Ephesô 5:6 - Sră Goh 2018

⁶ Bañ lòi cau lơi ai jơnau roh lơm mơ pơrlồm oh mi, tài bơh ală bơta hơ̆ mơ bơta gơjrañ dờng Yàng Tom Trồ dê dùh hơđang ală cau ò dòn bơr Yàng.

Ephesô 5:6 ပူးပေါင်းရင်းမြစ်များ

II Ală Bơtau 18:20

Mê kơlôi lah mìng ală jơnau đơs gòi rgơi ala bơta pràn nàng tòmlơh sơl ơ? Mê ơn nùs dòn kơnòm di ñcau mơ pơrlơ̆ dră di añ taih?

Đơs Crih 78:31

Gen bơta gơhào gơjrañ Yàng Tom Trồ dê gơguh di bol khai, Kơnràñ tơnchơt ală cau pràn kơldang rlau jơh tòm bol khai, Tòmpừ ală cau pơnu niam rlau jơh tòm Israel.

Jeremi 27:9

Behơ̆ gen, bañ iat ală cau gơnoar hwơr, cau sền dà, yal gơtha mpau, cau sền sơmañ, cau juh proh bol mê dê, la ală cau đơs mơ bol mê lah: Bol mê rơp ò dòn duh bơtau Babilôn ò.

Jeremi 29:31

“Sồr yal tĕ ală bơta do kòp nă cau kong kup cèng ngài bơh lơgar in git lah: Yàng Jehôwa đơs bơh Semaya ơm tòm Nehelam be do: ‘Bơh Semaya neh đơs hwơr bol mê in, mơ Añ òhềt tŭ lơi sồr khai, mơ khai neh lơh bol mê in kơnòm di bơta ma blac,’

Jeremi 37:9

Yàng Jehôwa đơs be do: “Bol mê bañ pơrlồm is să he mơ lah: ‘Cau Kalde ngan rơp lòt ngài bơh bol he;’ mơya bol khai rơp ò lòt ngài ò.

Mice 3:5

Do la jơnau Yàng Jehôwa đơs bơh ală cau gơnoar hwơr neh lam làng bol Añ jê tìs nrah, la cau hòi driau lah: “Ring lơngai!” Tòm tŭ bol khai ò gơs phan lơi nàng sa, gen bol khai yal tơnggit bơta kơlìn tòmdră mơ cau lơi ò cèng phan lơi bol khai in sa.

Mathiơ 24:24

Bơh rơp gơs ală krist ma blac mơ ală cau gơnoar hwơr ma blac tơlik să mơ lơh gơlik oă bơta tềl krơi is dờng, tian gơs dilah rgơi gen kung pơrlồm ală cau geh sac rwah sơl.

Mathiơ 24:4

Yàng Jesu ho lah: “Kơrhia tĕ, bañ lòi cau pơrlồm bol mê.

Jơnau Niam Jat Mak 13:22

Bơh rơp gơs ală krist ma blac mơ ală cau gơnoar hwơr ma blac gơtơngguh mơ lơh oă bơta krơi, tềl is tian gơs dilah rgơi gen kung pơrlồm ală cau geh sac rwah sơl.

Jơnau Niam Jat Mak 13:5

Gen Yàng Jesu đơs lah: “Kơrhia tĕ, rngòt gơs cau pơrlồm bol mê tìs nrah mòn.

Rôma 1:18

Bơta gơjrañ dờng Yàng Tom Trồ dê bơh đang trồ geh yal tơlik sò tơm di jơh ală bơta ò duh rngòt mơ ală bơta iơh bơsak kòn mơnus dê, hơ̆ la ală cau òs ngui bơta iơh bơsak nàng kup bơklơn jơnau song.

Kôlôse 2:18

Bañ lòi cau lơi ngui bơta pơndêt să is mơ bơta duh khoai cau gơnrơh nàng kơñau phan ƀàn oh mi dê, bơh cau hơ̆ lơh jat ală bơta gơtơnggŏ khai dê, jat nùs kơlôi poac să dê mơ pơnhừ să ò bồ,

Kôlôse 2:4

Añ đơs behơ̆ tồ klàs cau lơi ai jơnau lac lèo mơ pơrlồm oh mi.

Kôlôse 2:8

Kơrhia tĕ, rngòt gơs cau lơi ai bơta jak chài dunnia dê mơ jơnau pơrlồm roh lơm, jat jơnau òs yau kòn mơnus dê, jat bơta ƀă liă dunnia dê, ò di jat Bơtau Krist.

Kôlôse 3:6

Tài bơh ală bơta hơ̆ gen bơta gơjrañ dờng Yàng Tom Trồ dê dùh hơđang ală cau ò dòn bơr Yàng.

II Tesalônika 2:3

Bulah cau ngui bơta lơi kung bañ lòi bol khai pơrlồm oh mi, bơh ngai hơ̆ rơp ò tus jơl tus gơs bơta pơrlơ̆ sang jơnau Yàng tus lài, mơ gơs cau glài dờng, hơ̆ la kòn bơta roh rui rơp geh yal tơlik.

Hebrơ 13:9

Bañ lòi ală bơta bơto sồr krơi ndai cèng pơrdô oh mi. Hơ̆ la niam tồ dòp geh nùs kơ̆ wền kơnòm di bơta nđàc Yàng Tom Trồ dê, ò di kơnòm di bơta sồr lam bơh phan sa, la bơta ò kwơ ală cau in jat bơta hơ̆.

Hebrơ 3:19

Behơ̆, bol he gŏ bol khai ò rgơi mut tòm hơ̆ la tài bơh ò dòn.

I Pier 2:8

mơ la “Dô nơm pơnai lŭ gơtup jơng, Dô nơm pơnai lŭ lơh gơtup tìs.” Bol khai gơtup jơng tài bơh ò dòn jat jơnau Yàng, jat be bơta neh lơh nền lài bol khai in rau.

I Jang 4:1

Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.