Ephesô 4:31 - Sră Goh 2018

³¹ Sang tĕ bơh di oh mi jơh ală bơta sràt bơtang, gơjrañ mañ, gơhào nùs, nggồr nggàc, bơrsèl tơnhial, bal mơ jơh ală bơta bih khih.

Ephesô 4:31 ပူးပေါင်းရင်းမြစ်များ

Sơnròp Gơlik Gơs 27:41

Esau gơjrañ kơuềng di Jakôp tài bơh bèp khai ai lơngai Jakôp in, gen đơs tòm nùs lah: “Ală ngai moat bèp dê mòr di, behơ̆ añ rơp tơnchơt Jakôp, oh añ.”

Sơnròp Gơlik Gơs 37:21

Ruben kơno ală jơnau hơ̆, gen dong khai bơh tê bol hơ̆ mơ đơs lah: “Bol he bañ tơnchơt khai.”

Sơnròp Gơlik Gơs 37:4

Ală bi khai gŏ bèp kòñ gơboh di Jôsep rlau mơ ală bol khai, gen gơs nùs gơjrañ kơuềng di khai, mơ ò bài đơs niam mơ khai.

Sơnròp Gơlik Gơs 4:8

Kain đơs mơ Abel oh khai dê. Mơ tòm tŭ bàr nă bol khai ơm tòm ƀlàng, Kain brồ lơh Abel oh khai mơ tơnchơt khai.

II Samuel 13:22

Apsalôm ò đơs dô jơnau lơi mơ Amnôn bulah la niam hala iơh; bơh khai gơjrañ di Amnôn tài bơh Amnôn neh bic bơklơn Tamar, oh ùr khai dê.

II Samuel 19:27

Mơ khai neh yă blac añ mơ cau tòm añ jê la bơtau. Mơya cau tòm añ jê la bơtau kung be cau gơnrơh Yàng Tom Trồ dê. Gen tàng lơh tĕ bơta lơi gơlơh niam gơwèt mơ bơtau.

II Samuel 19:43

Gen cau Israel ho wơl ală cau Juda lah: “Bol hi gơs jơt pơnah tòm bơtau, mơ tòm Dabit sơl bol hi gơs rlau mơ bol mê. Behơ̆, ñchi bơh tài bol mê sền òsơp di bol hi behơ̆ taih? Ò di bol hi la cau sơnròp ngan đơs bơh bơta cèng bơtau bol he dê rê wơl sơl ơ?” Mơya ală jơnau cau Juda dê jàñ bơsak rlau mơ ală jơnau ală cau Israel dê.

Đơs Crih 101:5

Añ rơp tơnroh cau đơs joh òm di cau gơp ƀòn he; Ai cau lơi gơs mat be tòm, mơ nùs pơnhừ să, gen añ rơp ò bài kong.

Đơs Crih 140:11

Dan bañ lòi cau đơs jơnau blac chừt bơtào tơngguh tòm lơgar; Lòi bơta iơh mhar ting mòc bàn cau kòñ lơh iơh.

Đơs Crih 15:3

Khai la cau gơs lơmpiat ò đơs joh, Ò lơh iơh di oh mi bơyô he dê, Ò sih bơta ƀàssìl di cau gơp ƀòn he dê.

Đơs Crih 37:8

Kơryan tĕ, bañ gơjrañ tai, sang tĕ bơta gơjrañ dờng! Bañ gơs nùs sơềt sơềl, bơta hơ̆ mìng lam tus hơ bơta lơh iơh.

Đơs Crih 50:20

Mê nggui đơs tòmdră di oh mi mê dê, Đơs joh kòn klau mè mê dê.

Đơs Crih 64:3

Bol khai tồl lơmpiat bol khai dê be cau tồl đào, Pơmong jơnau sràt bơtang be ală kam,

Jơnau Pơnđik 10:12

Bơta gơjrañ mañ gơlik bơta tòmlah tòmring; Ai nùs kòñ gơboh pồn ndơp jơh ală bơta tìs.

Jơnau Pơnđik 10:18

Cau pồn bơta gơjrañ mañ gơs sơndồi ma blac; Mơ cau lơi rsìh bơta đơs joh la cau tùl gơla.

Jơnau Pơnđik 14:17

Cau duh nùs lơh lu lơh sơnrang; Mơ cau bơtào kai gơrmơ̆i kong gơjrañ.

Jơnau Pơnđik 18:8

Jơnau cau đơs gơtrềng gơtràng be phan sa bơkah, Gơ mut tus tòm klung klòm.

