Ephesô 5:15 - Sră Goh 2018

¹⁵ Behơ̆ kơrhia tĕ bơh bơta lơh lòt oh mi dê, bañ lơh be cau ò jak chài, mơya lơh be cau jak chài.

Ephesô 5:15 ပူးပေါင်းရင်းမြစ်များ

II Samuel 24:10

Tơnơ̆ mơ tŭ neh sir cih khà làng bol, Dabit gơkòl nùs nhơm lah pơrhơng, gen khai đơs mơ Yàng Jehôwa lah: “Añ neh tìs glài kơnjơ̆ tòm bơta añ neh lơh. Khoai Yàng Jehôwa, tŭ do añ rac dan Kơnràñ tă tơlik bơta tồi glài cau duh broă Kơnràñ dê. Añ neh lơh dô bơta bơrngơl gơla ngan.”

Sră Jop 2:10

Mơya khai ho wơl bau ùr khai lah: “Ai đơs kung be dô nă cau ùr bơrngơl gơla. Bol he dòp bơta niam bơh tê Yàng Tom Trồ, mơ ò bài dòp bơta iơh ơ?” Tòm jơh ală bơta hơ̆, Jop ò tìs glài bơh jơnau đơs khai dê.

Đơs Crih 73:22

Gen tŭ hơ̆ añ ơm bơrngơl gơla, ò git wă bơta lơi, Di đap Kơnràñ añ kung ò gơkrơi be phan poan jơng,

Lik Ejiptơ 23:13

Kơrhia tĕ lơh jat jơh ală bơta Añ neh đơs mơ mê. Bañ hòi dan mơ ală yàng ndai; bañ ai cau kơno ală sơnđan hơ̆ bơh di bơr bol mê dê.

Jơnau Pơnđik 14:8

Bơta chài rgơi cau jak chài dê, hơ̆ la wă loh gùng dà he; Mơya bơta lu sơnrang cau tùl gơla dê la bơta blac pơrlồm.

Jơnau Pơnđik 15:21

Cau siơ̆u dơngoh jak ai bơta gơla bơrngơl lơh chò hòp; Ai cau jak chài kư̆ lòt tòm gùng song.

Mathiơ 10:16

“Do Añ sồr bol mê lòt kung ò gơkrơi be belàt digùl mpồl so rhau. Behơ̆ chài rgơi tĕ be bơs, mơ lơbơn niam tĕ be sềm ntòp.

Mathiơ 25:2

Tòm bol khai, gơs pram nă bơrngơl mơ pram nă jak.

Mathiơ 27:24

Tòm tŭ Pilat gŏ he ò rgơi lơh bơta lơi, mơ tai bơta nggồr nggàc sơlo gơbơtơl, gen khai ai dà rào tê di đap mpồl làng bol mơ đơs lah: “Añ ò gơs glài bơh mhàm cau song ring do; kong bol mê dê.”

Mathiơ 27:4

mơ đơs lah: “Añ neh tìs glài bơh neh bơtào mhàm ò gơs glài.” Mơya bol khai đơs lah: “Broă hơ̆ gơs ñchi gơkwă mơ bol hi taih? Kong mê dê!”

Mathiơ 8:4

Yàng Jesu đơs tai mơ khai lah: “Bañ yal mơ cau lơi, mơya lòt tĕ sơnio să mê mơ cau gơnoar ơn phan duh khoai, mơ ơn phan be Môise neh sồr nàng lơh cơng bol khai in.”

Luka 24:25

Tŭ hơ̆ Yàng Jesu đơs lah: “Ơ cau bơrngơl gơla, gơs nùs òbat dòn jơh ală jơnau cau gơnoar hwơr neh đơs.

I Kôrintô 14:20

Ơ oh mi, tòm bơta kơlôi sơnơng bañ gơs be cau kơnòm dềt; mơya tòm bơta bih khih iơh bơsak, gen gơs tĕ be kơnòm dềt, ai tòm bơta git wă gen gơs tĕ be cau dờng.

Galati 3:1

Ơ cau Galati tùl gơla ne, ñcau neh juh bơklah oh mi taih? Hơ̆ la cau mơ di đap mat neh geh ràng tơlik loh làng Yàng Jesu Krist kong pơng di chi pơng taih?

Galati 3:3

Mbe oh mi tùl gơla behơ̆ taih? Oh mi neh sơntòm kơnòm di Yàng Hwềng, gen tŭ do oh mi kơnòm di poac să nàng lơh sir sơl ơ?

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

Ephesô 5:33

Bulah behơ̆, kòp nă tòm oh mi pal kòñ gơboh di bau ùr he be să tòm he, ai bau ùr gen pal duh rngòt di bau klau.

Philip 1:27

Mìng ală oh mi pal kis dô bă di pal mơ Jơnau Niam Bơtau Krist dê, tồ bulah añ lòt tus còp ală oh mi hala añ neh ngkòi, añ kung geh kơno bơh oh mi lah oh mi dô nùs bal mơ kơ̆ wền, dô nùs nhơm bal bơh bơta dòn nàng tòmlơh bơh Jơnau Niam,

Kôlôse 1:9

Tài bơh hơ̆, bơh ngai bol hi kơno jơnau hơ̆, gen kung bơh oh mi mơ hòi dan ò dơh, dan oh mi in geh bềng lìu bơta git wă nùs kòñ Yàng Tom Trồ dê tòm jơh ală bơta jak chài mơ bơta git loh đah hwềng,

Kôlôse 4:5

Lơh lòt tĕ dô bă jak chài gơwèt mơ cau bơdìh, mơ pơlai tĕ tŭ tơngai.

I Tesalônika 5:15

Kơrhia tĕ, bañ gơs cau lơi ai bơta iơh bơsak sal wơl bơta iơh bơsak, mơya jòi jat tĕ sùm bơta niam gơwèt bal mơ gơp hala gơwèt mơ tơl nă cau.

I Timôthe 6:9

Mơya cau kòñ bơta pas sơm gen gơtơmut tòm bơta ơniai, gơkòl yar dă, gơdùh tòm oă bơta hàm kòñ is, bơrngơl gơla sơbơng roh, la bơta lơh cau in gơtơnkram tòm bơta roh lơm mơ roh rui.

Hebrơ 12:25

Oh mi kơrhia tĕ, bañ sềt tồr mơ Bơtau ơm đơs. Bơh dilah ală cau ne neh ò bài iat cau bơto tơngkah tòm ù gen ò geh pleh klàs, tơ ài lah bol he pơrlac sang Bơtau bơto tơngkah bơh đang trồ gen mbe rgơi pleh klàs.

Jakơ 3:13

Tòm oh mi, ñcau la cau jak chài, git wă? Nggui tĕ bơta lơh lòt niam he dê nàng yal tơlik broă he lơh bơh nùs niam lơnhơn mơ bơta jak chài.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

Yal Tơlik 19:10

Gen añ tơmbic să di jơng khai nàng duh khoai khai, mơya khai đơs mơ añ lah: “Bañ lơh behơ̆, añ la cau bơyô duh broă bal mơ mê mơ oh mi mê sơl, la ală cau lơh cơng bơh Yàng Jesu. Duh khoai tĕ Yàng Tom Trồ. Bơh jơnau song mơ Yàng Jesu neh ràng tơlik la bơta lơh rngoh rngac ală cau gơnoar hwơr in.”