Ephesô 5:25 - Sră Goh 2018

²⁵ Ơ cau la bau klau, kòñ gơboh tĕ di bau ùr mê dê, kung be Bơtau Krist neh kòñ gơboh di Hìu Jum Goh, mơ phi să tòm Kơnràñ bơh Hìu Jum Goh,

Ephesô 5:25 ပူးပေါင်းရင်းမြစ်များ

Sơnròp Gơlik Gơs 2:24

Tài behơ̆, cau klau rơp lik bơh mè bèp mơ đềt mềr mơ bau ùr he dê, mơ bàr nă gơlik gơs dô nơm poac bal.

Sơnròp Gơlik Gơs 24:67

Gen Isak lam Rebeka mut tòm sàl Sara, mè khai dê; khai bau mơ Rebeka, mơ kòñ gơboh dê bau khai. Behơ̆ Isak rài moat jrùng tơnơ̆ mơ tŭ mè khai neh chơt.

II Samuel 12:3

mơya cau rƀah ò gơs phan lơi rlau mơ dô nơm belàt dra dềt mơ khai neh blơi. Khai ròng siam gơ; gơ rhòi dờng bal mơ khai mơ ală kòn khai dê. Gơ sa phan khai sa, hùc phan khai hùc, tian gơs gơ bic tòm tơwòr tê khai dê. Gơ gơlơh kung be kòn ùr khai dê.

Đơs Chò 1:11

Bol he rơp lơh ai in kèn màh wan di ngko ƀềp mơ priă.

Mathiơ 20:28

Kung be Kòn Mơnus neh tus ò di nàng cau duh broă Khai in, mơya nàng duh broă cau in, mơ phi bơta kis Khai lơh gơs phan tơwài oă cau.”

Jang 6:51

Añ la piang lă kis bơh đang trồ mù, dilah cau lơi sa piang lă hơ̆, gen rơp kis gam sùm sùm, mơ piang lă Añ rơp ai, tài bơh bơta kis dunnia dê, hơ̆ la poac Añ.”

Broă 20:28

Oh mi kơrmap gàr tĕ să he bal mơ mpồl belàt mơ Yàng Hwềng Goh neh bơtào oh mi lơh gơs cau sền gàr, nàng ê gàr Hìu Jum Goh Yàng Tom Trồ dê mơ Kơnràñ neh rwat mơ mhàm Kòn Kơnràñ dê.

Galati 1:4

la Bơtau neh phi să bơh tồi glài bol he dê, nàng dong tă bol he klàs bơh rài iơh do, jat be nùs kòñ Yàng Tom Trồ la Bèp bol he dê.

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

Ephesô 5:24

Behơ̆ tàng be Hìu Jum Goh dòn duh Bơtau Krist gen bau ùr kung pal dòn duh bau klau he tòm jơh ală bơta sơl.

Ephesô 5:28

Kung behơ̆ sơl bau klau pal kòñ gơboh di bau ùr he be să jan he. Cau lơi kòñ gơboh di bau ùr he la kòñ gơboh di să tòm he sơl.

Ephesô 5:33

Bulah behơ̆, kòp nă tòm oh mi pal kòñ gơboh di bau ùr he be să tòm he, ai bau ùr gen pal duh rngòt di bau klau.

Kôlôse 3:19

Ơ cau la bau klau, kòñ gơboh tĕ di bau ùr mê dê mơ bañ gơs bơta sràt bơtang mơ khai.

I Timôthe 2:6

Kơnràñ neh phi să lơh gơs phan ơn tơwài glài tơl nă cau in, hơ̆ la bơta gơs cơng tàng neh geh ràng tơlik tòm toh di tơngai pơgon.

I Pier 3:7

Kung behơ̆ sơl, ơ ală cau la bau klau, ơm tĕ dô bă di pal mơ bau ùr he, ki ngàm di khai la cau lơbơn rlau mơ he, bơh khai bal mơ oh mi rơp pơrdòn bơta nđàc bơta kis dê, behơ̆ ò gơs bơta lơi kơryan bơta hòi dan oh mi dê.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

Yal Tơlik 5:9

Bol khai đơs chò dô bơta đơs chò pa lah: “Kơnràñ di pal ai sră pồt mơ tă ală ƀang kì gơ dê, Bơh Kơnràñ neh kong sreh chơt, ai mhàm Kơnràñ dê tơwài Yàng Tom Trồ in, ală cau tòm jơh ală jơi bơtiàn, jơnau đơs, làng bol, mơ lơgar,