Ephesô 4:32 - Sră Goh 2018

³² Ai tĕ bơta kơ̆ dơn, nùs nđàc sơngit ơm gơròm bal, toh glài bal, kung be Yàng Tom Trồ neh toh glài oh mi tòm Bơtau Krist behơ̆ sơl.

Ephesô 4:32 ပူးပေါင်းရင်းမြစ်များ

II Samuel 7:21

Tài bơh jơnau Yàng ho jat nùs kòñ Yàng dê, gen Yàng neh lơh broă dờng do, nàng cau duh broă Yàng rgơi git bơta hơ̆.

Đơs Crih 112:9

Khai tòmpà dờng ơnàng, ai gòi cau rƀah lơòi in; Bơta song ring bol khai dê gam sùm sùm; Gơnoar pràn khai dê rơp geh yò tơngguh dô bă màng ryŭ.

Đơs Crih 145:9

Yàng Jehôwa lơh bơta niam jơh tơl nă cau in, Kơnràñ nđàc sơngit di jơh ală phan Kơnràñ neh crơng gơs.

Jơnau Pơnđik 12:10

Cau song ring sền gàr bơta kis phan poan jơng he; Ai bơta sơnđàc sơngit cau iơh dê la iơh rmơh.

Jơnau Pơnđik 19:11

Cau gơs bơta jak chài òbat gơhào gơjrañ; khai bơh pơnro sơnđan mơ sang lòi bơta tìs glài.

Jơnau Pơnđik 19:22

Nùs dòn song lơh cau in kòñ gơboh he; mơ rƀah niam rlau mơ cau đơs blac.

Esai 57:1

Cau song ring chơt roh, ò gơs cau lơi ơn nùs kơlôi tus; Cau dòn duh kong tă tơlik, ò gơs cau lơi git wă lah cau song ring kong tă tơlik klàs bơh di bơta rung rài;

Jeremi 38:12

Ebetmelet, cau Ethiôpi, đơs mơ Jeremi lah: “Ơn tĕ bài tơngkah mơ ào yau hơ̆ hơđang che, ơn di hơđơm pơnoà ồng dê.” Jeremi lơh jat behơ̆.

Mathiơ 6:12

Dan toh glài bol hi in, be bol hi kung toh cau tìs glài mơ bol hi;

Jơnau Niam Jat Mak 11:25

Tòm tŭ bol mê ntào hòi dan, dilah gơs bơta lơi gơtòmkal mơ cau lơi, gen toh glài tĕ nàng Bèp bol mê ơm hơđang trồ kung rơp toh glài bol mê in sơl.” [

Luka 1:78

Bơh nùs kòñ nđàc Yàng Tom Trồ bol he dê, Mơ Kơnràñ neh ai mattơngai àng drim bơh đang jòng wèt còp bol he,

Luka 11:4

Dan toh glài bol hi in, bơh să tòm bol hi kung toh glài kòp nă cau kòl dồs mơ bol hi; bañ lòi bol hi gơkòl tòm bơta ơniai.’”

Luka 17:4

Bulah tòm dô ngai oh mi mê tìs glài mơ mê poh dơ̆, mơ poh dơ̆ khai rê wơl mơ mê mơ đơs lah: ‘Añ gơjrañ sang glài,’ gen mê toh glài tĕ khai in.”

Luka 6:35

Mơya kòñ gơboh tĕ di ală cau sò tơm, lơh niam tĕ, ai càn tĕ mơ bañ kơp kòñ tơm wơl, gen phan ƀàn bol mê dê rơp la dờng mơ bol mê rơp lơh gơs kòn Bơtau Hơđang Rlau Jơh dê; bơh Kơnràñ la kơ̆ dơn gơwèt mơ ală cau ò kah bơta nđàc mơ ală cau iơh bơsak.

Luka 6:37

Bañ cahrña di cau lơi, gen bol mê rơp klàs bơta cahrña; bañ lơh nền glài cau lơi, gen bol mê rơp klàs bơta lơh nền glài; toh glài tĕ gen bol mê rơp geh toh glài.

Broă 28:2

Cau ơm tòm tiah hơ̆ wă rò bol hi dô bă sơrmah sơrmài ngan, tài bơh trồ gam mìu mơ noat mrềt ngan, gen tàng jơh tơl nă tus rềp di gơnru ồs dờng neh sing.

Rôma 12:10

Kòñ gơboh tĕ duh hul bal mơ gơp be oh mi tòm Yàng, jơh nùs sền tĕ màng ryŭ bal mơ gơp.

I Kôrintô 13:4

Bơta kòñ gơboh gơs bơta kong ơt mơ kơ̆ dơn, bơta kòñ gơboh ò ƀoah gơjrañ, bơta kòñ gơboh ò jòng să mơ ò pơnhừ să,

II Kôrintô 2:10

Mơya oh mi toh glài cau lơi in, gen añ kung toh glài sơl. Bơh dilah añ neh toh glài, hơ̆ la tài bơh oh mi mơ toh glài di đap Bơtau Krist,

II Kôrintô 2:7

gơpơrlơ̆ wơl chan toh glài khai mơ pơndòm pơniang khai, rngòt khai gơplơ̆ nùs bơh bơta moat jrùng dờng ngan mòn.

II Kôrintô 6:6

tòm bơta ơm sàng goh, bơta git jak, bơta kong ơt, bơta kơ̆ dơn, tòm Yàng Hwềng Goh, nùs kòñ gơboh song ngan,

Ephesô 5:1

Behơ̆, bơh oh mi la kòn sau kòñ gơboh Yàng Tom Trồ dê, gen đòm jat tĕ Kơnràñ.

Jakơ 5:11

Do, bol he sơnđan ală cau neh kong ơt la cau gơs lơngai. Oh mi neh kơno bơh bơta kong ơt Jop dê, mơ neh gŏ mbe Yàng neh ai khai in tòm tŭ lồi dut, bơh Yàng bềng lìu nùs nđàc sơngit mơ bơta kòñ nđàc.

II Pier 1:7

bơtơl bơta gơboh gơbài di oh mi hơđang bơta duh rngòt, bơtơl nùs kòñ gơboh hơđang bơta gơboh gơbài di oh mi.

I Jang 1:9

Dilah bol he yal glài he dê, gen Kơnràñ la Bơtau lơh jat jơnau ho Kơnràñ dê mơ la Bơtau song ring rơp toh glài bol he in, mơ rào bol he in goh jơh ală bơta ò song ring.

I Jang 2:12

Ơ ală kòn añ jê, añ cih ală kòn in tài bơh tồi glài ală kòn dê neh geh toh kơnòm di sơnđan Yàng Jesu Krist.

Rutơ 2:20

Gen Naômi đơs mơ ƀan khai dê lah: “Dan Yàng Jehôwa ai lơngai khai in! Kơnràñ ò sang lòi mơ ai bơta nđàc cau kis mơ cau chơt in sơl.” Khai đơs bơtơl tai lah: “Cau hơ̆ la gơp bơtiàn rềp he dê, dô nă cau gơp bơtiàn rềp rlau jơh bol he dê.”