Ephesô 5:19 - Sră Goh 2018

¹⁹ Ngui ală bơta đơs crih, bơta đơs chò, mơ sèng đơs chò đah hwềng mơ đơs chò bal, bơr đơs chò mơ nùs jòng ro Yàng.

Ephesô 5:19 ပူးပေါင်းရင်းမြစ်များ

Đơs Crih 147:7

Đơs chò tĕ ưnngài Yàng Jehôwa; Pĕ kơñi mơ jòng ro Yàng Tom Trồ bol he dê.

Đơs Crih 62:8

Ơ ală làng bol, kơnòm tĕ di Kơnràñ sùm sùm, Tuh tơlik jơh ală bơta bơh nùs bol mê di đap Yàng; Yàng Tom Trồ la tiah kìng crŭ bol he dê. (Selah)

Đơs Crih 86:12

Ơ Yàng la Yàng Tom Trồ añ jê, añ jơh nùs ưnngài Yàng, Mơ añ rơp jòng ro sơnđan Yàng sùm sùm.

Đơs Crih 95:2

Bol he ai tĕ jơnau ưnngài mơ lòt tus di đap Yàng; Bol he ai tĕ jơnau ntas dờng hòn chò mơ đơs chò jòng ro Kơnràñ!

Esai 65:14

Ală cau duh broă Añ rơp đơs chò bơh nùs bềng bơta chò hòp, mơya bol mê rơp ñìm rac bơh nùs moat jrùng, rac ròc bơh hwềng nùs sràt bơtang.

Mathiơ 15:8

‘Làng bol do ai sơndồi mơ dòn duh Añ; Mơya nùs bol khai ngài ngan bơh Añ;

Mathiơ 26:30

Tòm tŭ neh đơs chò rau, Yàng Jesu mơ ală cau bơtê lik lòt tus hơ mơnơm Ôlibe.”

Broă 16:25

Pơgap digùl mơnang, Pol mơ Sila ơm hòi dan mơ đơs chò jòng ro Yàng Tom Trồ, jơh ală cau ơm jàm kơno lơm.

I Kôrintô 14:15

Mbe lơh taih? Añ rơp hòi dan mơ hwềng nùs, mơ kung hòi dan mơ dơngoh kơlôi sơl; añ rơp đơs chò mơ hwềng nùs, mơ kung đơs chò mơ dơngoh kơlôi sơl.

I Kôrintô 14:26

Ơ oh mi, mbe pal lơh taih? Tòm tŭ oh mi pơjum, cau lơi gơs bơta đơs crih, bơta bơto sồr, bơta yal tơlik jơnau ndơp, jơnau đơs ndai hala bơta sơpơ̆bơr, gen lơh tĕ jơh ală bơta nàng geh bơt bơtào Hìu Jum Goh.

Kôlôse 3:16

Ai tĕ jơh ală bơta jak chài nàng jơnau Bơtau Krist dê ơm bềng lìu tòm oh mi; ngui bơta đơs crih, bơta đơs chò, mơ sèng đơs chò đah hwềng mơ bơto tơngkah bal mơ gơp, mơ tòm nùs đơs chò Yàng Tom Trồ in dô bă gơs bơta nđàc.

Jakơ 5:13

Gơs cau lơi tòm ală oh mi tìp bơta bòl glar jê sồt sơl? Cau hơ̆ hòi dan tĕ. Gơs cau lơi geh bơta chò hòp sơl? Cau hơ̆ đơs chò tĕ jòng ro Yàng.

Yal Tơlik 5:9

Bol khai đơs chò dô bơta đơs chò pa lah: “Kơnràñ di pal ai sră pồt mơ tă ală ƀang kì gơ dê, Bơh Kơnràñ neh kong sreh chơt, ai mhàm Kơnràñ dê tơwài Yàng Tom Trồ in, ală cau tòm jơh ală jơi bơtiàn, jơnau đơs, làng bol, mơ lơgar,