Ephesô 4:11 - Sră Goh 2018

¹¹ Kơnràñ ai cau do in gơs cau gơnoar bơto dờng, cau ne gơs cau gơnoar hwơr, cau ƀà gơs cau bơto yal Jơnau Niam, cau ƀà tai gơs cau gơnoar bơto mơ cau bơto,

Ephesô 4:11 ပူးပေါင်းရင်းမြစ်များ

II Yal Yau 15:3

Neh jŏ rau Israel kis ò gơs Yàng Tom Trồ song ngan, ò gơs dô nă cau gơnoar ơn phan duh khoai la cau bơto, mơ ò gơs bơta boh lam.

Jeremi 3:15

Añ rơp ai bol mê in ală cau ê gàr jat nùs kòñ Añ jê, la ală cau rơp ai bơta àng loh jak chài mơ ròng siam bol mê.”

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Broă 13:1

Tòm Hìu Jum Goh Antiôt gơs ală cau gơnoar hwơr mơ ală cau bơto; hơ̆ la Banaba, Simeôn sơnđan la Nije, Lusius cau Siren, Manahen la oh ròng Herôt bơtau oh dê, mơ Sol sơl.

Broă 20:28

Oh mi kơrmap gàr tĕ să he bal mơ mpồl belàt mơ Yàng Hwềng Goh neh bơtào oh mi lơh gơs cau sền gàr, nàng ê gàr Hìu Jum Goh Yàng Tom Trồ dê mơ Kơnràñ neh rwat mơ mhàm Kòn Kơnràñ dê.

Broă 21:8

Ngai tơnơ̆, bol hi bơh tềng hơ̆ lòt tai, tus hơ Sesare, mut tòm hìu Philip la cau bơto yal Jơnau Niam, la dô nă tòm poh nă cau dong gàr hìu jum Jerusalem, mơ ơm mơ khai.

Rôma 12:7

cau lơi duh broă, gen jơh nùs tĕ duh broă; cau lơi bơto sồr, gen jơh nùs tĕ bơto sồr;

I Kôrintô 12:4

Gơs ală bơta ai gòi ò di la ndròm bal, mơya gơs mìng dô nă Yàng Hwềng.

Ephesô 2:20

Oh mi kung geh bơt bơtào hơđang mơnàng ală cau gơnoar bơto dờng mơ ală cau gơnoar hwơr dê, să tòm Yàng Krist Jesu la lŭ mum hìu.

Ephesô 3:5

tòm ală rài yau òhềt geh yal tơlik jơi kòn mơnus in git ală bơta ndơp ndơr, mơya tŭ do Yàng Tom Trồ neh kơnòm dê Yàng Hwềng yal tơlik ală cau gơnoar bơto dờng mơ ală cau gơnoar hwơr sàng goh Kơnràñ in.

Ephesô 4:8

Be Sră Goh neh đơs lah: “Tòm tŭ Kơnràñ guh hơđang jòng, gen tề lam ală cau kòl jàm, Mơ ai bơta ai gòi kòn mơnus in.”

II Timôthe 4:5

Mơya mê git kơrhia tĕ tòm jơh ală bơta, kong bòl glar, lơh broă cau bơto yal Jơnau Niam dê, lơh dô bă wil tơl gơnoar broă mê dê.

Hebrơ 5:12

Pal ngan, tŭ do oh mi neh gơlik gơs cau bơto rau, mơya tŭ do oh mi gam kơnòm di cau bơto sồr oh mi ală bơta ƀă liă bơh jơnau Yàng Tom Trồ dê, mơ oh mi gam la cau pal càng dà toh, ò di la phan sa kơldang.

Jude 1:17

Mơya, ơ ală oh mi kòñ gơboh, kah tĕ jơnau ală cau gơnoar bơto dờng Yàng Jesu Krist dê neh đơs lài.

Yal Tơlik 18:20

Ơ trồ, ơ ală cau sàng goh, ală cau gơnoar bơto dờng, mơ ală cau gơnoar hwơr, hòn chò tĕ bơh khai, tài bơh Yàng Tom Trồ neh sal tê di khai bol mê in rau!”

Yal Tơlik 21:14

Dơrñang ƀòn hơ̆ gơs jơt bàr nơm lŭ lơh gơs mơnàng, di ală lŭ hơ̆ gơs sơnđan jơt bàr nă cau gơnoar bơto dờng Belàt Kòn dê.