Ephesô 4:22 - Sră Goh 2018

²² Behơ̆ oh mi pal klò sang cau yau bơh bơta lơh lòt lài òr, la cau sơlo ngai sơlo ồm lề bơh bơta hàm kòñ is blac pơrlồm;

Ephesô 4:22 ပူးပေါင်းရင်းမြစ်များ

Sră Jop 22:23

Dilah ồng rê wơl hơ Bơtau Gơnap Gơnoar Làm Jơh, ồng rơp geh bơtào wơl, dilah ồng tă sang bơta iơh bơsak bơh di sàl ồng dê,

Jơnau Pơnđik 11:18

Cau iơh dòp geh cồng nha roh lơm; Mơya cau sih bơta song ring dòp geh jền tơngai ngan.

Jeremi 17:9

Nùs jơi kòn mơnus la blac chừt rlau mơ jơh ală jơi phan, Mơ ƀơ̆ iơh ngan; Ñcau rgơi git loh?

Jeremi 49:16

Ơ cau ơm tòm rgồng lŭ dờng, Neh sơmbat geh bồ mơnơm ne, Kòp he la pal rngòt, Nùs pơnhừ să neh pơrlồm mê; Bulah mê lơh rsòn mê hơđang kung be rsòn klàng bung, Añ kung lơh mê in bơh hơ̆ dùh hơđơm, Yàng Jehôwa đơs behơ̆.

Apdia 1:3

Nùs pơnhừ să mê dê neh pơrlồm mê; mê la cau ơm tòm ală tiah cìr pơnai lŭ dê, la ală cau ơm hơđang ală tiah jơnhoa, mê đơs òm tòm nùs mê dê lah: ‘Ñcau rơp cèng añ mù tus di ù taih?’

Rôma 6:6

Bơh git lah cau yau bol he dê neh kong pơng hơđang chi pơng bal mơ Kơnràñ, tồ să jan tồi glài dê kòl tơnroh, mơ bol he ò gam lơh gơs dĭ gơna tồi glài tai,

Rôma 7:11

Bơh tồi glài neh ai kai, ngui bơta sồr lam pơrlồm añ mơ bơh hơ̆ tơnchơt añ.

II Kôrintô 11:3

Mơya añ rngòt lah, nùs oh mi roh bơta song ngan mơ bơta sàng goh gơwèt mơ Bơtau Krist, kung be yau òr bơs neh ngui kai lac lèo mơ pơrlồm Eba behơ̆ sơl.

Galati 1:13

Oh mi ngan neh kơno bơh bơta ngac ngar lài òr añ jê tòm gùng duh khoai cau Juda dê, be añ neh kup kơryan mơ lơh gơprah gơpring Hìu Jum Goh Yàng Tom Trồ dê ò git lơh;

Ephesô 2:3

Lài òr bol he jơh tơl nă kung lơh lòt bal mơ bol khai, kis tòm bơta hàm kòñ is poac să dê, lơh ală bơta poac să mơ nùs kơlôi kòñ, ngan la cau rơp kong bơta gơjrañ dờng Yàng dê, kung be cau ndai.

Ephesô 4:17

Behơ̆, do la bơta añ đơs mơ lơh cơng tòm Yàng lah oh mi bañ lơh lòt be làng bol bơdìh tai, jat bơta roh lơm nùs kơlôi bol khai dê;

Ephesô 4:25

Gen tàng, oh mi pal sang bơta ma blac, kòp nă pal đơs song mơ cau gơp ƀòn he, tài bơh bol he la pơnah să jan bal.

Ephesô 4:31

Sang tĕ bơh di oh mi jơh ală bơta sràt bơtang, gơjrañ mañ, gơhào nùs, nggồr nggàc, bơrsèl tơnhial, bal mơ jơh ală bơta bih khih.

Kôlôse 2:11

Tòm Kơnràñ oh mi kung neh kong siat gơltau, ò di siat gơltau bơh tê cau lơh, mơya siat gơltau bơh Bơtau Krist, hơ̆ la bơta klò sang să jan poac să.

Sră Pơyoa Pol Dê Pơyoa Tit In 3:3

Bơh lài òr bol he kung tùl gơla, ò dòn bơr, gơkòl cau pơrlồm, lơh gơs dĭ gơna ală bơta hàm kòñ is mơ ală bơta iơh bơsak mơ bơta tòmlah tòmring, kong cau gơjrañ kơuềng mơ kung gơjrañ kơuềng bal mơ gơp sơl.

Hebrơ 12:1

Behơ̆ gen, bơh bol he neh gơs oă cau lơh cơng gơrwàng gùt dar be dô puk mhwal dờng ngan, bol he kung pal sơrbì sang jơh ală bơta be phan àñ kơnjơ̆ bal mơ tồi glài gơđềt di he, pal kơ̆ cê ntoat jat bơta ntoat pơrlòng neh ràng tơlik di đap bol he;

Hebrơ 3:13

Mơya tòm tŭ gam sơnđan la “Ngai do,” gen kòp ngai pal bơto tơngkah tĕ bal mơ gơp, rngòt gơs cau lơi digùl oh mi kòl tồi glài pơrlồm mơ gơlik kơldang nùs.

Jakơ 1:21

Behơ̆, sang tĕ jơh ală bơta ƀơ̆ ƀơl mơ bơta iơh bơsak bềng lìu, ai nùs niam lơnhơn mơ dòp jơnau Yàng neh tam tòm oh mi, la jơnau rgơi dong klàs hwềng soàn oh mi dê.

Jakơ 1:26

Dilah gơs cau lơi kơlôi lah he dòn jat jơnau song, mơ ò at bồ lơmpiat he mơya pơrlồm is nùs he, gen bơta dòn jơnau song cau hơ̆ dê la ò kwơ.

I Pier 1:18

Bơh oh mi git lah ò di bơh phan òs roh rui be priă hala màh mơ oh mi neh geh tơwài lik klàs bơh bơta lơh lòt ò kwơ mơ ồng pàng lòi wơl he in ò,

I Pier 4:3

Bơh lài òr oh mi neh sang tŭ tơngai lơh tơl ală bơta be cau làng bol bơdìh kòñ lơh, hơ̆ la kis tòm bơta bung jang, hàm kòñ jat poac să, bơñul lơmbè, sơlồng sơlàng, gơlềng gơlàng mơ duh rùp ràk cù kìr.

II Pier 2:13

bol khai kong bòl glar jê sồt bơh broă ò song ring bol khai dê. Bol khai hừh nùs tòm bơta ñô sa kơnhơl gơlềng gơlàng tòm trồ ngai; bol khai la tềl ƀơ̆ ƀơl ngkòr ngkàc, ai lơh chò hòp tòm bơta blac pơrlồm tòm tŭ ñô sa khat gơboh bal mơ oh mi.

II Pier 2:7

Mơ dilah Kơnràñ dong tă Lot la cau song ring, neh kơlôi moat ngan bơh bơta lơh lòt bung jang ală cau iơh bơsak dê,

I Samuel 1:14

Gen Heli đơs mơ khai lah: “Nđò jŏ ai rơp ơm bơñul ñô behơ̆ taih? Lơh rài tĕ tơrnòm bơh di ai.”