Ephesô 5:23 - Sră Goh 2018

²³ Bơh bau klau la bồ bau ùr dê, kung be Bơtau Krist la bồ Hìu Jum Goh dê, Hìu Jum Goh la să jan Bơtau Krist, mơ Kơnràñ kung la Yàng Dong Klàs Hìu Jum Goh dê.

Ephesô 5:23 ပူးပေါင်းရင်းမြစ်များ

Broă 20:28

Oh mi kơrmap gàr tĕ să he bal mơ mpồl belàt mơ Yàng Hwềng Goh neh bơtào oh mi lơh gơs cau sền gàr, nàng ê gàr Hìu Jum Goh Yàng Tom Trồ dê mơ Kơnràñ neh rwat mơ mhàm Kòn Kơnràñ dê.

I Kôrintô 6:13

Gơs cau ndai tai đơs lah: “Phan sa lơh hòm kơndul, mơ kơndul nàng prap phan sa;” ngan behơ̆, mơ Yàng Tom Trồ rơp tơnroh kơndul bal mơ phan sa. Mơya să jan ò di lòi lơh bơta rềs àr bơrnàn, mơya lòi duh broă Yàng mơ Yàng la Bơtau at bồ să jan oh mi dê.

Ephesô 4:15

Mơya pal ai hwềng nùs kòñ gơboh mơ đơs jơnau song, nàng tòm jơh ală bơta bol he geh dờng tòm Bơtau lam bồ, hơ̆ la Bơtau Krist;

Ephesô 5:24

Behơ̆ tàng be Hìu Jum Goh dòn duh Bơtau Krist gen bau ùr kung pal dòn duh bau klau he tòm jơh ală bơta sơl.

Kôlôse 1:18

Kơnràñ kung la bồ să jan dê, hơ̆ la bồ Hìu Jum Goh. Kơnràñ la tòm ryas, la cau sơnròp kis wơl bơh bơta chơt, tồ tòm jơh ală bơta Kơnràñ la bồ.

I Tesalônika 1:10

mơ kơp gơn Kòn Kơnràñ dê tus bơh đang trồ, la Yàng Jesu mơ Yàng Tom Trồ neh hòi kis wơl bơh bơta chơt, hơ̆ la Bơtau dong tă bol he klàs bơh bơta gơjrañ dờng rơp tus.

Yal Tơlik 19:7

Bol he hòn chò mơ hừh hơh tĕ, jòng ro tĕ Kơnràñ; Bơh bơta tòmbau Belàt Kòn dê neh tus rau, mơ bau ùr Kơnràñ dê neh sơmpô să sir rau.

Yal Tơlik 5:9

Bol khai đơs chò dô bơta đơs chò pa lah: “Kơnràñ di pal ai sră pồt mơ tă ală ƀang kì gơ dê, Bơh Kơnràñ neh kong sreh chơt, ai mhàm Kơnràñ dê tơwài Yàng Tom Trồ in, ală cau tòm jơh ală jơi bơtiàn, jơnau đơs, làng bol, mơ lơgar,