Ephesô 6:17 - Sră Goh 2018

¹⁷ Kung ndau tĕ sơgơn la bơta dong klàs, mơ at đào Yàng Hwềng dê, la jơnau Yàng Tom Trồ dê.

Ephesô 6:17 ပူးပေါင်းရင်းမြစ်များ

II Samuel 22:36

Yàng neh ai añ in khèl bơta dong klàs Kơnràñ dê, Yàng neh mù nàng lơh añ in geh dờng ryŭ.

Esai 49:2

Kơnràñ neh lơh bơr añ kung be đào sồt; Kơnràñ neh pồn ndơp añ tòm mƀur tê Kơnràñ dê; Kơnràñ neh lơh añ in gơlik kung be kam geh tho àng goh, mơ pồn añ tòm ding kam Kơnràñ dê.

Esai 59:17

Kơnràñ soh bơta song ring lơh gơs kung be ào lòs, mơ dô nơm sơgơn lòs bơta dong klàs hơđang bồ Kơnràñ; Kơnràñ soh ồi ào bơta sal tê, mơ pùt să Kơnràñ mơ bơta gơjrañ dờng kung be dô nơm ào jrùh.

Sră Ôse 6:5

Behơ̆ tàng Añ neh ngui ală cau gơnoar hwơr Añ jê kơl bol mê, Añ neh tơnchơt bol mê bơh jơnau đơs bơr Añ jê; ală bơta cahrña Añ jê rơp lik be bơta àng;

Sacari 4:6

Behơ̆ khai đơs mơ añ lah: “Do la jơnau Yàng Jehôwa đơs mơ Jerubabel: ‘Hơ̆ ò di la bơh gơnoar pràn, kung ò di la bơh gơnap gơnoar, mơya la bơh Hwềng Añ,’ Yàng Jehôwa Gơnap Gơnoar Dờng Làm Jơh đơs behơ̆.

Mathiơ 4:4

Kơnràñ ho lah: “Gơs jơnau cih lah: ‘Kòn mơnus kis ò di mìng kơnòm di piang lă lơm ò, mơya kung kơnòm di ală jơnau đơs lik bơh di bơr Yàng Tom Trồ sơl.’”

Mathiơ 4:7

Yàng Jesu đơs lah: “Kung gơs jơnau cih lah: ‘Mê bañ lòng Yàng la Yàng Tom Trồ mê dê.’”

Ephesô 5:26

nàng tơnơ̆ mơ tŭ neh ngui dà mơ Jơnau Yàng nàng rào goh rau, gen lơh Hìu Jum Goh gơlik gơs sàng goh,

I Tesalônika 5:8

Mơya bol he la cau neh bal mơ trồ ngai, gen tàng ngac mat tĕ, dòp soh bơta dòn mơ nùs kòñ gơboh kung be ào lòs, ai bơta gơn kơnòm bơh bơta dong klàs lơh gơs kung be sơgơn lòs.

Hebrơ 4:12

Bơh jơnau Yàng Tom Trồ dê la jơnau kis, ƀă tàm, sồt rlau mơ đào bàr đah mat, srơp bluh tian gơs cah is hwềng soàn, hwềng nùs, kồ mơ khu, sền sơwì bơta kơlôi sơnơng mơ bơta lơh nền tòm nùs.

Hebrơ 6:5

neh git làm bơta niam jơnau Yàng Tom Trồ dê, mơ ală gơnap gơnoar rài tơnơ̆ dê;

Yal Tơlik 1:16

Tê ma Kơnràñ dê at poh nơm sơmañ; di bơr Kơnràñ gơlik dô nơm đào sồt bàr đah mat; mơ muh mat Kơnràñ dê be mattơngai tòm tŭ pơnđàng sòl gơcrà be digùl ngai.

Yal Tơlik 12:11

Bol khai neh geh pha lin rlau mơ gơ tài bơh kơnòm dê mhàm Belàt Kòn dê, mơ kơnòm dê jơnau lơh cơng bol khai dê, bơh bol khai ò pơlai bơta kis he dê jơl chơt.

Yal Tơlik 19:15

Gơs dô ngkơr đào sồt lik bơh di bơr Kơnràñ nàng lơh ală làng bol; Kơnràñ rơp ngui gai lòs nàng at bồ bol khai. Kơnràñ rơp jă mpal pat tơrnòm bơta gơjrañ dờng gơhào khuh ngan Yàng Tom Trồ dê, la Bơtau Gơnoar Dờng Làm Jơh.

Yal Tơlik 2:16

Behơ̆, gơjrañ sang glài tĕ; dilah ò behơ̆, Añ rơp tus mhar hơ mê, ai đào bơh di bơr Añ nàng tòmlơh mơ bol khai.’

I Samuel 17:5

Khai ndau di bồ dô nơm sơgơn mơ kòng, soh ào lòs tòmlơh gơs ngkàp kơnjơ̆ pram rbô sieklơ kòng.

I Samuel 17:58

Sol lùp khai lah: “Ơ cau pơnu, mê la kòn ñcau taih?” Dabit ho lah: “Añ la kòn klau cau duh broă bơtau dê la Jese ơm tòm Betlehem.”