Esai 1:11 - Sră Goh 2018

¹¹ Yàng Jehôwa đơs: “Ñchi kwơ Añ in rbô rhiang phan ơn duh khoai bol mê dê taih? Añ neh dil bơh ală phan ơn chu pơrguc belàt dam dê, mơ dơngi ală phan poan jơng lơmă; Añ ò niam nùs di mhàm kơnrồ dam, belàt kòn mơ be dam.

Esai 1:11 ပူးပေါင်းရင်းမြစ်များ

Đơs Crih 40:6

Yàng ò kòñ phan ơn duh khoai mơ phan ơn, Mơya Kơnràñ neh pò tồr añ nàng kơno jơnau Yàng; Yàng ò sồr ơn phan ơn chu pơrguc, hala phan ơn tơwài glài.

Đơs Crih 50:8

Añ ò lah pơrhơng mê bơh ală phan duh khoai mê dê; Ală phan ơn chu pơrguc mê dê gơ ơm sùm di đap Añ.

Đơs Crih 51:16

Bơh Yàng ò chò hòp di phan ơn duh khoai ò; Dilah añ ơn phan ơn chu pơrguc gen bơta hơ̆ ò niam nùs Kơnràñ.

Jơnau Pơnđik 15:8

Phan ơn duh khoai cau iơh bơsak ai lơh cù kìr Yàng Jehôwa in; Mơya jơnau hòi dan cau song ring dê geh niam nùs Kơnràñ.

Jơnau Pơnđik 21:27

Phan ơn duh khoai cau iơh dê la dô nơm phan cù kìr; tơ ài lah tŭ bol khai cèng tus bal mơ bơta kơlôi sơnơng iơh.

Jơnau Pơnđik 21:3

Lơh jat bơta song ring mơ song ngan geh niam nùs Yàng Jehôwa rlau mơ phan ơn duh khoai.

Esai 58:2

Bơh kòp ngai bol khai jòi Añ; bol khai chò hòp kòñ git ală gùng dà Añ jê; gơlơh be dô nơm làng bol lơh jat bơta song ring mơ ò sang lòi ală bơta lơh nền Yàng Tom Trồ bol khai dê. Bol khai lùp Añ bơh ală bơta cahrña song ring, mơ bol khai chò hòp tus rềp hơ Yàng Tom Trồ.

Esai 66:3

Mơya cau lơi hàl dô nơm kơnrồ dam gen kung be cau tơnchơt dô nă cau, mơ cau lơi ơn pơdơng dô nơm belàt kòn, gen kung be cau dơrpă ngko dô nơm so; cau lơi ai kòi mbo lơh gơs phan ơn, gen kung be cau ơn mhàm sur, mơ cau lơi chu kơlhô nàng kah kirsơnre, gen kung be cau duh khoai rùp ràk. Bol khai neh sac rwah gùng is bol khai dê, mơ hwềng soàn bol khai dê chò hòp tòm ală bơta tồi glài iơh bơsak bol khai dê.

Jeremi 6:20

Behơ̆, ñchi kwơ cèng kơlhô tus bơh Seba Añ in, Chi ƀô lơngồt tus bơh lơgar ngài? Phan ơn chu bol mê dê ò geh dòp, Phan ơn pơdơng bol mê ò niam nùs Añ.”

Jeremi 7:21

Yàng Jehôwa Gơnap Gơnoar, Yàng Tom Trồ Israel dê đơs be do: “Bơtơl tĕ phan ơn chu bol mê dê tòm ală phan ơn duh khoai, mơ sa poac tĕ!

Sră Ôse 6:6

Bơh Añ kòñ bơta kòñ gơboh kơ̆ dơn, ò kòñ phan ơn pơdơng, mơ bơta đal git Yàng Tom Trồ la niam rlau mơ phan ơn chu pơrguc.

Sră Ôse 8:13

Bulah bol khai ơn phan duh khoai niam Añ in, bulah bol khai sa poac, Yàng Jehôwa kung ò dòp bol khai. Tŭ do Kơnràñ kah wơl bơta tồi glài bol khai dê, mơ lơh glài bơh tồi glài bol khai dê, bol khai rơp rê wơl hơ Ejiptơ.

