Ephesô 6:10 - Sră Goh 2018

¹⁰ Lồi tơnơ̆ wơl, oh mi gơs tĕ pràn kơldang tòm Yàng, mơ tòm gơnap gơnoar pràn kơldang Kơnràñ dê.

Ephesô 6:10 ပူးပေါင်းရင်းမြစ်များ

I Yal Yau 28:10

Tŭ do ơn tồr iat tĕ bơh Yàng Jehôwa neh sac rwah kòn nàng bơt dô nơm hìu duh khoai lơh gơs tiah sàng goh. Lơh tĕ pràn kơldang mơ lơh broă.”

I Yal Yau 28:20

Dabit kung đơs mơ Salômôn kòn klau khai dê lah: “Lơh tĕ pràn kơldang mơ khin cha, mơ lơh broă. Bañ rngòt mơ gơplơ̆ nùs bơh Jehôwa Yàng Tom Trồ la Yàng Tom Trồ añ jê, ơm bal mơ kòn. Kơnràñ rơp ò sang, ò lòi kòn jơl tus di tŭ jơh ală broă bơt bơtào hìu duh khoai Yàng Jehôwa dê neh sir.

II Yal Yau 15:7

Mơya bol mê, khin cha tĕ, bañ lòi tê bol mê dê gơlik lơbơn, bơh broă lơh bol mê dê rơp geh phan ƀàn.”

Đơs Crih 138:3

Tòm ngai añ hòi dan, Yàng dòp jơnau añ, Mơ bơtơl pràn hwềng soàn añ in.

Esai 40:28

Mê ò git sơl ơ? Mê òhềt kơno sơl ơ? Yàng Jehôwa la Yàng Tom Trồ kis gam sùm sùm, la Bơtau Crơng Gơs ală tiah lồi dut plai ù dê. Kơnràñ ò bòl ò glar, bơta git wă Kơnràñ dê ò gơs cau lơi rgơi jòi bàn.

Esai 40:31

Mơya cau lơi gơn kơnòm di Yàng Jehôwa gen rơp geh pràn pa, bol khai rơp pò pơnđar par jơnhoa hơđang kung be klàng bung; bol khai rơp ntoat mơ ò bòl glar, bol khai rơp lòt mơ ò lơgah lơgañ.

Sră Age 2:4

‘Mơya tŭ do, ơ Jerubabel, khin cha tĕ!’ Yàng Jehôwa đơs behơ̆. ‘Ơ Jôsua, kòn klau Jehôjadak, cau gơnoar dờng lam bồ ơn phan duh khoai, khin cha tĕ!’ Yàng Jehôwa đơs behơ̆. ‘Jơh làng bol tòm lơgar, khin cha tĕ mơ lơh broă. Bơh Añ ơm bal mơ bol mê,’ Yàng Jehôwa Gơnap Gơnoar Dờng Làm Jơh đơs behơ̆.

Sacari 8:13

Ơ hìu Juda mơ hìu Israel! Bol mê neh gơlik gơs làng bol cau srat sơntơm digùl ală lơgar mbe lơi, gen Añ rơp dong klàs bol mê, mơ bol mê rơp gơlik gơs dô bơta lơngai. Bañ rngòt rngơt, mơya lơh pràn kơldang tĕ tê mê dê!”

Sacari 8:9

Yàng Jehôwa Gơnap Gơnoar Dờng Làm Jơh đơs be do: “Bol mê la ală cau pa do kơno ală jơnau hơ̆ bơh bơr ală cau gơnoar hwơr neh gơs mat tòm tŭ bơt bơtào wơl mơnàng hìu duh khoai, la hìu Yàng Jehôwa Gơnap Gơnoar Dờng Làm Jơh dê, lơh tĕ tê bol mê dê gơlik pràn kơldang.

I Kôrintô 16:13

Oh mi drơng kơp tĕ, ơm kơ̆ tĕ tòm bơta dòn, lơh tĕ be cau dờng, mơ pràn kơldang tĕ.

II Kôrintô 13:11

Tơnơ̆ wơl, ơ oh mi, hòn chò tĕ, gơs wil tơl tĕ; chồl pơndòm tĕ, gơs dô nùs kơlôi bal, gơtòmsòr bal tĕ, gen Yàng Tom Trồ la Bơtau ai bơta kòñ gơboh mơ bơta lơngap lơngai rơp ơm bal mơ oh mi. Ngac yơ!

