Ephesô 4:28 - Sră Goh 2018

²⁸ Cau òs ntung kơñau bañ ntung kơñau tai, mơya chan kong bòl glar lơh broă, ai tê he lơh broă niam, tồ gơs phan nàng dong cau siơ̆u siar la niam rlau.

Ephesô 4:28 ပူးပေါင်းရင်းမြစ်များ

Sră Jop 34:32

Dan bơto añ bơta lơi añ ò gŏ, dilah añ neh lơh bơta tìs glài iơh bơsak, añ rơp ò lơh behơ̆ tai.’

Lik Ejiptơ 20:15

Bol mê bañ ntung kơñau.

Lik Ejiptơ 20:17

Bol mê bañ hàm hà hìu cau ơm rềp mơ bol mê. Bol mê bañ hàm kòñ bau ùr cau ơm rềp mơ bol mê, hala cau klau duh broă, cau ùr duh broă khai dê, kơnrồ, alàng, hala phan lơi gơrê bal mơ cau ơm rềp di bol mê.”

Lik Ejiptơ 21:16

Cau lơi kup kơñau dô nă cau, gen khai pal kong tơnchơt, bulah khai neh tac cau hơ̆ rau hala gam lòi wơl.

Jơnau Pơnđik 13:11

Phan mơna ò di pal ngan pal kong roh gơcoh; Ai cau lơi kư̆ dòñ prap rơp geh bơtơl oă.

Jơnau Pơnđik 14:23

Lơh broă cèng cồng nha; Mơya mìng đơs lơm lam tus bơta siơ̆u siar.

Jơnau Pơnđik 21:26

Gơs cau jơh ngai hàm kòñ oă; mơya cau song ring ai gòi ò lơh kơnềs,

Jơnau Pơnđik 28:13

Cau lơi pồn prap tồi glài he rơp ò geh bơtoah; mơya cau lơi yal tơlik gơ mơ sang lòi gơ gen rơp geh nđàc sơngit.

Jơnau Pơnđik 30:9

Rngòt tŭ hòm lai añ pơndang sang Yàng, mơ lah: Yàng Jehôwa la ñcau taih? Mơ pơrlơ̆ wơl dilah añ rƀah lơòi, gen ntung kơñau, mơ lơh ƀơ̆ iơh sơnđan Yàng Tom Trồ añ jê sơl.

Jơnau Pơnđik 31:20

Khai pò tơlik tê khai dê dong kòl cau rƀah, pò tê he dong kòl cau siơ̆u siar.

Jeremi 7:9

Bol mê ngan ò di ntung kơñau, tơnchơt cau, tìs glài rềs àr bơrnàn, srat să blac, chu kơlhô Baal in, lòt jat yàng ndai, la yàng bol mi ò git.

Sră Ôse 4:2

Tềng hơ̆ mìng gơs bơta srat rma, bơta blac pơrlồm, bơta tơnchơt cau, bơta ntung kơñau, mơ bơta rềs àr bơrnàn; bol khai sang lòi jơh ală bơta boh lam, kư̆ lơh gơhòr mhàm sùm ò dơh.

Sacari 5:3

Khai đơs mơ añ lah: “Hơ̆ la bơta srat sơntơm hơđang làm lơgar: kòp nă cau ntung kơñau rơp kong tơnroh jat be jơnau cih hơđang đah do sră; mơ kòp nă cau srat să rơp kong tơnroh jat be jơnau cih đah ne sră.”

Luka 19:8

Mơya Sace ntào đơs mơ Yàng lah: “Ơ Yàng, do, añ ai nggùl phan mơna añ jê mơ tòmpà cau rƀah lơòi in, mơ dilah añ neh sa kwì sa kwà phan cau lơi dê, gen añ rơp tòm wơl poan dơ̆ rlau.”

Luka 3:8

Behơ̆ gơlik tĕ plai di pal mơ bơta gơjrañ sang glài; bañ đơs is lah: ‘Bol he gơs Abraham la ồng pàng bol he dê,’ bơh añ đơs mơ bol mê, Yàng Tom Trồ rgơi ai bơh ală lŭ do bơtào gơs kòn sau Abraham in.

Jang 12:6

Khai đơs behơ̆, ò di tài bơh kơlôi bơh cau rƀah lơòi ò, mơya bơh khai la dô nă cau ntung kơñau, mơ prap kơldung priă, gen tàng khai òs kơñau priă mơ cau neh ơn tòm hơ̆.

Jang 13:29

Gơs cau ƀà tồnlah tài bơh Juda gơs kơldung priă, gen tàng Yàng Jesu đơs mơ khai lah: Rwat tĕ phan bol he kòñ ngui tòm tŭ pơjum sa, hala pal pà phan lơi cau rƀah lơòi in.

Rôma 12:13

Tòmpà tĕ bơta pal ngui sa ală cau sàng goh in; pal kòñ tĕ wă rò nac.

I Kôrintô 4:12

Bol hi ngui tê tòm mơ kong bòl glar lơh broă; tŭ gơtìp lah sơrpah, gen bol hi ai lơngai; tŭ gơtìp kup kơryan, gen bol hi kong;

II Kôrintô 8:12

Bơh dilah cau lơi gơs nùs kòñ ơn, gen phan ơn geh Yàng Tom Trồ dòp jat bơta he gơs, ò di jat bơta he ò gơs.

II Kôrintô 8:2

Tòm tŭ bol khai ơm tòm bơta gơlòng bòl glar dờng, mơya bềng bơta hòn chò. Tòm bơta siơ̆u siar rlau jơh, gen nùs dờng ơnàng bol khai gơlik gơs lìu làc.

Galati 6:10

Behơ̆ tòm tŭ gam gơs tơngai, gen bol he lơh tĕ broă niam jơh ală cau in, sơnròp ngan la ală cau tòm hìu nhă bơta dòn dê.

I Timôthe 6:18

Bơto kràñ cê bol khai in pal lơh bơta niam, pas gơs tòm broă niam, rcang sir ai gòi mơ chò hòp tòmpà phan he dê cau in ƀà,

Sră Pơyoa Pol Dê Pơyoa Tit In 3:14

Ală cau bal mơ bol he kung pal bơtê lơh ală broă niam, nàng dong kòl tòm tŭ pal càng, tồ bañ kis dô rài kis ò gơlik cồng nha.

Sră Pơyoa Pol Dê Pơyoa Tit In 3:8

Jơnau hơ̆ la nền cê ngan, añ kòñ mê đơs nền ală bơta hơ̆ dô bă pràn kơldang tồ ală cau in neh dòn jat Yàng Tom Trồ gen jơh nùs tơryang tơryồng lơh ală broă niam, hơ̆ la ală bơta niam mơ gơs kwơ cau in.