Ephesô 3:20 - Sră Goh 2018

²⁰ Tŭ do gơwèt hơ Kơnràñ la Bơtau bơh gơnap gơnoar lơh broă tòm bol he, rgơi lơh tơngkah tơngkañ oă rlau mơ ală bơta bol he hòi dan mơ kơlôi sơnơng,

Ephesô 3:20 ပူးပေါင်းရင်းမြစ်များ

Sơnròp Gơlik Gơs 17:1

Tòm tŭ Abram neh tơl sin jơt sin nam, gen Yàng Jehôwa tơlik mat mơ khai mơ đơs lah: “Añ la Yàng Tom Trồ Gơnap Gơnoar Làm Jơh, mê lòt tĕ di đap Añ mơ lơh gơs dô nă cau wil tơl.

Sơnròp Gơlik Gơs 18:4

Añ dan ală ồng ai gơnoar cau in ai dô êt dà rào jơng ală ồng in, mơ dan ală ồng rlô di tòm chi do.

II Samuel 7:19

Bulah behơ̆, hơ̆ la dô bơta dềt rhền di đap mat Yàng; khoai Jehôwa Yàng Tom Trồ, Yàng kung neh đơs bơh hìu cau duh broă Yàng dê bơh ală ngai jŏ jòng rơp tus. Khoai Jehôwa Yàng Tom Trồ, dan jơnau bơto sồr do gơlik gơs làng bol in.

I Ală Bơtau 3:13

Añ kung rơp ai mê in ală bơta mê ò dan, hơ̆ la bơta pas gơs mơ bơta ryŭ ryơm tòm jơh rài kis mê dê, rơp ò gơs bơtau lơi ndai pơndròm mơ mê.

II Yal Yau 25:9

Amajiah lùp cau Yàng Tom Trồ dê lah: “Mơya mbe kòñ lơh bơh dô rhiang talơng mơ añ neh tơm mpồl ling Israel in taih?” Cau Yàng Tom Trồ dê ho lah: “Yàng Jehôwa rgơi ai bơtau in gơs oă rlau mơ hơ̆.”

II Yal Yau 9:12

Bơtau Salômôn ai bơtau ùr Seba in jơh ală bơta lơi khai kòñ dan, oă rlau mơ ală phan mò cèng ai bơtau Salômôn in. Gen mò lik rê hơ lơgar tòm khai dê bal mơ ală dĭ gơna khai dê.

Lik Ejiptơ 34:6

Mơ Kơnràñ lòt gan di đap Môise, mơ yal lah: “Jehôwa! Jehôwa! La Yàng Tom Trồ nđàc sơngit mơ kòñ nđàc, òbat gơhào gơjrañ, tơngkah tơngkañ nùs kòñ gơboh kơ̆ dơn mơ dòn song,

Đơs Chò 5:1

Ơ oh ùr añ, bau ùr pa añ jê, añ neh mut tòm suơn añ rau! Añ neh pic tơrgòm cài trŭ mơ chi ƀô bơlhu añ jê, Añ sa sìng lơwe mơ dà lơwe añ jê, añ ñô tơrnòm mơ dà toh añ jê. Ơ ală cau bơyô, sa tĕ; ơ ală cau bơyô đềt mềr, ñô bơñul tĕ bơta kòñ gơboh!

Esai 35:2

Gơcat bơkào lìu làc mơ hòn chò mơ chò hòp đơs chò. Bơta gơklŏ Liban dê rơp geh ai gơ in, bơta ryŭ ryơm Karmel mơ Sarôn dê; bol gơ rơp gŏ bơta gơklŏ Yàng Jehôwa dê, mơ bơta ryŭ ryơm Yàng Tom Trồ bol he dê.

Esai 55:7

Lòi tĕ cau iơh bơsak sang lòi gùng dà khai dê, mơ lòi tĕ ală cau kơlôi sơnơng ală bơta ò song ring rê wơl hơ Yàng Jehôwa, Kơnràñ rơp nđàc sơngit di bol khai, mơ rê wơl hơ Yàng Tom Trồ bol he dê, bơh Kơnràñ rơp toh glài dờng ơnàng.

Jeremi 32:17

‘Khoai Yàng Jehôwa, Kơnràñ neh ngui gơnap gơnoar dờng làm jơh mơ pò tơlik tơwòr Kơnràñ dê mơ crơng gơs ală tap trồ mơ tiah; ò gơs bơta lơi la kalke Kơnràñ in.

Jeremi 32:27

“Do, Añ la Jehôwa, Yàng Tom Trồ ală jơi poac să dê; gơs bơta lơi kalke Añ in sơl ơ?

Daniel 3:17

Dilah bơtau sơrbì bol hi tòm bơnhă ồs hơng, gen ơ bơtau; Yàng Tom Trồ la Bơtau bol hi duh broă geh gơnoar dong bol hi klàs bơh hơ̆ mơ bơh di tê bơtau.

