Ephesô 5:11 - Sră Goh 2018

¹¹ Bañ gơs bơta gơtòmklac bal tòm broă ò kwơ bơta klam jơngo dê, chan lah pơrhơng bol khai la niam rlau,

Ephesô 5:11 ပူးပေါင်းရင်းမြစ်များ

Sơnròp Gơlik Gơs 20:16

Mơ bơtau đơs mơ Sara lah: “Do, añ ai bi klau ai in dô rbô priă, jền priă do ai nàng ngui be dô pang bài kơrnìng kìng mat bơh jơh ală broă neh gơlik gơs di ai, di đap jơh ală cau ai la song ring.”

Đơs Crih 141:5

Lòi cau song ring pù lơh añ; hala cau dòn song bơto pơnniam wơl añ. Mơya bañ lòi mơñà cau iơh bơsak dê bong di bồ añ, Bơh añ hòi dan sùm tòmdră mơ ală broă iơh bơsak bol khai dê.

Jơnau Pơnđik 1:10

Ơ kòn añ jê, dilah cau glài jòi kai pơndòm ơniai kòn, Bañ lơh jat.

Jơnau Pơnđik 1:31

Behơ̆ tàng bol khai rơp sa plai đo gơlik bơh gùng dà bol khai dê, Mơ geh hừh nùs bơh kai gơrmơ̆i să tòm bol khai dê.

Jơnau Pơnđik 13:18

Cau lơi pơndang sang bơta bơto tơngkah rơp kong rƀah rƀừp mơ ƀàssìl ƀàsso; Mơya cau lơi dòp prap jơnau lah pơrhơng geh jòng màng.

Jơnau Pơnđik 15:12

Cau bơtat bơtròh ò kòñ cau lah pơrhơng he; khai ò bài tus mơ cau jak chài.

Jơnau Pơnđik 19:25

Pù lơh tĕ cau dơñŏ tơnhial, gen cau bơrngơl gơla gơlik gơs chài rgơi; lah pơrhơng cau àng loh, bol khai rơp dòp geh bơta git wă.

Jơnau Pơnđik 25:12

Cau jak chài lah pơrhơng trồm tồr jak iat, ò gơkrơi be dô dơwàng kòng màh, dô nơm phan bơka să mơ màh ngan sơl.

Jơnau Pơnđik 28:4

Cau sang bơta boh lam jòng ro cau iơh; ai cau prap gàr bơta boh lam tòmlơh mơ bol khai.

Jơnau Pơnđik 29:1

Cau lơi kong lah pơrhơng sùm, gam kơldang bồ, rơp kong roh gơcoh nisơna, ò rgơi geh sơmbòi.

Esai 29:21

Hơ̆ la ală cau lơh dô nă cau roh jơh bơta yă wơn; la cau pơt dă cau cahrña di mpồng ƀòn; ai jơnau lơh cơng blac tơnroh bơta song ring cau ò gơs glài dê.

Jeremi 15:17

Añ ò nggui tòm mpồl cau ñŏ kơnhơl, Kung ò lơh añ in hòn chò; Añ nggui is dô nă bơh tê kơnjơ̆ Kơnràñ ơn hơđang añ; bơh Kơnràñ neh tơmbềng añ mơ bơta gơjrañ.

Lebi 19:17

Bañ prap tòm nùs bơta gơjrañ kơuềng di oh mi bol mê dê. Ai tĕ nùs song ngan mơ lah pơrhơng cau gơp ƀòn bol mê dê nàng mê rơp ò kong bal mơ khai bơh tồi glài khai dê.

Mathiơ 18:15

“Dilah oh mi mê tìs glài mơ mê, gen lòt tĕ yal khai in git glài hơ̆ tòm tŭ gơs mìng mê mơ khai lơm. Dilah khai iat mê, gen mê gơs oh mi wơl.

Luka 3:19

Mơya Herôt la cau at bồ, kòl Jang lah pơrhơng bơh broă Herôdias la bau ùr oh bơtau dê, mơ bơh jơh ală bơta iơh bơsak Herôt neh lơh,

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

Rôma 13:12

Mơnang mòr jơh, tơngai mòr tus; behơ̆ bol he hồ sang tĕ ală broă klam jơngo mơ soh ală phan tòmlơh bơta àng dê.

