Ephesô 4:8 - Sră Goh 2018

⁸ Be Sră Goh neh đơs lah: “Tòm tŭ Kơnràñ guh hơđang jòng, gen tề lam ală cau kòl jàm, Mơ ai bơta ai gòi kòn mơnus in.”

Ephesô 4:8 ပူးပေါင်းရင်းမြစ်များ

Este 2:18

Mơ cau bơtau yò dô bơta ñô sa dờng ală cau màng ryŭ mơ ală cau kwang at bồ mơ ală cau duh broă bơtau in. “Bơta yò sa dờng Este.” Bơtau kung ai dô ngai ơm rlô tòm kơnhwàl lơgar mơ ai phan pà jat bơta pas sơm dờng ơnàng bơtau dê.

Đơs Crih 68:18

Ơ Yàng, Kơnràñ neh guh hơđang mơnơm jòng, tề lam ală cau neh kòl jàm tòm rơndeh ồs Kơnràñ dê; Kơnràñ neh dòp phan ơn bơh digùl ală cau, tian gơs kung bơh digùl cau tòmdră di Yàng Jehôwa sơl, Jehôwa Yàng Tom Trồ rgơi ơm tềng hơ̆.

Jơnau Pơnđik 30:4

Ñcau neh guh hơđang trồ, lồc behơ̆ mù wơl taih? Ñcau neh tơrgòm càl tòm kơndồm tê he taih? Ñcau neh bơ̆ dà tòm ào he taih? Ñcau neh bơtào gơs ală nhàr plai ù taih? Ñchi sơnđan mat khai, mơ ñchi sơnđan mat kòn klau khai taih? Dilah mê git đơs tĕ.

Ephesô 4:11

Kơnràñ ai cau do in gơs cau gơnoar bơto dờng, cau ne gơs cau gơnoar hwơr, cau ƀà gơs cau bơto yal Jơnau Niam, cau ƀà tai gơs cau gơnoar bơto mơ cau bơto,

Kôlôse 2:15

Kơnràñ sang ală gơnoar at bồ mơ ală gơnoar, mơ ràng tơlik bol khai dô bă loh làng, mơ geh pha lin rlau mơ bol khai di chi pơng.

Ală Kwang Cahrña 5:12

Guh tĕ, guh tĕ, ơ Debôra! Guh tĕ, guh tĕ, đơs dô bơta đơs chò! Guh tĕ, ơ Barak! Kup tĕ ală cau kong alah mê dê, ơ kòn klau Abinôam dê.

I Samuel 30:26

Tòm tŭ Dabit rê tus hơ Jiklak, khai pơyoa dô pơnah phan pìt kup hơ̆ tus hơ ală kwang kra Juda dê la ală cau oh mi bơyô bơh lài khai dê, mơ đơs lah: “Do la dô nơm phan ơn ală ồng in tòm phan pìt kup bơh di ală cau sò tơm Yàng Jehôwa dê.”