Ephesô 6:20 - Sră Goh 2018

²⁰ Bơh Jơnau Niam hơ̆ mơ añ la cau gơnoar ala mat kòl kơt tòm che sreng, nàng ơm tòm hơ̆ añ gơs khin cha bơto Jơnau Niam hơ̆ be añ pal bơto.

Ephesô 6:20 ပူးပေါင်းရင်းမြစ်များ

Jơnau Pơnđik 13:17

Cau kong sồr iơh cèng bơta rung rài; Ai cau kong sồr dòn song cèng bơta sơmbòi.

Esai 33:7

Iat tĕ, ală cau khin cha bol khai dê nggà ñìm tòm ală gùng lòt; ală cau kong sồr lòt lơh gơtòmsòr ñìm rac sràt bơtang.

Esai 58:1

“Driau dờng tĕ, bañ dơh wơl. Yò tơngguh tĕ sap mê dê be dô nơm kơlwòk. Yal tơnggit tĕ làng bol Añ in bơh bơta tòmdră bol khai dê, mơ hìu Jakôp in bơh ală bơta tồi glài bol khai dê.

Jeremi 1:17

Behơ̆, mê kơt tĕ but, ñă ntào, yal bol khai in git ală bơta Añ neh ai gơnoar sồr mê in. Bañ rngòt di bol khai, rngòt Añ rơp lơh mê in rngòt rngơt di đap bol khai.

Jeremi 40:1

Gơs jơnau Yàng Jehôwa đơs mơ Jeremi tơnơ̆ mơ tŭ Nebujaradan, cau at bồ mpồl ling kơp gàr bơtau dê, hồ toh Jeremi tòm Rama. Nebujaradan neh jòi bàn Jeremi tŭ gam kòl kơt mơ sreng digùl ală cau kòl kup bơh Jerusalem mơ Juda dê nàng cèng hơ Babilôn.

Broă 21:33

Cau kwang at bồ mpồl ling lòt tus rềp kup khai, lồc behơ̆ sồr ai bàr dang che sreng cap khai, gen lùp: “Khai la ñcau, mơ ñchi broă neh lơh?”

Broă 26:29

Pol ho lah: “Ò git dô êt hala oă, añ hòi dan mơ Yàng Tom Trồ ò di mìng dô nă bơtau lơm ò, mơya jơh tơl nă cau iat jơnau añ tòm ngai do, gen gơlik gơs be añ, mìng ò gơs che sreng do lơm.”

Broă 28:20

Tài bơh hơ̆ tàng añ jà oh mi tus nàng tìp mat tòmbơhbơr bal, mơ hơ̆ la tài bơh Yàng la bơta gơn kơnòm làng bol Israel dê tàng añ kong cap mơ che sreng do.”

Broă 28:31

bơto yal bơh lơgar Yàng Tom Trồ mơ bơto sồr bơh Yàng Jesu Krist dô bă khin cha ngan, ò gơs cau lơi bơkơŭ kơryan khai dô êt lơi.

Broă 5:29

Pier bal mơ ală cau gơnoar bơto dờng ho wơl lah: “Chan bol hi pal lơh jat jơnau Yàng Tom Trồ dê rlau mơ lơh jat jơnau cau dê.

II Kôrintô 3:12

Bơh bol he neh gơs bơta gơn kơnòm behơ̆, gen tàng bol he đơs dô bă khin cha ngan,

II Kôrintô 5:20

Behơ̆ bol hi la cau gơnoar ala mat Bơtau Krist dê, kung be Yàng Tom Trồ bơh bol hi mơ bơto tơngkah; bol hi ai sơnđan Bơtau Krist dan oh mi gơtòmsòr wơl tĕ mơ Yàng Tom Trồ.

