Ephesô 3:18 - Sră Goh 2018

¹⁸ Añ dan oh mi bal mơ jơh ală cau sàng goh rgơi git wă bơta ơnàng, bơta jòng, bơta jơnhoa, bơta jrô bơta kòñ gơboh Bơtau Krist dê la mbe lơi,

Ephesô 3:18 ပူးပေါင်းရင်းမြစ်များ

II Yal Yau 6:41

Ơ Jehôwa Yàng Tom Trồ, dan guh Lòt tus hơ tiah ơm rlô Kơnràñ dê, Kơnràñ mơ Đài Bơta Ho Bal gơnoar pràn Kơnràñ dê. Ơ Jehôwa Yàng Tom Trồ, dan ală cau gơnoar ơn phan duh khoai Kơnràñ dê geh tơnsoh bơh bơta dong klàs, mơ ală cau dòn song Kơnràñ dê hòn chò tòm bơta lơbơn niam Kơnràñ dê.

Đơs Crih 103:17

Mơya bơta kòñ gơboh kơ̆ dơn Yàng Jehôwa dê gam sùm sùm Gơwèt mơ ală cau duh rngòt di Kơnràñ, Mơ bơta song ring Kơnràñ dê gam sùm sùm gơwèt mơ sau set bol khai dê.

Đơs Crih 116:15

Bơta chơt ală cau sàng goh Yàng Jehôwa dê La dờng màng di đap Kơnràñ.

Đơs Crih 132:9

Lòi ală cau gơnoar ơn phan duh khoai Yàng dê geh soh mơ bơta song ring, Mơ lòi ală cau dòn song Kơnràñ dê driau bơh hòn chò.

Đơs Crih 139:6

Bơta git wă hơ̆ la crih crài ir añ in, La jơnhoa ngan tian gơs añ ò rgơi wă wơng.

Đơs Crih 145:10

Ơ Yàng Jehôwa, jơh ală broă lơh Kơnràñ dê rơp ưnngài Kơnràñ, Mơ jơh ală cau sàng goh Kơnràñ dê rơp jòng ro Kơnràñ.

Esai 55:9

“Bơh be ală tap trồ la jơnhoa rlau mơ plai ù kàr lơi, gen ală gùng dà Añ jê la jơnhoa rlau mơ ală gùng dà bol mê dê, mơ ală bơta kơlôi sơnơng Añ jê kung jơnhoa rlau mơ ală bơta kơlôi sơnơng bol mê dê kàr hơ̆ sơl.

Sacari 14:5

Bol mê rơp dô tòm thòng mơnơm Añ jê, bơh thòng digùl ală mơnơm rơp lòt ngài tus Ajal. Bol mê rơp dô kung be neh dô bơh bơta gơlơnggơr ù tòm ală ngai Ôsia dê la bơtau Juda. Gen Jehôwa Yàng Tom Trồ añ jê rơp tus, mơ jơh ală cau sàng goh tus bal mơ Kơnràñ.

Jang 15:13

Ò gơs bơta kòñ gơboh lơi dờng rlau mơ bơta kòñ gơboh bơh bơyô he mơ phi bơta kis he.

Rôma 10:3

Bơh bol khai ò dòp git bơta song ring Yàng Tom Trồ ai, mơ jòi bơtào bơta song ring is he dê, gen tàng ò bài dòn duh bơta song ring Yàng Tom Trồ dê;

II Kôrintô 13:13

Dan bơta nđàc Yàng Jesu Krist dê, bơta kòñ gơboh Yàng Tom Trồ dê, mơ bơta gơtòmklac bal Yàng Hwềng Goh dê ơm bal mơ jơh tơl nă oh mi. Amen.

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

Galati 3:13

Bơtau Krist neh tơwài bol he lik klàs bơh bơta srat sơntơm bơta boh lam dê, Kơnràñ neh tài bơh bol he mơ gơlik gơs bơta srat sơntơm, bơh neh cih lah: “Pal srat ngan di cau lơi kong yồng hơđang chi pơng,”

Ephesô 1:10

nàng lơh gơlik gơs di di tŭ tŭ tơngai geh wil tơl, hơ̆ la nàng pơjum bal jơh ală bơta tòm Bơtau Krist, bulah bơta hơđang trồ hala bơta tòm ù.

Ephesô 1:15

Tài behơ̆, tơnơ̆ mơ tŭ añ neh kơno bơh oh mi gơs bơta dòn di Yàng Jesu, mơ bơta kòñ gơboh oh mi dê gơwèt mơ jơh ală cau sàng goh,

Ephesô 3:19

mơ geh git bơta kòñ gơboh Bơtau Krist dê la rlau mơ bơta git wă, tồ oh mi in geh bềng lìu bơta bềng tơl Yàng Tom Trồ dê.

Kôlôse 1:4

bơh bol hi neh kơno bơh bơta dòn oh mi dê tòm Yàng Krist Jesu mơ bơh bơta kòñ gơboh oh mi dê gơwèt mơ jơh ală cau sàng goh;

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

Yal Tơlik 3:21

Cau lơi geh pha lin rlau, gen Añ rơp ai khai in nggui bal mơ Añ hơđang sơbàn Añ jê, be să tòm Añ neh geh pha lin rlau mơ nggui bal mơ Bèp Añ di sơbàn Kơnràñ dê sơl.