Jơnau Pơnđik 19:12

Bơtau gơhào khuh ò gơkrơi be klìu triă ơluh ơhùm; ai bơta nđàc khai be dà tŭ dùh hơđang ƀlàng ñhơt.

Jơnau Pơnđik 25:23

Càl tồ đah đang tơnggơs mìu; ai lơmpiat đơs òm ndơp ndơr lơh muh mat in gơhào gơjrañ.

Jơnau Pơnđik 26:20

Ồs chơt la tài bơh siơ̆u lòng; tŭ lơi ò gơs cau đơs gơtrềng gơtràng gen bơta tòmlah tòm pơndang rơp jơh.

Jơnau Pơnđik 29:22

Cau jak gơjrañ tơnggơs bơta tòmpìt tòmhà; mơ cau prap bơta gơjrañ tòm nùs tìs glài oă tai.

Jơnau Pơnđik 29:9

Dilah cau jak chài tòmlah mơ cau tùl gơla, bulah khai gơjrañ hala ñŏ, kung ò geh lơngap lơngai.

Jơnau Pơnđik 6:19

Cau lơh cơng ò song mơ đơs jơnau blac, bal mơ cau rsìh bơta tòm pơndang digùl hìu nhă he.

Cau Bơto 7:9

Bañ mhar gơjrañ, bơh bơta gơjrañ ơm tòm nùs cau tùl gơla.

Jeremi 6:28

Bol khai jơh tơl nă kơldang bồ mơ pơrlơ̆ dră, Lòt làm bă tiah đơs iơh, Kră be kòng, be lòs, jơh tơl nă bol khai lơh ală broă roh gơprah lơm.

Jeremi 9:4

Kơrhia tĕ bơh cau gơp ƀòn he, Bañ dòn kơnòm di dô nă cau lơi tòm oh mi he; Bơh kòp nă oh mi la cau pơrlồm, Mơ kòp nă cau gơp ƀòn lòt gùt dar be cau yă blac.

Broă 21:30

Jơh làm ƀòn dờng gơlik gơs sơlồng sơlàng, làng bol ntoat ràn tus, kup Pol hwài tơlik bơh hìu duh khoai, gen ală mpồng hìu duh khoai til jơh mo.

Rôma 3:14

“Bơr bol khai bềng ală jơnau srat rma mơ sràt bơtang.”

I Kôrintô 14:20

Ơ oh mi, tòm bơta kơlôi sơnơng bañ gơs be cau kơnòm dềt; mơya tòm bơta bih khih iơh bơsak, gen gơs tĕ be kơnòm dềt, ai tòm bơta git wă gen gơs tĕ be cau dờng.

I Kôrintô 5:8

Behơ̆, bol he prap gàr tĕ bơta Pơjum Sa Lòt Gan mơ bañ ngui kañ yau, kung bañ ngui kañ bih khih mơ bơta iơh bơsak, mơya ngui piang lă ò gơs kañ, hơ̆ la piang lă song ngan mơ jơnau song.

II Kôrintô 12:20

Bơh añ rngòt lah dơ̆ añ lòt tus, gen gŏ oh mi ò di be añ kơp kòñ, oh mi gŏ añ kung ò di be oh mi neh kơp kòñ. Añ rngòt tai lah gam gơs bơta tòm pơndang, ƀoah, gơjrañ kơuềng, cah is mpồl, đơs joh, jak đơs iơh, jòng să, nggồr nggàc tai mòn.

Galati 5:20

duh rùp ràk, juh proh, sò tơm, jak tòmlah, ƀoah, gơjrañ mañ, tòm pơndang bal, cah is mpồl, jat gùng duh khoai tìs,

Ephesô 4:22

Behơ̆ oh mi pal klò sang cau yau bơh bơta lơh lòt lài òr, la cau sơlo ngai sơlo ồm lề bơh bơta hàm kòñ is blac pơrlồm;

Ephesô 4:25

Gen tàng, oh mi pal sang bơta ma blac, kòp nă pal đơs song mơ cau gơp ƀòn he, tài bơh bol he la pơnah să jan bal.

Ephesô 4:26

Dilah gơs bơta gơjrañ gen bañ tìs glài, bañ prap bơta gơjrañ jơl tus di tŭ mattơngai mut,

Kôlôse 3:19

Ơ cau la bau klau, kòñ gơboh tĕ di bau ùr mê dê mơ bañ gơs bơta sràt bơtang mơ khai.

