Ephesô 6:23 - Sră Goh 2018

²³ Dan oh mi in geh bơta lơngap lơngai, bơta kòñ gơboh bal mơ bơta dòn bơh Yàng Tom Trồ la Bèp mơ bơh Yàng Jesu Krist.

Ephesô 6:23 ပူးပေါင်းရင်းမြစ်များ

Sơnròp Gơlik Gơs 43:23

Cau gơnoar at bồ hìu đơs lah: “Dan bơta ring lơngai ơm bal mơ oh mi! Bañ rngòt, hơ̆ la Yàng Tom Trồ ală oh mi dê, Yàng Tom Trồ bèp ală oh mi dê neh ai phan màng tòm ală rơnđò, ai priă ală bol mê dê neh jào añ in rau.” Gen, khai lam Simeôn tus hơ oh mi khai dê.

Jang 14:27

Añ lòi wơl bơta lơngap lơngai bol mê in; Añ ai bơta lơngap lơngai Añ jê bol mê in; Añ ai bol mê in ò di be dunnia ai. Nùs bol mê bañ dơrcul mơ bañ rngòt.

Rôma 1:7

Behơ̆, añ pơyoa jơh tơl nă cau kòñ gơboh Yàng Tom Trồ dê tòm ƀòn Rôma, neh geh hòi sac nàng gơlik gơs cau ơn is Kơnràñ dê. Dan Yàng Tom Trồ la Bèp bol he dê mơ bơh Yàng Jesu Krist ai bơta nđàc mơ bơta lơngap lơngai oh mi in.

Rôma 15:33

Dan Bơtau ai bơta lơngap lơngai la Yàng Tom Trồ ơm bal mơ jơh ală oh mi. Amen.

I Kôrintô 1:3

Dan oh mi in geh bơta nđàc mơ bơta lơngap lơngai bơh Yàng Tom Trồ la Bèp bol he dê mơ bơh Yàng Jesu Krist.

II Kôrintô 13:11

Tơnơ̆ wơl, ơ oh mi, hòn chò tĕ, gơs wil tơl tĕ; chồl pơndòm tĕ, gơs dô nùs kơlôi bal, gơtòmsòr bal tĕ, gen Yàng Tom Trồ la Bơtau ai bơta kòñ gơboh mơ bơta lơngap lơngai rơp ơm bal mơ oh mi. Ngac yơ!

Galati 5:6

Bơh tòm Yàng Krist Jesu, bơta siat gơltau hala ò siat gơltau kung ò gơs kwơ, mơya bơta dòn geh yal tơlik bơh broă lơh tòm bơta kòñ gơboh sồng gơs kwơ.

Galati 6:16

Dan bơta lơngap lơngai mơ bơta kòñ nđàc mù hơđang jơh ală cau lơh jat bơta sơnoa rnoas do, mơ hơđang làng bol Israel Yàng Tom Trồ dê sơl.

Ephesô 6:24

Dan bơta nđàc ơm bal mơ jơh ală cau ai bơta kòñ gơboh gam sùm mơ kòñ gơboh di Yàng Jesu Krist bol he dê.

I Tesalônika 5:8

Mơya bol he la cau neh bal mơ trồ ngai, gen tàng ngac mat tĕ, dòp soh bơta dòn mơ nùs kòñ gơboh kung be ào lòs, ai bơta gơn kơnòm bơh bơta dong klàs lơh gơs kung be sơgơn lòs.

II Tesalônika 1:3

Ơ oh mi, bol hi pal bơh oh mi mơ ưnngài Yàng Tom Trồ sùm sùm, mơ bơta hơ̆ la pal ngan, bơh bơta dòn oh mi dê gơbơtơl oă ngan, mơ nùs kòñ gơboh bal mơ gơp kòp nă cau dê tòm jơh ală oh mi sơlo ngai sơlo bơtơl tai,

II Tesalônika 3:16

Dan să tòm Yàng la Bơtau ai bơta lơngap lơngai sùm sùm tòm jơh ală bơta. Dan Yàng ơm bal mơ jơh tơl nă oh mi.

I Timôthe 1:14

Mơ bơta nđàc Yàng bol he dê neh tơngkah tơngkañ oă ngan bal mơ bơta dòn mơ bơta kòñ gơboh tòm Yàng Krist Jesu.

I Timôthe 1:3

Be lài òr tòm tŭ añ rơp lòt hơ Masedoan, gen añ neh bơto tơngkah mê pal ơm tòm Ephesô nàng bơto kràñ cê ală cau ne, sồr bol khai bañ bơto bơta bơto sồr lơi ndai,

I Timôthe 5:8

Dilah gơs cau lơi ò sền gàr gơp jơi he, lài ngan la cau tòm hìu nhă he, gen cau hơ̆ neh pơndang sang bơta dòn, behơ̆ la iơh rlau mơ cau ò dòn.

I Pier 5:14

Oh mi ai tĕ bơta còp să kòñ gơboh nàng còp să bal mơ gơp. Dan bơta lơngap lơngai ơm mơ jơh tơl nă oh mi tòm Bơtau Krist.

III Jang 1:14

Añ kơp kòñ mhar tìp mat bi mơ bol he rơp tòm mat tòmbơhbơr bal.

Yal Tơlik 1:4

Jang pơyoa poh nơm Hìu Jum Goh in tòm kơnhwàl Asia: Dan oh mi in geh bơta nđàc mơ bơta lơngap lơngai tus bơh Bơtau Gam Gơs, Neh Gơs mơ Rơp Tus; mơ bơh poh Hwềng ơm di đap sơbàn Kơnràñ dê,

I Samuel 25:6

Đơs tĕ mơ khai be do: ‘Dan lơngap lơngai ồng in, lơngap lơngai hìu nhă ồng in, mơ lơngap lơngai hơđang jơh ală phan ồng neh gơs!