Ephesô 3:10 - Sră Goh 2018

¹⁰ Behơ̆ gen, gan di Hìu Jum Goh nàng yal tơlik ală gơnoar at bồ mơ ală gơnoar hơđang trồ in git bơta jak chài ò git lơh Yàng Tom Trồ dê.

Ephesô 3:10 ပူးပေါင်းရင်းမြစ်များ

Đơs Crih 103:20

Jòng ro tĕ Yàng Jehôwa, ơ ală cau gơnrơh Kơnràñ dê, La ală cau gơs gơnoar pràn lơh jat jơnau sồr Kơnràñ dê, mơ kơno jơnau đơs Kơnràñ dê.

Đơs Crih 104:24

Ơ Yàng Jehôwa, ală broă Kơnràñ dê la oă ngan ò git lơh! Kơnràñ neh lơh jơh ală bơta dô bă jak chài ngan; Plai ù bềng lìu ală phan kis mơ Kơnràñ neh crơng gơs.

Ejekiel 3:12

Tŭ hơ̆ Yàng Hwềng cèng tơngguh añ mơ añ kơno đah ngkòi añ gơs ntas nggồr dờng ngan tòm tŭ bơta gơklŏ Yàng Jehôwa dê gơguh bơh di tiah hơ̆;

Rôma 11:33

Ô! Jrô ndơp ngan ală bơta pas gơs, bơta jak chài mơ bơta git jak Yàng Tom Trồ dê! Ală bơta lơh nền Kơnràñ dê ñcau rgơi ràng tơlik! Gùng dà Kơnràñ dê ñcau rgơi git wă!

Rôma 8:38

Bơh añ dòn nền ngan lah bulah bơta chơt, hala bơta kis, ală cau gơnrơh, ală gơnoar at bồ, ală bơta tŭ do hala ală bơta rơp tus, hala ală gơnap gơnoar,

I Kôrintô 1:24

mơya gơwèt hơ ală cau geh hòi sac, cau Juda hala cau Grek, gen Bơtau Krist la gơnap gơnoar Yàng Tom Trồ dê mơ la bơta jak chài Yàng Tom Trồ dê.

I Kôrintô 2:7

mơya bol hi bơto yal bơta jak chài, ndơp ndơr neh geh Yàng Tom Trồ pồn ndơp, hơ̆ la bơta neh geh Yàng Tom Trồ lơh nền lài ală rài in nàng ai bơta gơklŏ bol he in.

Ephesô 1:21

jòng rlau jơh ală gơnoar at bồ, gơnoar, gơnoar pràn, bơta at bồ, mơ jơh ală sơnđan, ò di mìng tòm rài do lơm, mơya kung tòm rài rơp tus sơl.

Ephesô 1:23

Hìu Jum Goh la să jan Kơnràñ dê, tòm hơ̆ gơs bơta lìu làc Bơtau Krist dê, la Bơtau gơs bơta bềng tơl tòm jơh ală bơta.

Ephesô 1:3

Jòng ro Yàng Tom Trồ la Bèp Yàng Jesu Krist bol he dê. Kơnràñ neh ai lơngai bol he in tòm Bơtau Krist, tơl ală bơta lơngai đah hwềng bơh đang trồ.

Ephesô 1:8

Mơ Kơnràñ neh tuh lìu làc hơđang bol he, hơ̆ la bơta jak chài mơ bơta àng loh wil tơl.

Ephesô 6:12

Bơh bol he ò di tòmlơh mơ poac mơ mhàm ò, mơya tòmlơh mơ ală gơnoar at bồ, mơ ală gơnoar, mơ ală bơtau at bồ rài klam jơngo do, mơ mpồl cà jàñ bơsak ơm tòm pah gòi.

Kôlôse 1:16

Bơh jơh ală bơta neh geh crơng gơs tòm Kơnràñ, bulah phan hơđang trồ hala tòm ù, phan rgơi gŏ hala phan he ò rgơi gŏ, hala ală gơnoar at bồ, hala ală gơnoar; jơh ală bơta tus bơh Kơnràñ mơ la tài bơh Kơnràñ mơ geh crơng gơs.

Kôlôse 2:10

Oh mi kung geh bềng tơl tòm Kơnràñ, la Bơtau lam bồ jơh ală gơnoar at bồ, mơ jơh ală gơnoar.

Kôlôse 2:15

Kơnràñ sang ală gơnoar at bồ mơ ală gơnoar, mơ ràng tơlik bol khai dô bă loh làng, mơ geh pha lin rlau mơ bol khai di chi pơng.

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

I Pier 1:12

Yàng Tom Trồ neh yal tơlik bol khai in lah, ò duh broă să tòm he in, mơya la duh broă oh mi in; be ală bơta bol khai neh bơto mơ oh mi neh kơno tŭ do, bơh ală cau bơto yal Jơnau Niam oh mi in neh kơnòm di gơnap gơnoar Yàng Hwềng Goh geh sồr bơh đang trồ; do kung la ală bơta mơ cau gơnrơh kung kơp kòñ git wă.

I Pier 3:22

la Bơtau neh guh hơ trồ, tŭ do ơm nggui đah ma Yàng Tom Trồ; ală cau gơnrơh, ală gơnoar at bồ, mơ ală gơnoar pràn dòn duh Kơnràñ.