Ephesô 4:14 - Sră Goh 2018

¹⁴ tồ bol he ò di gam be cau kơnòm tai, gơkòl pơrlồm bơh ală jơnau krơi, bơta pơlìn mơ kai lac lèo kòn mơnus dê, jat kai gơrmơ̆i tìs nrah bol khai dê, kung be càl bơtồ pơrdô ma kiau behơ̆ sơl.

Ephesô 4:14 ပူးပေါင်းရင်းမြစ်များ

Đơs Crih 10:9

Khai ơm kơp tòm tiah ndơp ndơr, be klìu triă tòm tiah ơm gơ dê; Khai kơp mòc nàng kup cau rƀah, Tòm tŭ khai hwài cau rƀah tơmut tòm bơtơng khai dê.

Đơs Crih 59:3

Tian gơs tŭ do bol khai kơp mòc bơta kis añ jê, Ală cau gơnoar pràn chồl bơchồt tòmdră di añ. Ơ Yàng Jehôwa, ò di bơh bơta tìs glài hala tồi glài añ jê,

Esai 28:9

“Ñcau khai rơp bơto bơta git wă taih? Ñcau khai rơp yal tơlik jơnau bơto sồr khai dê taih? Bơto ală kòn dềt pa sang toh, ală kòn se pa lòi pô ơ?”

Mice 7:2

Ală cau dòn song neh roh thit jơh bơh lơgar; ò gơs dô nă cau song ring lơi gam wơl. Bol khai jơh tơl nă kơp mòc nàng lơh gơhòr mhàm; kòp nă dang bơtơng kup cau ndai.

Mathiơ 11:7

Dơ̆ bol hơ̆ lik rê gen sồng Yàng Jesu đơs mơ mpồl làng bol bơh Jang lah: “Ñchi bol mê lik sền tòm ƀlàng bràs taih? Sền tòm proh gơkòl càl tơnwañ ơ?

Mathiơ 24:11

Oă cau gơnoar hwơr ma blac rơp tơlik să mơ pơrlồm oă cau.

Mathiơ 24:24

Bơh rơp gơs ală krist ma blac mơ ală cau gơnoar hwơr ma blac tơlik să mơ lơh gơlik oă bơta tềl krơi is dờng, tian gơs dilah rgơi gen kung pơrlồm ală cau geh sac rwah sơl.

Broă 23:21

Mơya dan ồng bañ lơh jat ală bol hơ̆, bơh neh gơs rlau poan jơt nă cau tòm mpồl bol hơ̆ ơm pồn mơ kơp khai; bol khai neh srat să bal lah ò sào ò hùc jơl tus di tŭ geh tơnchơt khai sồng lòi; tòm tŭ do bol hơ̆ neh rcang sir rau, gam mìng gơn ồng dòp jơnau bol khai dê lơm.”

I Kôrintô 12:2

Oh mi git lah tòm tŭ oh mi gam la cau làng bol bơdìh gen neh kòl rùp ràk ò gơs bơta kis ne hwài lòt tìs gùng.

I Kôrintô 14:20

Ơ oh mi, tòm bơta kơlôi sơnơng bañ gơs be cau kơnòm dềt; mơya tòm bơta bih khih iơh bơsak, gen gơs tĕ be kơnòm dềt, ai tòm bơta git wă gen gơs tĕ be cau dờng.

I Kôrintô 3:19

Bơh bơta jak chài dunnia dê gơwèt mơ Yàng Tom Trồ la tùl gơla. Be Sră Goh neh cih lah: “Kơnràñ kup ală cau jak chài tòm bơta lac lèo bol khai dê.”

II Kôrintô 2:17

Bol hi ò di ai jơnau Yàng Tom Trồ mơ lơh cồng nha is he in be oă cau ndai, mơya bol hi ai nùs song ngan bơh Yàng Tom Trồ mơ bơto yal jơnau hơ̆ di đap Yàng Tom Trồ tòm Bơtau Krist.

II Kôrintô 4:2

mơya bol hi neh sang lòi ală broă lơh ndơp ndơr mơ ƀàssìl ƀàsso, ò lơh bơta lac lèo, kung ò lơh dơrklài jơnau Yàng Tom Trồ dê sơl, mơya di đap Yàng Tom Trồ bol hi yal tơlik jơnau song mơ să tòm bol hi lòi nùs tồr kòp nă cau in sền sơwì.