Rôma 16:17

Ơ oh mi, añ bơto tơngkah oh mi kơrhia tĕ di ală cau tơnggơs mpồl is mơ lơh kai gơtup tìs, tòmdră di gùng duh khoai mơ oh mi neh bơtê. Pleh ngài tĕ dê bol khai.

Rôma 6:21

Behơ̆ ală broă oh mi neh lơh lài òr gen ñchi cồng nha geh taih? Mơ tŭ do lơh oh mi in ƀàssìl, lồi dut ală broă hơ̆ dê la bơta chơt.

Galati 6:8

Cau lơi sih jat poac să, gen bơh poac să rơp toès bơta ồm lề; mơya cau lơi sih jat Yàng Hwềng, gen rơp bơh Yàng Hwềng mơ toès bơta kis gam sùm sùm.

Ephesô 4:22

Behơ̆ oh mi pal klò sang cau yau bơh bơta lơh lòt lài òr, la cau sơlo ngai sơlo ồm lề bơh bơta hàm kòñ is blac pơrlồm;

Ephesô 5:12

bơh ală bơta bol khai lơh tòm tiah ndơp ndơr, đơs bơh bơta hơ̆ gen neh ƀàssìl rau.

Ephesô 5:7

Behơ̆ bañ gơs pơnah bal mơ bol khai.

Kôlôse 1:12

mơ ưnngài Yàng Bèp la Bơtau neh lơh bol he in gơlik gơs di pal nàng dòp pơnah tòm sre brê ală cau sàng goh dê ơm tòm lơgar bơta àng.

I Tesalônika 5:7

Bơh cau bic la bic trồ mang, cau bơñul la bơñul trồ mang.

II Tesalônika 3:14

Dilah cau lơi ò dòn jat jơnau bol hi đơs tòm sră pơyoa do, gen git tĕ cau hơ̆, bañ tòmsòr mơ khai, tồ khai in git ƀàssìl ƀàsso.

II Tesalônika 3:6

Ơ oh mi, bol hi ai sơnđan Yàng Jesu Krist bol he dê mơ nting sồr oh mi pleh tĕ di oh mi lơi lơh lòt ală alai, ò lơh jat ală jơnau bơto sồr mơ bol khai neh dòp leng bơh di bol hi.

I Timôthe 5:20

Cau tìs glài, gen lah pơrhơng tĕ bol khai di đap jơh ală cau nàng lơh cau ndai in rngòt.

I Timôthe 5:22

Bañ sơrbac sơrbang ơn tê hơđang cau lơi, bañ ƀư di broă tồi glài cau ndai dê, kơrmap tĕ să he sàng goh.

I Timôthe 6:5

mơ bơta tòm pơndang bal ală cau gơs nùs kơlôi ƀơ̆ iơh, ò gơs jơnau song, sền bơta duh rngòt be la bơta jòi cồng nha.

II Timôthe 3:5

đah bơdìh gơlơh be duh rngòt, mơya neh pơndang sang gơnap gơnoar bơta hơ̆ dê. Ală cau behơ̆ gen mê pleh tĕ ngài.

II Timôthe 4:2

Bơto yal tĕ jơnau Yàng, bơto sùm bulah bơtoah hala ò bơtoah, bơto pơndòm, lah pơrhơng, chồl bơtrut, jơh nùs kong ơt tòm bơta bơto sồr.

Sră Pơyoa Pol Dê Pơyoa Tit In 2:15

Bơto tĕ ală bơta hơ̆, bơto tơngkah mơ lah pơrhơng dô bă gơs gơnoar wil tơl. Bañ lòi cau lơi sền òsơp di mê.

Yal Tơlik 18:4

Añ kơno dô jơnau ndai bơh đang trồ đơs lah: “Ơ làng bol añ jê, lik tĕ bơh di khai, tồ bol mê ò gơs pơnah bal tòm ală tồi glài khai dê mơ ò kòl tòm bơta rung rài khai dê;