlik sàng goh, bol mê la ală cau tui àñ ală phan ngui Yàng Jehôwa dê.

Jeremi 18:11

Behơ̆ tàng tŭ do, yal tĕ mơ cau Juda mơ làng bol Jerusalem: ‘Yàng Jehôwa đơs be do: Do, Añ rcang bơta rung rài tòmdră mơ bol mê, mơ bơtào kai gơrmơ̆i tòmdră mơ bol mê. Tŭ do, jơh tơl nă bol mê pơrlac sang tĕ gùng iơh bol mê dê, mơ lơh niam wơl gùng dà mơ ală broă lơh bol mê dê!’

Jeremi 25:5

Tòm tŭ ală cau hơ̆ đơs lah: ‘Kòp nă tòm bol mê sang tĕ gùng iơh he dê mơ rê wơl; sang tĕ broă lơh iơh bơsak bol mê dê, mơ ơm tòm lơgar mơ Yàng Jehôwa neh ai oh mi mơ ồng pàng oh mi in sùm sùm.

Jeremi 26:3

Digơlan bol khai rơp iat mê, mơ kòp nă rơp sang gùng iơh bol khai dê; tồ Añ in rơp tòmgơl nùs bơh bơta rung rài mơ Añ neh lơh nền tuh hơđang bol khai, bơh broă iơh bol khai neh lơh.

Jeremi 35:15

Añ kung neh sồr jơh ală dĭ gơna Añ jê, hơ̆ la ală cau gơnoar hwơr lòt tus đơs mơ bol mê: “Kòp nă tòm bol mê sang tĕ gùng iơh bơsak, mơ lơh niam wơl broă lơh bol mê dê. Bañ lòt jat nàng duh broă ală yàng ndai, gen bol mê rơp ơm tòm ù tiah mơ Añ neh ai bol mê mơ ồng pàng bol mê in.” Mơya bol mê ò ai tồr nàng iat, mơ ò bài dòn bơr Añ.

Jeremi 4:14

Ơ Jerusalem, rào goh tĕ nùs bol mê dê bơh bơta iơh bơsak, Tồ mê in geh dong tă. Nđò jŏ mê lòi bơta bơyai iơh ơm tòm dơlam mê taih?

Amôs 5:15

Gơjrañ kơuềng tĕ di bơta iơh mơ kòñ gơboh tĕ di bơta niam; mơ bơt bơtào tĕ bơta song ring di mpồng ƀòn dờng. Digơlan Jehôwa Yàng Tom Trồ Gơnap Gơnoar Dờng Làm Jơh rơp ai bơta nđàc gơwèt hơ ală cau gam wơl Jôsep dê.

Jôna 3:8

Kòn mơnus mơ phan poan jơng pal soh ƀào sơnò kiat, mơ bol khai pal hòi dan rac ròc dô bă pràn ngan mơ Yàng Tom Trồ. Kòp nă pal sang tĕ ală gùng iơh mơ bơta jàñ bơsak hơ̆ bơh tê bol khai lơh.

Sacari 13:1

Tòm ngai hơ̆ rơp gơs dô nơm croh dà gơ pò hìu Dabit mơ làng bol Jerusalem in, nàng rào goh bol khai bơh tồi glài mơ bơta ƀơ̆ ƀơl.

Sacari 7:7

Ò di la ală jơnau Yàng Jehôwa neh kơnòm di ală cau gơnoar hwơr rài yau bơto yal tòm tŭ Jerusalem gơs ală cau ơm tòm gơ ơm tòm bơta pas sơm lơngap lơngai, bal mơ ală ƀòn gùt dar gơ, mơ tòm tŭ Negep mơ Sepelah gơs làng bol ơm ò ơ?’”

Mathiơ 3:8

Gơlik tĕ plai di pal mơ bơta gơjrañ sang glài.

Broă 22:16

Tŭ do, ñchi bơh tài bi gam gơn tai taih? Ntào tĕ, gơs ƀaptem mơ hòi dan tồ tồi glài bi geh rào goh.’”

Rôma 12:9

Nùs kòñ gơboh pal song ngan. Cù kìr tĕ di bơta iơh bơsak, mơ đềt mềr tĕ di bơta lơbơn niam.

II Kôrintô 7:1

Ơ oh mi kòñ gơboh, bơh bol he neh gơs jơnau ho pơgon behơ̆, gen lơh goh tĕ jơh ală bơta ƀơ̆ ƀơl đah poac să mơ đah hwềng, ai bơta duh rngòt di Yàng Tom Trồ nàng lơh wil tơl bơta sàng goh.

Jakơ 4:8

Tus tĕ rềp mơ Yàng Tom Trồ gen Kơnràñ rơp tus rềp mơ oh mi. Ơ ală cau glài, rào tĕ tê he; ơ ală cau gơs bàr đah nùs, lơh tĕ sàng goh nùs he.

I Pier 2:1

Behơ̆ oh mi sang lòi tĕ jơh ală bơta iơh bơsak, ală bơta lac lèo, ală bơta ma blac, nùs ƀoah gơjrañ, mơ jơh ală đơs bơrsèl tơnhial.

I Pier 3:11

Pal pleh di bơta iơh mơ lơh bơta niam, Pal jòi bơta ring lơngai mơ ting jat bơta hơ̆.

Yal Tơlik 7:14

Añ đơs lah: “Ơ Kơnràñ, Kơnràñ git.” Khai đơs mơ añ lah: “Hơ̆ la ală cau lik bơh bơta rung rài dờng, neh pìh mơ lơh bò ào jrùh bol khai dê tòm mhàm Belàt Kòn dê.