Ephesô 3:1

Tài bơh hơ̆, añ la Pol, lơh gơs cau ơm jàm Yàng Jesu Krist dê tài bơh oh mi la cau làng bol bơdìh,

Ephesô 4:1

Behơ̆, añ la cau ơm jàm tài bơh Yàng, rac dan oh mi pal kis dô bă di pal mơ bơta hòi sac mơ Yàng neh hòi sac oh mi.

Ephesô 6:19

Kung hòi dan tĕ añ in, nàng añ in gơs bơta chài đơs, khin cha pò bơr nàng yal tơlik bơta ndơp ndơr Jơnau Niam dê.

Philip 1:20

Jat bơta kơp gơn nền cê mơ bơta gơn kơnòm añ jê, añ ò ƀàssìl tòm broă lơi ò, mơya lài be lơi, gen tòm tŭ do kung behơ̆ sơl, añ gơs nùs bềng bơta khin cha; behơ̆ bulah bơh bơta kis hala bơh bơta chơt añ jê, gen tòm să jan añ Bơtau Krist rơp geh jòng ro.

Philip 1:7

Añ kah jơh ală oh mi behơ̆ la di ngan, tài bơh añ jơh nùs kòñ gơboh di oh mi; bulah tòm tŭ añ ơm jàm, hala tòm tŭ tò să mơ lơh cơng bơh Jơnau Niam, gen jơh ală oh mi kung dòp geh bơta nđàc bơh Yàng Tom Trồ be añ sơl.

Kôlôse 4:3

Kung hòi dan tĕ bol hi in, dan Yàng Tom Trồ pò bol hi in dô nơm mpồng bơto jơnau Yàng, nàng bơto jơnau ndơp ndơr Bơtau Krist dê, kung bơh jơnau hơ̆ mơ añ kòl kơt mơ che sreng,

Kôlôse 4:4

tồ añ in yal tơlik jơnau hơ̆ be añ pal đơs.

I Tesalônika 2:2

Mơya tơnơ̆ mơ tŭ neh kong jê sồt mơ dơñŏ tơnhial tòm Philip, be oh mi neh git, gen bol hi sơlo khin cha tòm Yàng Tom Trồ bol hi dê mơ bơto yal Jơnau Niam Yàng Tom Trồ dê oh mi in digùl oă bơta gơrơndul tòmdră.

II Timôthe 1:16

Dan Yàng ai bơta kòñ nđàc hìu Ônesiphôr in, bơh khai oă dơ̆ lơh nùs añ in rài bòl, ò ƀàssìl bơh añ kòl kơt mơ che sreng,

II Timôthe 2:9

Bơh Jơnau Niam hơ̆ tàng añ kong bòl glar, tian gơs kòl cap be cau tìs glài; mơya jơnau Yàng Tom Trồ dê ò kòl cap ò.

Philemôn 1:10

Behơ̆ añ rac dan mơ bi bơh Ônesim, la kòn klau tòm añ jê tòm Bơtau Krist, mơ tòm tŭ añ ơm jàm añ neh gơlik gơs bèp đah hwềng khai dê.

Philemôn 1:9

mơya tài bơh nùs kòñ gơboh chan añ rac dan la niam rlau. Mơ añ la Pol cau gơnoar ala mat Bơtau Krist dê, mơ tŭ do tài bơh Yàng Krist Jesu mơ kong ơm jàm.

I Jang 3:16

Bơh bơta do bol he đal git bơta kòñ gơboh hơ̆ la Bơtau Krist neh phi bơta kis Kơnràñ dê bơh bol he; bol he kung pal phi bơta kis bơh oh mi he behơ̆ sơl.

Jude 1:3

Ơ ală oh mi kòñ gơboh, tòm tŭ añ jơh nùs kòñ cih oh mi in bơh bơta dong klàs bal bol he dê, gen añ kơlôi la pal càng cih nàng bơto tơngkah oh mi lah pal jơh nùs tòmlơh tài bơh bơta dòn, la bơta neh jào ală cau sàng goh in dô dơ̆ tơl rau.