Ephesô 4:15 - Sră Goh 2018

¹⁵ Mơya pal ai hwềng nùs kòñ gơboh mơ đơs jơnau song, nàng tòm jơh ală bơta bol he geh dờng tòm Bơtau lam bồ, hơ̆ la Bơtau Krist;

Ephesô 4:15 ပူးပေါင်းရင်းမြစ်များ

Đơs Crih 32:2

Lơngai cau lơi in Yàng Jehôwa ò kòp bơta iơh bơsak khai in, Mơ tòm hwềng nùs ò gơs bơta ma blac.

Sacari 8:16

Do la ală bơta bol mê pal lơh: “Đơs tĕ jơnau song bal mơ gơp, cahrña song ngan mơ lơh bơh bơta ring lơngai tòm ală tiah cahrña bol mê dê.

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Jang 1:47

Yàng Jesu gŏ Nathanael lòt tus hơ Kơnràñ gen đơs bơh khai lah: “Do la dô nă cau Israel ngan, tòm khai ò gơs bơta lac lèo lơi.”

Rôma 12:9

Nùs kòñ gơboh pal song ngan. Cù kìr tĕ di bơta iơh bơsak, mơ đềt mềr tĕ di bơta lơbơn niam.

I Kôrintô 11:3

Bulah behơ̆ añ kòñ ală oh mi git lah: Bơtau Krist la bồ kòp nă cau klau dê, mơ cau klau la bồ cau ùr dê, mơ Yàng Tom Trồ la bồ Bơtau Krist dê.

II Kôrintô 4:2

mơya bol hi neh sang lòi ală broă lơh ndơp ndơr mơ ƀàssìl ƀàsso, ò lơh bơta lac lèo, kung ò lơh dơrklài jơnau Yàng Tom Trồ dê sơl, mơya di đap Yàng Tom Trồ bol hi yal tơlik jơnau song mơ să tòm bol hi lòi nùs tồr kòp nă cau in sền sơwì.

II Kôrintô 8:8

Añ đơs bơta hơ̆ ò di be gơnoar sồr, mơya bơh krơh ngac ngar cau ndai dê, nàng lòng bơta song ngan nùs kòñ gơboh oh mi dê la be lơi.

Ephesô 1:22

Yàng Tom Trồ lơh jơh ală bơta dòn duh hơđơm jơng Bơtau Krist dê, pồ bơtào Bơtau Krist lam bồ jơh ală bơta tòm Hìu Jum Goh.

Ephesô 1:4

Lài mơ tŭ crơng gơs trồ tiah Kơnràñ neh sac rwah bol he tòm Bơtau Krist, nàng bol he in geh sàng goh, ò gơs tiah geh lah pơrhơng di đap Yàng Tom Trồ.

Ephesô 2:21

Jơh dô nơm hìu hơ̆ tơrbŏ bal tòm Kơnràñ, rhòi dờng gơlik Hìu Duh Khoai Sàng Goh Yàng dê.

Ephesô 4:25

Gen tàng, oh mi pal sang bơta ma blac, kòp nă pal đơs song mơ cau gơp ƀòn he, tài bơh bol he la pơnah să jan bal.

Ephesô 5:23

Bơh bau klau la bồ bau ùr dê, kung be Bơtau Krist la bồ Hìu Jum Goh dê, Hìu Jum Goh la să jan Bơtau Krist, mơ Kơnràñ kung la Yàng Dong Klàs Hìu Jum Goh dê.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

I Pier 2:2

Kòñ gơboh tĕ di dà toh sàng goh đah hwềng, be ală kòn dềt pa deh, tồ oh mi in kơnòm di bơta hơ̆ nàng gơlik gơs dờng mơ geh dong klàs,

II Pier 3:18

Mơya sơlo dờng tĕ tòm bơta nđàc mơ tòm bơta dòp git Yàng la Yàng Dong Klàs bol he dê la Yàng Jesu Krist. Dan bơta gơklŏ gơrê bal mơ Kơnràñ bơh do jơl sùm sùm. Amen.

I Jang 3:18

Ơ ală kòn añ jê, bañ kòñ gơboh mìng bơh jơnau đơs mơ bơh lơmpiat lơm, mơya bơh broă lơh mơ jơnau song.

Ală Kwang Cahrña 16:15

Gen Delila đơs mơ khai lah: “Mbe mê rgơi đơs lah: ‘Añ kòñ gơboh di ai,’ tòm tŭ nùs mê ò ring lơngai mơ añ? Mê neh bơrsèl añ pe dơ̆ mơ do, mơ ò yal añ in git bơta lơi neh lơh mê in gơlik pràn kơldang dờng behơ̆.”