Ephesô 4:30 - Sră Goh 2018

³⁰ Bañ lơh moat jrùng Yàng Hwềng Goh Yàng Tom Trồ dê, bơh tòm Kơnràñ oh mi geh tap ƀang kì tus di ngai dong tơwài.

Ephesô 4:30 ပူးပေါင်းရင်းမြစ်များ

Sơnròp Gơlik Gơs 6:3

Yàng Jehôwa đơs lah: “Hwềng Añ rơp ò ơm sùm tòm kòn mơnus, bơh kòn mơnus la poac să lơm, rài kòn mơnus rơp la dô rhiang bàr jơt nam dang.”

Sơnròp Gơlik Gơs 6:6

Gen Yàng Jehôwa tòmgơl nùs Kơnràñ neh crơng gơs kòn mơnus hơđang ù mơ moat jrùng tòm nùs.

Đơs Crih 78:40

Ò git nđò dơ̆ bol khai sòdră mơ Kơnràñ tòm ƀlàng ngềt ngơt, Mơ lơh Kơnràñ in moat jrùng jê sồt tòm ƀlàng bràs.

Đơs Crih 95:10

Tòm poan jơt nam Añ cù kìr di jơi bơtiàn hơ̆, Mơ Añ đơs lah: “Bol khai la dô nơm làng bol gơs nùs tìs nrah, Bol khai ò kơlôi wèt di ală gùng dà Añ jê.”

Esai 43:24

Mê neh ò blơi Añ in chi ƀô niam lơi, kung neh ò ơn Añ in dơngi ală phan ơn duh khoai. Mơya mê lơh Añ in kơnjơ̆ bơh tồi glài mê dê, mơ tơmbòl Añ bơh ală bơta tồi glài iơh bơsak mê dê.

Esai 63:10

Bulah behơ̆, bol khai neh tòmdră, mơ lơh Hwềng Goh Kơnràñ dê moat jrùng. Gen tàng Kơnràñ gơlik gơs cau sò tơm di bol khai, mơ să tòm Kơnràñ tòmlơh nàng tòmdră mơ bol khai.

Esai 7:13

Gen Esai đơs lah: “Iat tĕ do, ơ hìu Dabit! Bol mê lơh dơrcul bơta kong ơt kòn mơnus dê la ò tơl sơl ơ? Bol mê kung rơp lơh dơrcul Yàng Tom Trồ añ jê tai sơl ơ?

Ejekiel 16:43

Tài bơh ai ò kah ală ngai tòm tŭ ai gam kơnòm să, mơya neh lơh Añ in gơhào gơjrañ bơh jơh ală bơta do, gen ngan la Añ rơp tơndùh hơđang ai ală bơta ai neh lơh,’ Jehôwa Yàng Tom Trồ đơs behơ̆. Ai ò di neh bơtơl bơta rềs àr bơrnàn tòm ală broă cù kìr ai neh lơh ò ơ?

Sră Ôse 13:14

Añ rơp dong bol khai klàs bơh gơnap gơnoar lơgar làng ƀồc. Añ rơp tơwài bol khai klàs bơh bơta chơt sơl ơ? Ơ bơta chơt, ntềng đah bơta rung rài mê dê taih? Ơ lơgar làng ƀồc, ntềng đah bơta tơnroh mê dê taih? Bơta nđàc sơngit neh pồn ndơp bơh di mat Añ.

Jơnau Niam Jat Mak 3:5

Tŭ hơ̆ Kơnràñ sền làm di bol khai, gơjrañ mơ moat tài bơh nùs bol khai kră kơldang mơ tìs nrah, lồc behơ̆ Kơnràñ đơs mơ cau klau lah: “Pò tĕ tê mê dê.” Gen khai pò tê mơ gơ bòi.

Luka 21:28

Tŭ lơi ală bơta hơ̆ rơp gơlik tus, gen ntào tĕ song mơ tơnggòr hơđang, bơh bơta dong tă bol mê dê tus rềp.”

Jang 3:33

Cau lơi neh dòp jơnau lơh cơng Kơnràñ dê, gen neh dòp nền lah, Yàng Tom Trồ la song ngan.

Broă 7:51

Ơ ală cau kơldang bồ, nùs mơ tồr ò siat gơltau ne! Ală ồng tòmdră sùm mơ Yàng Hwềng Goh; ồng pàng ală ồng dê be lơi gen ală ồng kung behơ̆ sơl!

Rôma 8:11

Dilah Yàng Hwềng Goh bơh Bơtau neh lơh Yàng Jesu in kis wơl bơh bơta chơt ơm tòm oh mi, gen Bơtau neh lơh Yàng Krist Jesu in kis wơl bơh bơta chơt kung rơp kơnòm di Yàng Hwềng Goh Kơnràñ dê ơm tòm oh mi nàng lơh să jan òs chơt oh mi dê geh kis sơl.

Rôma 8:23

ò di mìng ală phan tòm trồ tiah lơm, bol he la cau gơs Yàng Hwềng be bơta nđàc sơnròp ngan Yàng Tom Trồ dê, kung rac ròc tòm nùs, tòm tŭ kơp gơn Yàng Tom Trồ kòp bol he la kòn ròng Kơnràñ dê mơ bơta hồ toh să jan bol he dê.

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

I Kôrintô 15:54

Tòm tŭ să jan òs ồm lề do neh soh să jan ò ồm lề, mơ să jan òs chơt do neh soh să jan ò tŭ lơi chơt, gen rơp gơlik di ngan be jơnau neh cih lah: “Bơta chơt neh kòl bơta pha lin rlau sa loan.”

I Tesalônika 5:19

Bañ tơnchơt ồs Yàng Hwềng Goh dê.

Hebrơ 10:29

tơ ài lah cau jă trơm Kòn Yàng Tom Trồ, sền mhàm bơta ho bal neh lơh khai in geh gơlik gơs sàng goh la mhàm ƀơ̆ ƀơl, mơ sền òsơp di Yàng Hwềng neh ai bơta nđàc, gen oh mi kơlôi lah cau hơ̆ ò di pal kong lơh glài kơnjơ̆ rlau ò ơ?

Hebrơ 3:10

Gen tàng Añ neh gơjrañ di jơi bơtiàn do, Mơ đơs lah: ‘Tòm nùs bol khai tìs nrah sùm, Mơ ò đal git gùng dà Añ jê.’

Hebrơ 3:17

Yàng Tom Trồ neh gơjrañ mañ di ñcau tòm poan jơt nam taih? Ò di la ală cau neh tìs glài, mơ ƀồc bol khai neh gơpừ tòm ƀlàng ngềt ngơt ò ơ?

Ală Kwang Cahrña 10:16

Gen bol khai tă sang ală yàng lơgar bơdìh bơh digùl bol khai mơ duh broă Yàng Jehôwa. Kơnràñ ò jai kong tai sền bơta bòl glar Israel dê.