Galati 3:1

Ơ cau Galati tùl gơla ne, ñcau neh juh bơklah oh mi taih? Hơ̆ la cau mơ di đap mat neh geh ràng tơlik loh làng Yàng Jesu Krist kong pơng di chi pơng taih?

Ephesô 6:11

Mă àñ tĕ jơh ală phan tòmlơh Yàng Tom Trồ dê, tồ oh mi in rgơi ntào jai nàng tòmdră mơ ală kai gơrmơ̆i cà ràk dê.

I Timôthe 3:6

Cau pa dòn jat ò di lơh gơs cau gơnoar bơto, rngòt khai jòng is să he mơ dùh tòm bơta lơh glài jàm lòi cà ràk in mòn.

II Timôthe 1:15

Mê git lah jơh ală cau ơm tòm lơgar Asi sang lòi añ; tòm mpồl hơ̆ gơs Phigelus mơ Hermôgen.

II Timôthe 3:13

Mơya ală cau iơh bơsak mơ cau ma blac gen sơlo gơlik iơh tai, pơrlồm cau ndai mơ bol khai kung kòl cau ndai pơrlồm sơl.

II Timôthe 4:3

Bơh tŭ tơngai rơp tus mơ cau ò bài iat bơta bơto sồr jơnau song; mơya bơh bol khai kòñ iat jơnau bơkah tồr, gen rơp jat nùs hàm kòñ is he dê mơ pơjum ală cau bơto ơm gùt dar he,

Hebrơ 13:9

Bañ lòi ală bơta bơto sồr krơi ndai cèng pơrdô oh mi. Hơ̆ la niam tồ dòp geh nùs kơ̆ wền kơnòm di bơta nđàc Yàng Tom Trồ dê, ò di kơnòm di bơta sồr lam bơh phan sa, la bơta ò kwơ ală cau in jat bơta hơ̆.

Jakơ 1:6

Mơya pal ai bơta dòn mơ dan, bañ pin dô êt lơi, bơh cau lơi pin gen khai gơlơh be ryà dàlềng gơkòl càl khồm pơrdô tềng do tềng dă.

Jakơ 3:4

Sền tĕ di ală ơhò dờng, bulah gơ dờng kàr lơi mơ kòl càl dờng khồm pơrdô, mơya dô nơm tiang tơrwơl dềt ngan kung rgơi lam gơ jat nùs kòñ cau at bồ ơhò dê.

II Pier 2:18

Bol khai đơs ală jơnau blac pơrlồm nàng jòng să, ngui ală bơta hàm kòñ is poac să dê mơ bơta bung jang nàng pơndòm ơniai ală cau pa klàs bơh di ală cau lơh lòt tìs nrah.

I Jang 2:19

Bol khai neh bơh digùl bol he mơ lik, mơya ò di bal mơ bol he; bơh dilah bol khai bal mơ bol he, gen neh kư̆ ơm bal mơ bol he; mơya bol khai neh lik lòt tồ yal tơlik lah jơh ală bol khai ò di bal mơ bol he.

I Jang 2:26

Añ cih bol mê in bơta do la sơnio bơh ală cau kòñ pơrlồm bol mê.

I Jang 4:1

Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.

Jude 1:12

Ală cau hơ̆ la tềl ƀơ̆ ƀơl tòm bơta pơjum sa kòñ gơboh oh mi dê, bol khai kư̆ ñô sa rui ràm khat gơboh bal mơ gơp dô bă ò rngòt, bol khai mìng siam is să he; bol khai kung be mhwal ò gơs dà, jat càl pơrdô tềng do tềng dă; kung be chi di di kơnhai plai mơya gơ ò gơs plai, bàr dơ̆ chơt, gơlừ ryas.

Yal Tơlik 19:20

Phan poan jơng kòl kup bal mơ cau gơnoar hwơr ma blac la cau neh lơh ală tềl krơi di đap gơ, nàng pơrlồm ală cau neh dòp tềl phan poan jơng dê mơ ală cau duh khoai rùp gơ; bàr nă bol khai gam kis mơ kong sơrbì tòm brong ồs hơng mơ siau.