Ephesô 1:19

mơ git gơnap gơnoar Kơnràñ dê la dờng ngan ò git lơh gơwèt mơ bol he la cau dòn, jat be bơta yal tơlik bơh bơta pràn kơldang mơ gơnoar pràn Kơnràñ dê.

Ephesô 3:16

Añ dan Kơnràñ jat be bơta gơklŏ crih crài Kơnràñ dê, kơnòm di Yàng Hwềng Kơnràñ dê bơh gơnap gơnoar mơ ai gòi oh mi in gơs pràn kơldang tòm cau đah dơlam,

Yal Wơl 31:23

Yàng Jehôwa ai jơnau gơnoar sồr do Jôsue in kòn klau Nun dê mơ đơs lah: “Lơh tĕ pràn kơldang mơ khin cha bơh mê rơp cèng ală cau Israel mut tòm lơgar mơ Añ neh ho ai bol khai in, mơ Añ rơp ơm bal mơ mê.”

Philip 3:1

Lồi tơnơ̆, ơ oh mi añ jê, hòn chò tĕ tòm Yàng! Añ ò dil cih tai ală broă do oh mi in bơh hơ̆ la lơngap lơngai ală oh mi in.

Philip 4:13

Añ rgơi lơh jơh ală bơta la kơnòm di Bơtau ai bơtơl pràn añ in.

Philip 4:8

Lồi tơnơ̆, ơ oh mi, dilah bơta lơi song ngan, bơta lơi màng ryŭ; bơta lơi song ring, bơta lơi sàng goh, bơta lơi pal kòñ gơboh, bơta lơi gơs pơnro niam, dilah gơs bơta kơ̆ dơn lơi, dilah gơs bơta lơi pal jòng ro, gen oh mi pal kơlôi sơnơng tĕ di ală bơta hơ̆.

Kôlôse 1:11

Kơnòm di gơnap gơnoar gơklŏ Kơnràñ dê, tồ geh tơl bơta ơt ơl mơ kong jai bơta bòl glar dô bă hòn chò;

II Timôthe 2:1

Behơ̆ ơ kòn, pràn kơldang tĕ tòm bơta nđàc tòm Yàng Krist Jesu.

II Timôthe 4:17

Mơya Yàng neh ơm dô đah bal mơ añ mơ bơtơl pràn añ in, tồ bơh añ mơ Jơnau Niam geh bơto yal wil tơl, nàng jơh ală cau làng bol bơdìh geh kơno; behơ̆ añ neh geh dong tă bơh di bơr klìu triă.

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”

I Pier 3:8

Lồi tơnơ̆, jơh tơl nă oh mi pal gơs dô nùs kơlôi bal, nđàc sơngit bal, kòñ gơboh di oh mi, gơs nùs lơbơn niam mơ pơndêt să.

I Pier 4:11

Dilah gơs cau lơi bơto, gen bơto tĕ be bơto yal jơnau Yàng Tom Trồ dê; dilah gơs cau lơi duh broă, gen duh tĕ broă kơnòm di pràn Yàng Tom Trồ ai, nàng Yàng Tom Trồ geh àng sơnđan tòm jơh ală bơta kơnòm di Yàng Jesu Krist. Dan bơta gơklŏ mơ gơnap gơnoar gơrê bal mơ Kơnràñ sùm sùm ò lồi. Amen.

I Pier 5:10

Yàng Tom Trồ la Bơtau ai jơh ală bơta nđàc neh hòi sac ală oh mi tus hơ bơta gơklŏ gam sùm sùm Kơnràñ dê tòm Bơtau Krist, tơnơ̆ mơ tŭ oh mi neh kong bòl glar jê sồt dô êt jŏ, gen să tòm Kơnràñ rơp lơh oh mi in gơlik wil tơl, kơ̆ nền, mơ bơtơl pràn oh mi in.

I Jang 2:14

Ơ ală cau la bèp, añ neh cih ală ồng in tài bơh ală ồng dòp git Bơtau neh gơs bơh sơnròp. Ơ ală cau pơnu, añ neh cih ală bol mê in tài bơh bol mê la pràn kơldang, jơnau Yàng Tom Trồ dê ơm sùm tòm bol mê, mơ bol mê neh geh pha lin rlau mơ cau iơh.

I Samuel 23:16

Jônathan kòn klau Sol dê lòt tus hơ Dabit tòm Hôres nàng chồl nùs khai geh pràn kơldang tòm Yàng Jehôwa.