Kôlôse 3:8

Mơya tŭ do oh mi tă sang tĕ jơh ală bơta hơ̆, la bơta gơhào nùs, bơta gơjrañ mañ, bơta bih khih, bơta bơrsèl tơnhial, mơ jơnau pàp tràl bơh di bơr oh mi.

I Timôthe 3:11

Cau ùr kung behơ̆ sơl, pal kràñ cê, ò di đơs iơh, pal git kơrhia mơ dòn song tòm jơh ală bơta.

I Timôthe 3:3

Ò tơhìr tơrnòm alak, ò lơh rhung rhang, mơya pal sơrmah sơrmài; ò jòi jơnau, mơ ò hàm hà jền priă;

I Timôthe 5:13

Rlau mơ hơ̆ bol khai mòng ơm gòi, lòt bơh hìu do nơu hơ hìu ne; ò di mìng bol khai ơm gòi lơm ò, mơya kung đơs ală jơnau gơtrềng gơtràng cok cek, lơh be tòm tòm broă cau ndai dê, mơ đơs ală bơta ò pal đơs sơl.

II Timôthe 2:23

Tòmdră tĕ mơ ală jơnau tòm pơndang bơrngơl gơla ò kwơ bơh git lah ală bơta hơ̆ mìng gơlik gơs bơta tòmpìt tòmhà lơm.

II Timôthe 3:3

ò gơs nùs nđàc, kalke gơsòc sòr wơl, jak đơs joh lah, ò git kơrhia, jàñ bơsak, ò gơboh di bơta niam,

Sră Pơyoa Pol Dê Pơyoa Tit In 1:7

Bơh cau at bồ hìu Yàng Tom Trồ dê gen pal ò gơs tiah geh lah pơrhơng, ò di lơh be tơl, ò di mhar gơjrañ, ò di tơhìr tơrnòm alak, ò di lơh rhung rhang, ò di hàm hà cồng nha ƀơ̆ ƀơl,

Sră Pơyoa Pol Dê Pơyoa Tit In 2:3

Ală mò kra kung behơ̆ sơl, pal lơh lòt jat bơta sàng goh, ò di đơs iơh, ò di lơh gơs dĭ tơrnòm alak dê, mơya pal lơh gơs cau bơto bơta niam,

Jakơ 1:19

Ơ oh mi kòñ gơboh añ jê, oh mi pal git bơta do: Kòp nă cau pal mhar iat, òbat đơs, mơ òbat gơjrañ;

Jakơ 3:14

Mơya dilah tòm nùs oh mi gơs bơta ƀoah gơjrañ, sràt bơtang mơ lơh kơnềs, gen bañ jòng să mơ đơs blac tòmdră mơ jơnau song.

Jakơ 4:11

Ơ oh mi, bañ đơs joh di gơp. Cau lơi đơs joh di oh mi he hala cahrña di oh mi he, hơ̆ la đơs joh di bơta boh lam, mơ cahrña di bơta boh lam. Mơya dilah mê cahrña di bơta boh lam gen mê ò di la cau lơh jat, mơya la cau cahrña di bơta boh lam.

I Pier 2:1

Behơ̆ oh mi sang lòi tĕ jơh ală bơta iơh bơsak, ală bơta lac lèo, ală bơta ma blac, nùs ƀoah gơjrañ, mơ jơh ală đơs bơrsèl tơnhial.

I Jang 3:12

Bañ lơh be Kain, la cau bal mơ cà ràk mơ neh tơnchơt oh khai dê. Ñchi bơh tài khai tơnchơt oh khai taih? Tài bơh ală broă să tòm khai dê la iơh rmơh, ai ală broă oh khai dê la song ring.

I Jang 3:15

Cau lơi gơjrañ kơuềng di oh mi he gen cau hơ̆ la cau tơnchơt cau; oh mi git lah ò gơs dô nă cau lơi tơnchơt cau geh bơta kis gam sùm sùm ơm tòm khai.

Yal Tơlik 12:10

Gen añ kơno hơđang trồ gơs jơnau dờng đơs lah: “Tŭ do bơta dong klàs, gơnap gơnoar, lơgar Yàng Tom Trồ bol he dê, mơ gơnoar Bơtau Krist Kơnràñ dê neh tus, bơh cau yă wơn oh mi bol he dê neh kong sơrbì rau, hơ̆ la cau ngai mơ mang yă wơn bol khai di đap Yàng Tom Trồ bol he dê.