Ephesô 3:9 - Sră Goh 2018

⁹ mơ lơh jơh tơl nă cau in git loh bơh bơta rơndap broă ndơp ndơr dê, neh pồn ndơp bơh ală rài yau tòm Yàng Tom Trồ la Bơtau crơng gơs jơh ală phan.

Ephesô 3:9 ပူးပေါင်းရင်းမြစ်များ

Đơs Crih 33:6

Ală tap trồ neh geh lơh gơs bơh jơnau Yàng Jehôwa dê, Jơh ală mpồl ling hơđang trồ neh geh lơh gơs bơh nhơm khồm bơh bơr Kơnràñ dê.

Esai 44:24

Yàng Jehôwa la Bơtau Dong Tơwài mê dê la Bơtau neh lơh gơs mê bơh tòm kơndul mè, đơs be do: “Añ la Yàng Jehôwa, la Bơtau neh lơh gơlik gơs jơh ală phan, mìng dô nă Añ neh lì ală tap trồ, mìng dô nă Añ neh lă plai ù.

Mathiơ 10:27

Jơnau Añ đơs mơ bol mê tòm tiah jơngo, sơnio yal tĕ tòm tiah àng; jơnau bol mê kơno cau đơs chều, yal tơlik tĕ hơđang rkàng hìu.

Mathiơ 13:35

nàng gơlik di ngan be jơnau cau gơnoar hwơr đơs lah: “Añ rơp pò bơr mơ đơs pơnyơu, Añ rơp yal tơlik ală bơta neh pồn bơh tŭ crơng gơs trồ tiah.”

Mathiơ 25:34

Tŭ hơ̆ Bơtau rơp đơs mơ ală cau ơm đah ma lah: ‘Ơ ală cau geh lơngai bơh di Bèp añ jê, tus tĕ pơrdòn lơgar neh rcang sir bol mê in bơh tŭ crơng gơs trồ tiah.

Mathiơ 28:19

Behơ̆, lòt tĕ lơh jơh ală làng bol in gơlik gơs cau bơtê Añ jê, ai sơnđan tĕ Yàng Bèp, Yàng Kòn mơ Yàng Hwềng Goh, lơh ƀaptem bol khai in.

Luka 24:47

mơ cau pal ai sơnđan Kơnràñ mơ bơto yal bơta gơjrañ sang glài mơ bơta toh glài jơh ală làng bol in, rơp sơntòm bơh Jerusalem.

Jang 10:30

Añ mơ Bèp la dùl.”

Jang 5:17

Mơya Yàng Jesu ho bol khai lah: “Bèp Añ lơh broă tus di tŭ do, mơ Añ kung lơh broă behơ̆ sơl.”

Jang 5:19

Behơ̆, Yàng Jesu đơs mơ bol khai lah: “Di ngan, di ngan, Añ đơs mơ bol mê, Kòn ò rgơi lơh is bơta lơi, mìng lơh bơta Kòn gŏ Bèp lơh; bơh bơta lơi Bèp lơh gen Kòn kung lơh behơ̆ sơl.

Broă 15:18

Hơ̆ la ală broă neh git bơh tŭ jŏ jòng bơh rài yau.’

Rôma 11:25

Ơ oh mi, añ kòñ oh mi git bơta ndơp ndơr do, nàng oh mi ò jòng să he la cau jak chài: hơ̆ la dô pơnah làng bol Israel kư̆ kơldang nùs sùm, jơl tus di tŭ lơi ntum khà làng bol bơdìh wil tơl lòt tus hơ Yàng Tom Trồ;

I Kôrintô 2:7

mơya bol hi bơto yal bơta jak chài, ndơp ndơr neh geh Yàng Tom Trồ pồn ndơp, hơ̆ la bơta neh geh Yàng Tom Trồ lơh nền lài ală rài in nàng ai bơta gơklŏ bol he in.

Ephesô 1:4

Lài mơ tŭ crơng gơs trồ tiah Kơnràñ neh sac rwah bol he tòm Bơtau Krist, nàng bol he in geh sàng goh, ò gơs tiah geh lah pơrhơng di đap Yàng Tom Trồ.

Ephesô 3:2

ngan oh mi neh kơno bơh gơnoar broă bơta nđàc Yàng Tom Trồ dê neh jào añ in nàng duh broă oh mi,

Ephesô 6:19

Kung hòi dan tĕ añ in, nàng añ in gơs bơta chài đơs, khin cha pò bơr nàng yal tơlik bơta ndơp ndơr Jơnau Niam dê.

