Ephesô 6:9 - Sră Goh 2018

⁹ Ơ cau la cau tòm, gơwèt tĕ mơ bol khai dô bă behơ̆ sơl, bañ pơhìn bol khai, bơh git lah bol khai mơ oh mi gơs bal dô nă Cau tòm ơm hơđang trồ; Kơnràñ ò sền òsơp di cau lơi.

Ephesô 6:9 ပူးပေါင်းရင်းမြစ်များ

Nehemi 5:5

Tŭ do poac să bol hi dê kung be poac să oh mi he dê, ală kòn bol hi dê kung be ală kòn bol khai dê, do bol he neh kup bơklơn ală kòn klau mơ ală kòn ùr bol hi dê nàng lơh dĭ, mơ kung gơs kòn ùr bol hi dê neh kong kup cèng; mơya bol hi ò gơs gơnoar lơi, tài bơh ală mìr sre mơ ală suơn ño bol hi dê neh gơrê mơ cau ndai.”

Sră Jop 34:19

Hơ̆ ò di Kơnràñ la Bơtau ò sền òsơp dê ală cau màng ryŭ, Ò sền cau pas gơs dờng màng rlau mơ cau rƀah, Bơh bol khai jơh tơl nă la broă lơh tê Kơnràñ dê ò ơ?

Đơs Crih 140:12

Añ git lah Yàng Jehôwa dong tò cau siơ̆u siar, Mơ cahrña song ring cau rƀah in.

Cau Bơto 5:8

Dilah mê gŏ tòm lơgar gơs cau rƀah kong rồn bơklơn, hala gŏ bơta lơh tìs di bơta song ring mơ bơta di ngan, gen bañ ai lơh krơi; bơh gơs cau kwang jơnhoa ơm kơp sền bơh tiah jơnhoa rlau, mơ hơđang bol khai gam gơs dô nă kwang jơnhoa rlau hơđang bol khai.

Esai 47:6

Añ neh gơhào gơjrañ di làng bol Añ jê, Añ lơh ƀơ̆ ƀơl sre brê Añ, Añ jào bol khai tòm tê ai dê, mơ ai ò yal tơlik bơta nđàc sơngit, Ai ơn dô nơm yô kơnjơ̆ rlau ir hơđang cau kra krồñ.

Daniel 3:15

Behơ̆ tŭ do, tòm tŭ bol mê kơno ntas kơlwòk, rkèl, kơwào, kơñi pĕ, kơñi rơs, kơmboat, mơ ală bơta kơñi ndai, mơ bol mê pal rcang sir tơmbic să nàng duh khoai rùp ràk mơ añ neh lơh gơs, gen di; mơya dilah bol mê ò cùn khoai gen bol mê rơp kong sơrbì mo tòm gùl bơnhă ồs hơng gen gơs yàng lơi rgơi dong bol mê klàs bơh di tê añ taih?”

Daniel 3:6

Cau lơi ò tơmbic să nàng duh khoai gen rơp kong sơrbì mo tòm gùl bơnhă ồs hơng.”

Lebi 19:13

Bañ pơrlồm cau ơm rềp di bol mê hala tòmpìt ai phan khai dê. Bañ prap lòi wơl jền tơngai dô nă cau lơh ơpah dê jơl tus di ngai hìng.

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Mathiơ 22:10

Ală cau dĭ lòt làm ală gùng me pơjum jơh ală cau bol khai tìp, cau iơh bal mơ cau niam, behơ̆ ơdŭ sa tòmbau bềng cau nac.

Mathiơ 22:8

Chòp cau bơtau đơs mơ ală cau dĭ khai dê lah: ‘Bơta sa tòmbau neh lơh sir rau, mơya ală cau neh geh jà hơ̆ ò gơs cau lơi di pal.

Mathiơ 24:48

Mơya dilah cau dĭ iơh bơsak ne đơs òm tòm nùs lah: ‘Cau tòm añ jê òbat tus,’

Mathiơ 24:51

Cau tòm rơp pù tac poac khai mơ tơmut khai bal mơ cau ma blac. Tềng hơ̆ rơp gơs ñìm rac mơ rkiat sề.”

Mathiơ 7:12

Behơ̆ bơta lơi mê kòñ cau lơh he in, gen lơh tĕ bơta hơ̆ bol khai in, bơh hơ̆ la tơnggume bơta boh lam mơ jơnau gơnoar hwơr dê.”

Luka 6:31

Bol mê kòñ cau lơh bol mê in be lơi, gen kung lơh tĕ bol khai in behơ̆ sơl.

Jang 13:13

Bol mê sơnđan Añ la Cau Bơto mơ la Yàng; bol mê đơs di, bơh Añ ngan la behơ̆.

Broă 10:34

Pier pò bơr mơ đơs lah: “Ngan añ đal git Yàng Tom Trồ ò di sền òsơp di cau lơi ò,

Rôma 2:11

Bơh Yàng Tom Trồ ò sền òsơp di cau lơi.

I Kôrintô 1:2

pơyoa Hìu Jum Goh Yàng Tom Trồ in tòm Kôrintô, tus hơ ală cau neh gơlik gơs sàng goh tòm Yàng Jesu Krist, geh kòp la ală cau sàng goh, dô bă bal mơ jơh ală cau tòm kòp bă tiah hòi dan di sơnđan Yàng Jesu Krist, la Yàng bol khai dê mơ Yàng bol he dê sơl.

I Kôrintô 7:22

Bơh cau ơm dĭ mơ geh Yàng hòi sac, gen hơ̆ la cau Yàng neh hồ toh; kung behơ̆ sơl, cau ơm khat gơboh mơ geh hòi sac, gen hơ̆ la dĭ gơna Bơtau Krist dê.

Yal Wơl 10:17

Bơh Jehôwa Yàng Tom Trồ bol mê dê la Yàng Tom Trồ dờng, gơs gơnoar pràn mơ pal rngòt, Kơnràñ ò cah is cau lơi, ò dòp phan loă.

Kôlôse 3:25

Bơh cau lơi lơh bơta ò song ring, gen rơp kong sal wơl bơta ò song ring khai neh lơh hơ̆, bơh ò gơs bơta cah is cau lơi.

Kôlôse 4:1

Ơ cau la cau tòm, gơwèt tĕ mơ cau dĭ gơna mê dê dô bă song ring mơ ring bal, bơh git lah oh mi kung gơs dô nă Cau tòm ơm hơđang trồ.

Jakơ 2:13

Bơh bơta cahrña ò kòñ nđàc di cau ò gơs bơta kòñ nđàc, mơya bơta kòñ nđàc pha rlau mơ bơta cahrña.

Jakơ 2:8

Dilah oh mi lơh jat wil tơl bơta boh lam dờng màng, jat be jơnau Sră Goh cih lah: “Mê kòñ gơboh tĕ di cau gơp ƀòn he be he,” gen oh mi lơh di ngan.

Jakơ 5:4

Jền tơngai ală cau lơh ơpah toès tòm sre bol mê dê, mơ bol mê neh sa kơrlơm, gen gơ hòi driau; mơ jơnau hòi driau ală cau toès dê neh guh tus dê tồr Yàng Gơnap Gơnoar Làm Jơh.

I Samuel 15:17

Samuel đơs lah: “Bulah neh gơs dô tŭ mê kơlôi să tòm mê la dềt rhền, ò di mê neh gơlik gơs bồ ală jơi bơtiàn Israel ò ơ? Yàng Jehôwa neh bong mơñà mê in nàng gơs bơtau Israel dê.