Ephesô 3:8 - Sră Goh 2018

⁸ Añ la cau dềt rlau jơh tòm ală cau sàng goh; bulah behơ̆ Kơnràñ neh ai añ in bơta nđàc hơ̆, nàng añ bơto yal làng bol bơdìh in bơta pas gơs ò git lơh Bơtau Krist dê,

Ephesô 3:8 ပူးပေါင်းရင်းမြစ်များ

I Yal Yau 17:16

Gen Dabit mut mơ nggui di đap Yàng Jehôwa mơ đơs lah: “Ơ Yàng Jehôwa, añ la ñcau mơ hìu nhă añ la ñchi mơ Kơnràñ neh lam añ tus di ngai do?

Đơs Crih 31:19

Nùs niam Yàng dê la dờng ngan ò git lơh, La nùs niam mơ Yàng neh prap lòi ală cau in duh rngòt di Yàng, Mơ Kơnràñ bơtào kơ̆ ală cau in kìng crŭ să he tòm Yàng, di đap mat jơh tơl nă cau.

Luka 14:22

Tŭ hơ̆ mo cau dĭ yal lah: ‘Ơ cau tòm, bơta ồng neh sồr, añ neh lơh sir rau, mơya gam gơs tiah.’

Jang 1:16

Bơh tòm bơta lìu làc Kơnràñ dê, jơh ală bol he neh dòp geh bơta nđàc bơtơl hơđang bơta nđàc.

Broă 5:41

Behơ̆ ală cau gơnoar bơto dờng lik rê bơh di Mpồl Kwang Tơrña, hòn chò bơh geh kòp la di pal neh kong bơtat bơtròh bơh sơnđan Yàng Jesu.

Broă 9:15

Mơya Yàng đơs lah: “Lòt tĕ, bơh khai la dô nơm phan ngui Añ neh sac rwah nàng cèng sơnđan Añ di đap ală làng bol bơdìh, ală cau bơtau mơ ală kòn sau Israel dê.

Rôma 11:33

Ô! Jrô ndơp ngan ală bơta pas gơs, bơta jak chài mơ bơta git jak Yàng Tom Trồ dê! Ală bơta lơh nền Kơnràñ dê ñcau rgơi ràng tơlik! Gùng dà Kơnràñ dê ñcau rgơi git wă!

Rôma 12:10

Kòñ gơboh tĕ duh hul bal mơ gơp be oh mi tòm Yàng, jơh nùs sền tĕ màng ryŭ bal mơ gơp.

Rôma 2:4

Hala mê sền òsơp nùs lơbơn niam, jak toh glài mơ kong ơt Kơnràñ dê ơ? Mơ mê ò git nùs lơbơn niam Yàng Tom Trồ dê lam mê lòt tus hơ bơta gơjrañ sang glài ò ơ?

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

I Kôrintô 15:9

Bơh añ la dềt rlau jơh tòm ală cau gơnoar bơto dờng, ò di pal sơnđan la cau gơnoar bơto dờng, tài bơh añ neh kup kơryan Hìu Jum Goh Yàng Tom Trồ dê.

I Kôrintô 2:9

Mơya kung be Jơnau neh cih lah: “Ală bơta mat òhềt gŏ, tồr òhềt kơno, Mơ nùs kòn mơnus òhềt kơlôi, Gen Yàng Tom Trồ neh rcang lài ală bơta hơ̆ ală cau in kòñ gơboh di Kơnràñ.”

Galati 1:16

mơ niam nùs yal tơlik Kòn Kơnràñ dê tòm añ, tồ añ in bơto yal bơh Kòn hơ̆ digùl làng bol bơdìh, gen añ ò càng bơyai mơ cau lơi.

Galati 2:8

(bơh gơnap gơnoar Yàng Tom Trồ dê neh lơh broă tòm Pier nàng khai lơh gơs cau gơnoar bơto dờng ală cau siat gơltau in, kung lơh broă tòm añ sơl nàng añ lơh gơs cau gơnoar bơto dờng làng bol bơdìh in),

Ephesô 2:7

tồ tòm ală rài tơnơ̆, Kơnràñ rgơi yal tơlik bơta nđàc dờng ơnàng ò git lơh Kơnràñ dê tòm bơta kơ̆ dơn gơwèt mơ bol he tòm Yàng Krist Jesu.

Ephesô 3:1

Tài bơh hơ̆, añ la Pol, lơh gơs cau ơm jàm Yàng Jesu Krist dê tài bơh oh mi la cau làng bol bơdìh,

Ephesô 3:16

Añ dan Kơnràñ jat be bơta gơklŏ crih crài Kơnràñ dê, kơnòm di Yàng Hwềng Kơnràñ dê bơh gơnap gơnoar mơ ai gòi oh mi in gơs pràn kơldang tòm cau đah dơlam,

Ephesô 3:19

mơ geh git bơta kòñ gơboh Bơtau Krist dê la rlau mơ bơta git wă, tồ oh mi in geh bềng lìu bơta bềng tơl Yàng Tom Trồ dê.

Ephesô 3:2

ngan oh mi neh kơno bơh gơnoar broă bơta nđàc Yàng Tom Trồ dê neh jào añ in nàng duh broă oh mi,

Philip 2:3

Bañ lơh bơta lơi bơh nùs sềt pơniă hala bơh bơta gơklŏ ò kwơ, mơya pìn pơndêt tĕ să, kòp nă sền cau ndai la dờng màng rlau mơ he.

Philip 4:19

Yàng Tom Trồ añ jê rơp ai oh mi in ală bơta oh mi pal càng, jat be bơta pas gơs bơta gơklŏ Kơnràñ dê tòm Yàng Krist Jesu.

Kôlôse 1:27

Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê.

I Timôthe 1:13

bulah lài òr añ la cau tràl sơrbil, kup kơryan, jàñ bơsak, mơya añ neh geh Yàng kòñ nđàc, tài bơh añ neh lơh ală bơta hơ̆ tòm tŭ añ gam bơrngơl gơla òhềt dòn.

I Timôthe 1:15

Yàng Krist Jesu neh tus tòm dunnia nàng dong klàs cau glài, hơ̆ la jơnau nền cê ngan pal dòn dòp wil tơl; tòm ală cau glài hơ̆ añ la cau glài kơnjơ̆ rlau jơh.

I Timôthe 2:7

Tài bơh cơng tàng hơ̆, añ neh geh bơtào lơh gơs cau bơto Jơnau Niam mơ cau gơnoar bơto dờng, añ đơs song, ò đơs blac, lơh gơs cau bơto làng bol bơdìh in bơh bơta dòn mơ jơnau song.

II Timôthe 1:11

Bơh Jơnau Niam hơ̆ tàng añ neh geh pồ bơtào lơh gơs cau bơto Jơnau Niam, cau gơnoar bơto dờng mơ cau bơto;

Yal Tơlik 3:18

Behơ̆ Añ bơto tơngkah mê rwat tĕ màh Añ jê neh ryă tòm ồs, tồ mê in gơlik gơs pas sơm; rwat ală ào bò, tồ mê in soh nàng jơm ndơp bơta ƀàssìl bơh bơta ơm kuh lòi rồ mê dê; mơ rwat sơnơm nàng bong di mat tồ mê gŏ.