Ephesô 6:21 - Sră Goh 2018

²¹ Bơh kòñ oh mi in git ală bơta añ tìp mơ ală broă añ lơh, gen Ticikơ, la oh mi đềt mềr mơ la cau gơnoar duh broă dòn song tòm Yàng, rơp yal oh mi in git jơh ală bơta.

Ephesô 6:21 ပူးပေါင်းရင်းမြစ်များ

Broă 20:4

Gơs ală cau lòt bal mơ khai la Sôpate kòn Pirus, cau ƀòn Bere; Aritak mơ Sekundus cau Tesalônika; Gaius cau Derbơ; mơ Timôthe, Ticikơ mơ Trôphim la cau kơnhwàl Asia.

I Kôrintô 4:17

Tài behơ̆, añ neh sồr Timôthe lòt tus hơ oh mi, khai la kòn kòñ gơboh mơ dòn song añ jê tòm Yàng. Khai rơp tơngkah oh mi in bơh ală gùng dà rài kis pa añ jê tòm Yàng Krist Jesu, kung be añ bơto sồr tòm kòp nơm Hìu Jum Goh làm bă tiah.

Philip 1:12

Ơ ală oh mi, añ kòñ oh mi git lah ală bơta neh gơtơntus di añ ngan neh dong tòm bơta bơtào tơngguh Jơnau Niam,

Kôlôse 1:7

tòm toh be oh mi neh bơtê mơ Epapras, la cau bơyô lơh broă bal đềt mềr bol hi dê. Khai la cau ala mat bol hi, la dô nă cau gơnoar duh broă dòn song Bơtau Krist dê.

I Timôthe 4:6

Dilah mê tơngkah ală bơta hơ̆ oh mi in, gen mê la cau duh broă niam Yàng Krist Jesu dê, geh ròng bơh ală jơnau bơta dòn dê mơ bơh bơta bơto sồr niam mơ mê neh jat.

II Timôthe 4:12

Añ neh sồr Ticikơ lòt hơ Ephesô.

Sră Pơyoa Pol Dê Pơyoa Tit In 3:12

Tòm tŭ añ sồr Atemas hala Ticikơ lòt tus hơ mê, gen jơh nùs lòt tus tĕ hơ añ tòm Nikôpôlis, bơh añ neh lơh nền ơm tềng hơ̆ tòm kơnhai noat.

Philemôn 1:16

ò di sền be dĭ gơna tai ò, mơya sền màng rlau mơ dĭ gơna, sền be oh mi kòñ gơboh, sơnròp ngan la kòñ gơboh añ jê, tơ ài lah bi gen sơlo rlau tai, bơh pơnah đah poac să mơ pơnah tòm Yàng sơl.

I Pier 5:12

Kơnòm di Silwan, la cau añ sền kung be dô nă oh mi dòn song, añ cih dô êt jơnau do nàng bơto tơngkah oh mi mơ lơh cơng lah do la bơta nđàc song ngan Yàng Tom Trồ dê; oh mi pal ơm kơ̆ tòm bơta nđàc hơ̆.

II Pier 3:15

Pal kah tĕ lah bơta kong ơt Yàng bol he dê la bơh bơta dong klàs oh mi dê, kung be Pol, bi kòñ gơboh bol he dê, jat bơta jak chài neh ai khai in mơ cih sră pơyoa oh mi in sơl.