Ephesô 5:21 - Sră Goh 2018

²¹ Duh rngòt tĕ di Bơtau Krist mơ dòn duh bal mơ gơp.

Ephesô 5:21 ပူးပေါင်းရင်းမြစ်များ

Sơnròp Gơlik Gơs 16:9

Cau gơnrơh Yàng Jehôwa sồr khai lah: “Ai rê wơl tĕ mơ cau tòm ai dê mơ dòn duh khai.”

I Yal Yau 29:24

Jơh ală kwang at bồ, ală cau kwang at bồ mpồl ling bal mơ jơh ală kòn klau bơtau Dabit dê kung ho rơp dòn duh bơtau Salômôn.

II Yal Yau 19:7

Tŭ do, duh rngòt tĕ di Yàng Jehôwa mơ kơrhia tĕ tòm bơta cahrña, bơh Jehôwa Yàng Tom Trồ bol he dê ò dòp bơta ò song ring hala bơta ò ring bal hala cau dòp phan sa loă.”

Nehemi 5:15

Ală kwang at bồ lài mơ añ neh kup làng bol àñ kơnjơ̆ rì phan sa, tơrnòm bal mơ poan jơt sieklơ priă. Tian gơs ală cau duh broă bol khai kung rồn bơklơn làng bol Mơya añ ò lơh behơ̆ ò, tài bơh añ duh rngòt di Yàng Tom Trồ.

Nehemi 5:9

“Bơta bol mê lơh la ò niam. Bol mê pal lơh lòt dô bă duh rngòt di Yàng Tom Trồ he, nàng kơryan jơnau dơñŏ tơnhial ală làng bol la cau sò tơm bol he dê ơ?

Jơnau Pơnđik 24:21

Ơ kòn, duh rngòt tĕ Yàng Jehôwa mơ ki ngàm cau bơtau; bañ tòmklac bal mơ cau pơrlơ̆ dră;

I Kôrintô 16:16

Añ dan ală oh mi kung dòn bơr ală cau behơ̆, mơ kòp nă cau kong bòl glar lơh broă bal mơ bol khai.

II Kôrintô 5:11

Behơ̆, bol hi git lah pal duh rngòt di Yàng, gen tàng bơto pơndòm cau in dòn Yàng; mơya Yàng Tom Trồ neh git loh bol hi rau, mơ añ kơp kòñ la tòm nùs tồr oh mi kung git añ behơ̆ sơl.

II Kôrintô 7:1

Ơ oh mi kòñ gơboh, bơh bol he neh gơs jơnau ho pơgon behơ̆, gen lơh goh tĕ jơh ală bơta ƀơ̆ ƀơl đah poac să mơ đah hwềng, ai bơta duh rngòt di Yàng Tom Trồ nàng lơh wil tơl bơta sàng goh.

Galati 5:13

Ơ oh mi, oh mi neh geh hòi sac lòt tus hơ bơta khat gơboh, mơya bañ ai bơta khat gơboh hơ̆ lơh kai oh mi in lơh jat poac să, mơya ai tĕ nùs kòñ gơboh duh broă bal mơ gơp.

Ephesô 5:22

Ơ cau la bau ùr, dòn duh tĕ bau klau ai dê, kung be gơwèt mơ Yàng.

Ephesô 5:24

Behơ̆ tàng be Hìu Jum Goh dòn duh Bơtau Krist gen bau ùr kung pal dòn duh bau klau he tòm jơh ală bơta sơl.

Philip 2:3

Bañ lơh bơta lơi bơh nùs sềt pơniă hala bơh bơta gơklŏ ò kwơ, mơya pìn pơndêt tĕ să, kòp nă sền cau ndai la dờng màng rlau mơ he.

I Timôthe 2:11

Cau ùr pal ơm mŏ mŏ nàng bơtê, mơ pal dòn duh tòm jơh ală bơta.

I Timôthe 3:4

pal git at bồ niam hìu nhă he, kơrmap gàr kòn sau he dòn duh dô bă kràñ cê tòm jơh ală bơta;

Hebrơ 13:17

Dòn bơr tĕ ală cau tề lam oh mi mơ dòn duh bol khai, bơh bol khai drơng kơp bơh hwềng soàn oh mi dê be cau pal yal tơlik broă; nàng bol khai lơh broă hơ̆ dô bă hòn chò, ò di moat jrùng, bơh dilah moat jrùng gen ò kwơ oh mi in.

I Pier 2:13

Tài bơh Yàng, oh mi dòn duh tĕ jơh ală bơta boh lam kòn mơnus neh bơtào gơs, gơwèt mơ cau bơtau la cau dờng rlau jơh,

I Pier 2:17

Sền màng ryŭ tĕ di jơh ală cau, kòñ gơboh tĕ di ală oh mi, duh rngòt tĕ di Yàng Tom Trồ, dòn duh tĕ cau bơtau.

I Pier 5:5

Kung behơ̆ sơl, ơ ală cau kơnòm să, dòn duh tĕ ală cau kwang kra. Jơh tơl nă pal soh tĕ bơta pơndêt să gơwèt bal mơ gơp, bơh Yàng Tom Trồ sòdră di cau pơnhừ să, mơya ai bơta nđàc cau pơndêt să in.