Kôlôse 1:23

Mìng la oh mi kư̆ ơm tòm bơta dòn, kơ̆ cê, ò gơlơnggac lơnggơr, ò gơtơrđeh bơh bơta gơn kơnòm tòm Jơnau Niam mơ oh mi neh kơno, gơ neh geh bơto yal digùl jơh ală làng bol hơđơm trồ; să tòm añ la Pol kung neh geh lơh gơs cau gơnoar duh broă Jơnau Niam hơ̆ dê.

Kôlôse 1:26

hơ̆ la jơnau ndơp ndơr neh pồn ndơp bơh tòm ală rài mơ ală jơi bơtiàn, mơya tŭ do neh geh yal tơlik ală cau sàng goh Kơnràñ in.

Kôlôse 3:3

Bơh oh mi neh chơt, bơta kis oh mi dê neh pồn bal mơ Bơtau Krist tòm Yàng Tom Trồ.

Kôlôse 4:3

Kung hòi dan tĕ bol hi in, dan Yàng Tom Trồ pò bol hi in dô nơm mpồng bơto jơnau Yàng, nàng bơto jơnau ndơp ndơr Bơtau Krist dê, kung bơh jơnau hơ̆ mơ añ kòl kơt mơ che sreng,

II Tesalônika 2:13

Ơ oh mi kòñ gơboh Yàng dê, bol hi pal bơh oh mi mơ ưnngài Yàng Tom Trồ sùm sùm tài bơh Yàng Tom Trồ neh sac rwah oh mi, bơh sơnròp nàng oh mi geh dong klàs tòm bơta gơlik gơs sàng goh bơh Yàng Hwềng mơ bơh bơta dòn jơnau song.

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

II Timôthe 1:9

Hơ̆ la Bơtau neh dong klàs bol he, neh hòi sac bol he mơ bơta hòi sac sàng goh, ò di jat broă lơh bol he dê, mơya jat nùs kòñ Kơnràñ neh lơh nền, mơ bơta nđàc neh ai bol he in tòm Yàng Krist Jesu lài mơ tŭ òhềt gơs trồ tiah,

II Timôthe 4:17

Mơya Yàng neh ơm dô đah bal mơ añ mơ bơtơl pràn añ in, tồ bơh añ mơ Jơnau Niam geh bơto yal wil tơl, nàng jơh ală cau làng bol bơdìh geh kơno; behơ̆ añ neh geh dong tă bơh di bơr klìu triă.

Sră Pơyoa Pol Dê Pơyoa Tit In 1:2

tòm bơta gơn kơnòm bơh bơta kis gam sùm sùm. Hơ̆ la bơta kis mơ Yàng Tom Trồ, la Bơtau ò tŭ lơi đơs blac, neh ho pơgon bơh lài mơ tŭ òhềt gơs trồ tiah,

I Pier 1:20

Kơnràñ neh geh lơh nền lài mơ tŭ crơng gơs trồ tiah, mơya tus di tŭ tơngai lồi dut do sồng geh ràng tơlik tài bơh ală oh mi.

Yal Tơlik 13:8

Jơh ală cau ơm tòm plai ù rơp duh khoai gơ, hơ̆ la ală cau lài mơ tŭ òhềt crơng gơs trồ tiah sơnđan mat bol khai ò geh cih tòm sră bơta kis Belàt Kòn dê neh kong chơt.

Yal Tơlik 14:6

Chòp añ gŏ dô nă cau gơnrơh ndai par digùl trồ, gơs Jơnau Niam gam sùm sùm nàng bơto yal ală cau ơm tòm plai ù, hơ̆ la jơh ală lơgar, jơi bơtiàn, jơnau đơs mơ làng bol.

Yal Tơlik 17:8

Phan poan jơng mê neh gŏ hơ̆, lài neh gơs, tŭ do ò gơs, mơ gơ rơp guh bơh tòm brong jrô hùt hung mơ lòt tus hơ tiah roh rui. Ală cau ơm hơđang plai ù mơ sơnđan mat bol khai ò gơs cih tòm sră bơta kis bơh dê tŭ crơng gơs trồ tiah, dơ̆ bol khai gŏ phan poan jơng gen bol khai rơp ai lơh krơi, tài bơh lài gơ neh gơs, tŭ do ò gơs, mơ tơnơ̆ rơp tus tai.

Yal Tơlik 4:11

“Khoai Yàng la Yàng Tom Trồ bol he dê, Kơnràñ di pal dòp geh bơta gơklŏ, bơta ryŭ ryơm mơ gơnap gơnoar, Bơh Kơnràñ neh crơng gơs jơh ală phan, Mơ tài bơh nùs kòñ Kơnràñ dê gen ală phan hơ̆ neh gơlik gơs mơ geh crơng gơs.”