Ephesô 4:19 - Sră Goh 2018

¹⁹ Bol khai neh roh jơh bơta git wă, sang is să he tòm bơta bung jang, hàm kòñ lơh jơh ală bơta ngkòr ngkàc.

Ephesô 4:19 ပူးပေါင်းရင်းမြစ်များ

Sră Jop 15:16

Tơ ài lah dô nă cau la ngkòr ngkàc mơ jak sa loă, La cau hùc bơta tồi glài iơh bơsak be hùc dà!

Esai 56:11

Bol khai la ală so jròk sa, bol khai ò gơs tŭ lơi hòm. Bol khai la ală cau ê belàt ò gơs bơta git wă; Jơh ală bol khai lòt jat gùng is bol khai dê, kòp nă jòi cồng nha is he in, cau lơi kung behơ̆ lơm.

Jơnau Niam Jat Mak 7:22

Hàm hà, rhung rhang, lac lèo, bung jang, gar mat iơh, tràl sơrbil, pơnhừ să, sơnrang sơnrồng.

Ephesô 4:17

Behơ̆, do la bơta añ đơs mơ lơh cơng tòm Yàng lah oh mi bañ lơh lòt be làng bol bơdìh tai, jat bơta roh lơm nùs kơlôi bol khai dê;

Kôlôse 3:5

Behơ̆ tơnchơt tĕ ală pơnah să jan oh mi dê tòm ù, hơ̆ la rềs àr bơrnàn, ngkòr ngkàc, gơboh kơnhơl lềng làng, hàm kòñ bơta iơh, mơ hàm hà la bơta duh rùp ràk.

I Timôthe 4:2

bơh bơta ma blac cau đơs blac dê, ma blac cau gơs nùs tồr tul kră.

I Pier 4:3

Bơh lài òr oh mi neh sang tŭ tơngai lơh tơl ală bơta be cau làng bol bơdìh kòñ lơh, hơ̆ la kis tòm bơta bung jang, hàm kòñ jat poac să, bơñul lơmbè, sơlồng sơlàng, gơlềng gơlàng mơ duh rùp ràk cù kìr.

II Pier 2:22

Neh gơtơntus bol khai in tòm toh be jơnau pơnđik song ngan lah: “So liap wơl phan gơ neh hă; sur neh tơnum rau gen pùng wơl tòm bŏ.”

Jude 1:11

Bòl glar bol khai in! Bơh bol khai neh jat gùng Kain dê, bơh hàm kòñ cồng nha gen phi să tòm bơta tìs nrah Balaam dê, mơ kòl roh rui tòm bơta tòmdră Kôra dê.

Yal Tơlik 18:3

Bơh jơh ală làng bol neh ñô tơrnòm bơta rềs àr bơrnàn khai dê. Ală cau bơtau hơđang plai ù neh tìs glài rềs àr bơrnàn mơ khai, mơ ală cau kă bro tòm ù kơnòm di bơta lơh gơlềng gơlàng oă ir khai dê mơ gơlik pas gơs.”