Daniel 6:20

Tòm tŭ bơtau tus rềp di wàng klìu, khai ai sap moat jrùng ngan mơ hòi Daniel lah: “Ơ Daniel, cau duh broă Yàng Tom Trồ gam kis sùm sùm dê, Yàng Tom Trồ mơ mê òs duh broă sùm rgơi dong tă mê bơh di klìu triă sơl?”

Mathiơ 3:9

Bañ khin đơs is lah: ‘Gơs Abraham la ồng pàng bol he dê.’ Bơh añ đơs mơ bol mê, Yàng Tom Trồ rgơi lơh ală lŭ do in gơlik gơs kòn sau Abraham dê.

Jang 10:10

Cau kơñau mìng tus nàng kơñau, hàl mơ tơnroh; ai Añ neh tus tồ belàt in geh bơta kis mơ bơta kis tơngkah tơngkañ.

Rôma 16:25

Jòng ro Yàng Tom Trồ gơs gơnoar lơh kơ̆ nền bơta dòn oh mi dê, jat Jơnau Niam añ bơto yal bơh Yàng Jesu Krist, jat bơta yal tơlik bơta ndơp ndơr la jơnau song, la bơta neh pồn ndơp tòm ală rài yau òr,

Rôma 4:21

bơh ồng dòn nền ngan lah bơta lơi Yàng Tom Trồ neh ho pơgon, gen Kơnràñ kung gơs gơnoar lơh gơs bơta hơ̆.

I Kôrintô 2:9

Mơya kung be Jơnau neh cih lah: “Ală bơta mat òhềt gŏ, tồr òhềt kơno, Mơ nùs kòn mơnus òhềt kơlôi, Gen Yàng Tom Trồ neh rcang lài ală bơta hơ̆ ală cau in kòñ gơboh di Kơnràñ.”

II Kôrintô 9:8

Yàng Tom Trồ gơs gơnoar ai jơh ală bơta lơngai lơngò tơngkah tơngkañ hơđang oh mi, tồ oh mi in geh tơl ală bơta pal càng, mơ gam gơs tơngkah tơngkañ nàng lơh jơh ală broă niam.

Ephesô 1:19

mơ git gơnap gơnoar Kơnràñ dê la dờng ngan ò git lơh gơwèt mơ bol he la cau dòn, jat be bơta yal tơlik bơh bơta pràn kơldang mơ gơnoar pràn Kơnràñ dê.

Ephesô 3:7

Ai añ neh geh lơh gơs cau gơnoar duh broă Jơnau Niam hơ̆ dê, jat be bơta nđàc ai gòi Yàng Tom Trồ dê, mơ Kơnràñ neh ai añ in jat bơta lơh broă gơnap gơnoar Kơnràñ dê.

Kôlôse 1:29

Kung bơh bơta hơ̆ mơ añ kong bòl glar lơh broă, tòmlơh jơh nùs kơnòm di pràn Kơnràñ dê mơ Kơnràñ lơh broă tòm añ dô bă gơs gơnap gơnoar.

I Timôthe 1:14

Mơ bơta nđàc Yàng bol he dê neh tơngkah tơngkañ oă ngan bal mơ bơta dòn mơ bơta kòñ gơboh tòm Yàng Krist Jesu.

Hebrơ 11:19

Khai dòn lah Yàng Tom Trồ gơs gơnap gơnoar rgơi lơh cau chơt in kis wơl, kung ndròm be khai dòp geh wơl kòn khai dê bơh bơta chơt.

Hebrơ 7:25

Tài bơh hơ̆, tàng Kơnràñ rgơi dong klàs wil tơl ală cau kơnòm di Kơnràñ mơ lòt tus rềp hơ Yàng Tom Trồ, bơh Kơnràñ gam kis sùm sùm nàng hòi dan ala bol khai in.

Jakơ 4:12

Gơs mìng dô Bơtau bơtào gơs bơta boh lam, mơ cahrña, hơ̆ la Bơtau rgơi dong klàs mơ rgơi tơnroh. Ai mê la ñcau mơ khin cahrña dê cau gơp ƀòn he taih?

II Pier 1:11

Behơ̆ oh mi rơp geh ai mut dô bă dờng ơnàng tòm lơgar gam sùm sùm Yàng dê mơ Yàng Dong Klàs bol he dê la Yàng Jesu Krist.

Jude 1:24

Mơ tai, dan Bơtau rgơi ê sền gàr oh mi klàs bơh bơta gơtup tìs, mơ tơlik mat oh mi ntào di đap bơta gơklŏ Kơnràñ dê, dô bă ò tềl sồt mơ hòn chò ò git lơh,