Amôs 4:5

Cèng tĕ piang lă ò gơs kañ, lơh gơs phan ơn bơta ưnngài, mơ yal tơlik tĕ bơh ală phan ơn jat nùs kòñ bol ai dê; yal tơnggit tĕ bơh ală bơta hơ̆, bơh hơ̆ la bơta bol mê kòñ lơh, ơ làng bol Israel!” Jehôwa Yàng Tom Trồ đơs behơ̆.

Amôs 5:21

Añ gơjrañ, Añ sền òsơp ală ngai pơjum sa bol mê dê; Añ ò kòñ ală ngai pơjum dờng màng bol mê dê.

Amôs 5:22

Bulah bol mê cèng Añ in ală phan ơn chu pơrguc mơ ală phan ơn mơ kòi mbo, Añ rơp ò dòp ală phan ơn hơ̆. Bulah bol mê cèng ală phan ơn bơta ring lơngai mơ dơngi phan poan jơng bol mê dê, Añ ò wèt mat di bol gơ ò.

Mice 6:7

Yàng Jehôwa rơp niam nùs di rbô rhiang belàt dam hala di jơt rbô hiòng mơñà sơl ơ? Añ rơp ơn kòn tơnhoa añ jê bơh bơta tìs glài añ jê, mơ bơta kis kòn sau añ tài bơh tồi glài hwềng soàn añ jê sơl ơ?

Sră Age 2:14

Gen Age đơs lah: “Yàng Jehôwa đơs lah: ‘Gơwèt hơ làng bol tòm lơgar do ơm di đap Añ kung behơ̆ sơl, mơ kung behơ̆ gơwèt mơ jơh ală broă tê bol khai lơh mơ phan lơi bol khai ơn gen kung gơlik ƀơ̆ ƀơl.’

Sacari 7:5

“Lùp tĕ jơh làng bol tòm lơgar bal mơ ală cau gơnoar ơn phan duh khoai lah: ‘Tòm tŭ bol mê ơt sa mơ ñìm rac tòm kơnhai pram kơnhai poh neh poh jơt sơnam do rau, ngan sơl la tài bơh Añ mơ bol mê ơt sa hơ̆ sơl ơ?

Malaci 1:10

“Ơ hơh, gơs cau lơi tòm bol mê pal til ală mpồng hìu duh khoai dê, tồ bol mê ò chu ồs di cơnòng duh khoai Añ jê tòm bơta ò kwơ.” Yàng Jehôwa Gơnap Gơnoar Dờng Làm Jơh đơs lah: “Añ ò niam nùs di bol mê, mơ Añ ò dòp phan ơn lơi bơh di tê bol mê.

Khà Làng Bol 7:45

dô nơm kơnrồ dam, dô nơm belàt dam mơ dô nơm belàt dam tơl dô nam, lơh gơs dô nơm phan ơn chu pơrguc;

Mathiơ 22:4

Bơtau sồr tai ală cau dĭ ndai mơ nting lah: ‘Đơs tĕ mơ cau neh geh jà lah: Do añ neh rcang sir phan sa rau, kơnrồ mơ phan poan jơng lơmă neh lơh poac rau. Jơh ală bơta neh sir rau. Tus tĕ sa tòmbau.’

Mathiơ 9:13

Lòt tĕ bơtê git jơnau gơtha sèng do: ‘Añ kòñ bơta kòñ nđàc, ò kòñ phan ơn duh khoai ò.’ Bơh Añ tus ò di nàng hòi cau song ring ò, mơya nàng hòi cau glài.”

I Samuel 15:22

Mơya Samuel đơs lah: “Yàng Jehôwa niam nùs di ală phan ơn chu pơrguc mơ ală phan ơn duh khoai kung be niam nùs di bơta lơh jat jơnau đơs Yàng Jehôwa dê sơl ơ? Bơta dòn bơr la niam rlau mơ phan ơn duh khoai, mơ bơta iat jơnau la niam rlau mơ dơngi ală belàt dam.