Ephesô 6:11 - Sră Goh 2018

¹¹ Mă àñ tĕ jơh ală phan tòmlơh Yàng Tom Trồ dê, tồ oh mi in rgơi ntào jai nàng tòmdră mơ ală kai gơrmơ̆i cà ràk dê.

Ephesô 6:11 ပူးပေါင်းရင်းမြစ်များ

Nehemi 4:13

Behơ̆ tòm ală tiah liah rlau jơh di pah bơh ngkòi dơrñang dê, tòm ală tiah ƀlàng añ ơn ală làng bol jat ală hìu nhă bol khai dê bal mơ đào, tà mơ srào bol khai dê.

Jơnau Niam Jat Mak 13:22

Bơh rơp gơs ală krist ma blac mơ ală cau gơnoar hwơr ma blac gơtơngguh mơ lơh oă bơta krơi, tềl is tian gơs dilah rgơi gen kung pơrlồm ală cau geh sac rwah sơl.

Rôma 13:12

Mơnang mòr jơh, tơngai mòr tus; behơ̆ bol he hồ sang tĕ ală broă klam jơngo mơ soh ală phan tòmlơh bơta àng dê.

Rôma 13:14

Mơya dòp soh tĕ Yàng Jesu Krist, bañ rcang đah poac să nàng lơh jat bơta hàm kòñ is gơ dê.

I Kôrintô 10:13

Ò gơs bơta gơlòng lơi gơtơntus oh mi in rlau mơ kòn mơnus òs kong; mơya Yàng Tom Trồ la Bơtau lơh jat jơnau ho Kơnràñ dê, Kơnràñ ò lòi oh mi kong gơlòng rlau mơ pràn he dê, mơya tòm bơta gơlòng gen Kơnràñ kung pò gùng tồ geh lik klàs nàng oh mi in rgơi kong jai.

II Kôrintô 10:4

Bơh ală phan tòmlơh bol hi ngui ò di bal mơ dunnia, mơya la gơnap gơnoar Yàng Tom Trồ dê nàng sòr tơrlah ală theng kơ̆ cê, bol hi sòr tơrlah ală bơta bơyai tìs nrah,

II Kôrintô 11:3

Mơya añ rngòt lah, nùs oh mi roh bơta song ngan mơ bơta sàng goh gơwèt mơ Bơtau Krist, kung be yau òr bơs neh ngui kai lac lèo mơ pơrlồm Eba behơ̆ sơl.

II Kôrintô 2:11

tồ cà Satan in ò geh pha lin mơ bol he, bơh bol he git kai lac lèo gơ dê.

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

II Kôrintô 6:7

jơnau đơs song ngan, gơnap gơnoar Yàng Tom Trồ dê, bol hi at ală phan tòmlơh bơta song ring dê tòm tê đah ma mơ đah kiau;

Ephesô 4:14

tồ bol he ò di gam be cau kơnòm tai, gơkòl pơrlồm bơh ală jơnau krơi, bơta pơlìn mơ kai lac lèo kòn mơnus dê, jat kai gơrmơ̆i tìs nrah bol khai dê, kung be càl bơtồ pơrdô ma kiau behơ̆ sơl.

Ephesô 4:24

mơ dòp soh cau pa, la cau neh geh crơng gơs jat be Yàng Tom Trồ tòm bơta song ring mơ bơta sàng goh jơnau song dê.

Ephesô 6:13

Gen tàng ai tĕ jơh ală phan tòmlơh Yàng Tom Trồ dê, tồ tòm ngai rung rài oh mi rgơi tòmdră jai, mơ tơnơ̆ mơ tŭ neh lơh sir jơh ală bơta gen gam ntào kơ̆ sơl.

Kôlôse 3:10

mơ neh soh cau pa, la cau geh tòmgơl pa jat rùp să Bơtau neh crơng gơs cau hơ̆, nàng geh tus hơ bơta dòp git Yàng Tom Trồ.

I Tesalônika 5:8

Mơya bol he la cau neh bal mơ trồ ngai, gen tàng ngac mat tĕ, dòp soh bơta dòn mơ nùs kòñ gơboh kung be ào lòs, ai bơta gơn kơnòm bơh bơta dong klàs lơh gơs kung be sơgơn lòs.

Hebrơ 7:25

Tài bơh hơ̆, tàng Kơnràñ rgơi dong klàs wil tơl ală cau kơnòm di Kơnràñ mơ lòt tus rềp hơ Yàng Tom Trồ, bơh Kơnràñ gam kis sùm sùm nàng hòi dan ala bol khai in.

Jakơ 4:7

Behơ̆ dòn duh tĕ Yàng Tom Trồ. Tòmdră tĕ mơ cà ràk, gen gơ rơp pleh ngài di oh mi.

I Pier 5:8

Kơrmap gàr mơ drơng kơp tĕ. Cau sò tơm oh mi dê la cà ràk be klìu triă ơluh lòt gơrwàng gùt dar, jòi jat cau ƀà nàng sa loan.

Jude 1:24

Mơ tai, dan Bơtau rgơi ê sền gàr oh mi klàs bơh bơta gơtup tìs, mơ tơlik mat oh mi ntào di đap bơta gơklŏ Kơnràñ dê, dô bă ò tềl sồt mơ hòn chò ò git lơh,

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.

Yal Tơlik 19:20

Phan poan jơng kòl kup bal mơ cau gơnoar hwơr ma blac la cau neh lơh ală tềl krơi di đap gơ, nàng pơrlồm ală cau neh dòp tềl phan poan jơng dê mơ ală cau duh khoai rùp gơ; bàr nă bol khai gam kis mơ kong sơrbì tòm brong ồs hơng mơ siau.

Yal Tơlik 2:24

Mơya đah pơnah ală cau ndai tòm bol mê ơm tòm Thiatirơ, la ală cau ò dòp bơta bơto sồr hơ̆, mơ ò git bơta gơs cau ƀà sơnđan la ală bơta jrô ndơp cà Satan dê, gen Añ đơs mơ bol mê lah Añ ò tơntui bol mê in ơnòng kơnjơ̆ lơi ndai tai ò;

Ală Kwang Cahrña 3:2

(Kơnràñ mìng lơh bebơ̆ nàng kòn sau Israel in git bơta tòmlơh, la ală cau òhềt git làm bơta tòmlơh bơh lài):