Ephesô 5:10 - Sră Goh 2018

¹⁰ mơ sền sơwì tĕ bơta lơi niam nùs Yàng.

Ephesô 5:10 ပူးပေါင်းရင်းမြစ်များ

Đơs Crih 19:14

Ơ Yàng Jehôwa la lŭ klềr añ jê, mơ la Bơtau tơwài glài añ, Dan jơnau đơs bơr añ jê, Mơ bơta kơlôi sơnơng nùs añ jê kòñ geh niam nùs Kơnràñ.

Jơnau Pơnđik 21:3

Lơh jat bơta song ring mơ song ngan geh niam nùs Yàng Jehôwa rlau mơ phan ơn duh khoai.

Esai 58:5

Hơ̆ ò di la bơta ơt sa mơ Añ neh sac rwah, la dô ngai nàng dô nă cau pơndêt să ò ơ? Hơ̆ ò di la dô ngai dô nă cau in kun bồ kung be dô nơm gai proh, bic hơđang ƀào sơnò kiat mơ hơđang bùh ò ơ?

Jeremi 6:20

Behơ̆, ñchi kwơ cèng kơlhô tus bơh Seba Añ in, Chi ƀô lơngồt tus bơh lơgar ngài? Phan ơn chu bol mê dê ò geh dòp, Phan ơn pơdơng bol mê ò niam nùs Añ.”

Rôma 14:18

Cau lơi lơh jat behơ̆ mơ duh broă Bơtau Krist, gen geh niam nùs Yàng Tom Trồ mơ geh cau dô nùs bal.

Philip 1:10

nàng git loh ală broă niam rlau, tồ oh mi in geh sàng goh mơ ò gơs tiah geh lah pơrhơng jơl tus di ngai Bơtau Krist dê,

Philip 4:18

Añ geh wil tơl mơ tơngkah tơngkañ; añ geh bềng lìu bơh neh dòp geh ală phan ai gòi bơh Epaphrôdik mơ oh mi pơyoa añ in, hơ̆ la dô nơm phan ơn gơs ƀô bơlhu, la dô nơm phan pơdơng geh Yàng Tom Trồ dòp mơ niam nùs Kơnràñ.

Kôlôse 1:10

tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.

I Tesalônika 5:21

Lòng tĕ jơh ală broă, bơta lơi niam gen prap gàr tĕ.

I Timôthe 2:3

Hơ̆ la bơta niam mơ geh niam nùs Yàng Tom Trồ la Yàng Dong Klàs bol he dê.

I Timôthe 5:4

Mơya dilah cau ùr bơnrau lơi gơs kòn hala sau, gen sơnròp ngan pal lòi bol khai bơtê lơh bơta niam gơwèt mơ hìu nhă tòm khai dê mơ dong kòl wơl mè bèp khai dê, bơh bơta hơ̆ la niam mơ geh dòp di đap Yàng Tom Trồ.

Hebrơ 12:28

Behơ̆ gen, bơh bol he dòp geh dô nơm lơgar ò tŭ lơi lơnggơr, gen pal kah bơta nđàc, mơ ai nùs ki ngàm duh rngòt nàng duh broă Yàng Tom Trồ dô bă niam nùs Kơnràñ;

I Pier 2:20

Dilah oh mi lơh tìs, kong cau pù lơh mơ oh mi kong ơt, gen ñchi bơta jòng ro oh mi geh taih? Mơya dilah oh mi lơh niam, mơ kong jai bơta bòl glar jê sồt, gen hơ̆ la bơta nđàc Yàng Tom Trồ ai.

I Pier 2:5

Oh mi kung be lŭ kis gen bơt bơtào gơs tĕ hìu đah hwềng, lơh gơs cau gơnoar ơn phan duh khoai sàng goh, nàng ơn phan duh khoai đah hwềng, kơnòm di Yàng Jesu Krist tồ geh Yàng Tom Trồ dòp.

I Samuel 17:39

Dabit kơt đào khai dê di ào tòmlơh mơ lòng lòt gùt dar tài bơh khai ò mòng soh ală phan hơ̆. Gen khai đơs mơ Sol lah: “Añ ò rgơi lòt tòm ală phan do tài bơh añ ò mòng soh gơ.” Behơ̆ khai hồ ală phan hơ̆.