Ephesô 3:1 - Sră Goh 2018

¹ Tài bơh hơ̆, añ la Pol, lơh gơs cau ơm jàm Yàng Jesu Krist dê tài bơh oh mi la cau làng bol bơdìh,

Ephesô 3:1 ပူးပေါင်းရင်းမြစ်များ

Luka 21:12

Mơya lài mơ tŭ gơs ală bơta hơ̆, cau rơp ai tê kup bol mê mơ kup kơryan bol mê, bơtào tòm hìu jum, tơmut tòm hìu jàm, hwài bol mê tus di đap ală cau bơtau mơ ală cau kwang đơng lơgar tài bơh sơnđan Añ.

Broă 21:33

Cau kwang at bồ mpồl ling lòt tus rềp kup khai, lồc behơ̆ sồr ai bàr dang che sreng cap khai, gen lùp: “Khai la ñcau, mơ ñchi broă neh lơh?”

Broă 23:18

Behơ̆ cau at dô rhiang ling cèng oh hơ̆ lòt tus hơ cau kwang ling mơ đơs lah: “Cau ơm jàm sơnđan la Pol hòi añ sồr cèng oh pơnu do lòt tus hơ ồng, khai gơs jơnau kòñ yal mơ ồng.”

Broă 26:29

Pol ho lah: “Ò git dô êt hala oă, añ hòi dan mơ Yàng Tom Trồ ò di mìng dô nă bơtau lơm ò, mơya jơh tơl nă cau iat jơnau añ tòm ngai do, gen gơlik gơs be añ, mìng ò gơs che sreng do lơm.”

Broă 9:15

Mơya Yàng đơs lah: “Lòt tĕ, bơh khai la dô nơm phan ngui Añ neh sac rwah nàng cèng sơnđan Añ di đap ală làng bol bơdìh, ală cau bơtau mơ ală kòn sau Israel dê.

II Kôrintô 1:6

Mơya dilah bol hi tìp bơta bòl glar, hơ̆ la tồ oh mi in geh pơndòm pơniang mơ geh dong klàs; dilah bol hi geh pơndòm pơniang, hơ̆ la tồ oh mi in geh pơndòm pơniang, mơ bơta pơndòm pơniang hơ̆ dong oh mi in kong jai tòm ală bơta bòl glar mơ bol hi kung neh kong behơ̆ sơl.

II Kôrintô 10:1

Añ la Pol, tòm tŭ ơm di đap oh mi gen lơbơn lơño, mơya tŭ neh ngkòi mat gen cha rma ngan gơwèt mơ oh mi. Añ ai bơta niam lơnhơn mơ bơta lơbơn niam Bơtau Krist dê mơ tơngkah oh mi,

II Kôrintô 11:23

Bol khai la cau duh broă Bơtau Krist dê ơ? Ơi, añ đơs be cau tùl gơla añ gơs rlau! Añ neh kong bòl glar lơh broă oă rlau, ơm jàm oă rlau, kong pù lơh oă ngan. Oă dơ̆ añ mòr chơt;

Galati 5:11

Ơ oh mi, đah mơ añ, dilah añ gam bơto yal bơh bơta siat gơltau, gen mbe añ gam kòl kup kơryan taih? Dilah behơ̆ gen bơta gơtup tìs bơh chi pơng neh sang jơh rau.

Galati 5:2

Añ la Pol đơs mơ oh mi lah dilah oh mi kong siat gơltau, gen Bơtau Krist ò gơs kwơ oh mi in dô êt lơi.

Galati 5:24

Mơ tai, ală cau gơrê bal mơ Yàng Jesu Krist neh tơnchơt nùs nhơm poac să dê bal mơ nùs kòñ tìs mơ hàm kòñ is gơ dê hơđang chi pơng rau.

Ephesô 3:11

Do la bơta lơh nền gam sùm sùm mơ Kơnràñ neh lơh sir tòm Yàng Krist Jesu la Yàng bol he dê.

Ephesô 3:13

Gen tàng, añ dan oh mi bañ gơplơ̆ nùs tài bơh ală bơta jê sồt bòl glar añ kong bơh oh mi, bơh hơ̆ la bơta gơklŏ oh mi dê.

Ephesô 3:8

Añ la cau dềt rlau jơh tòm ală cau sàng goh; bulah behơ̆ Kơnràñ neh ai añ in bơta nđàc hơ̆, nàng añ bơto yal làng bol bơdìh in bơta pas gơs ò git lơh Bơtau Krist dê,

Ephesô 4:1

Behơ̆, añ la cau ơm jàm tài bơh Yàng, rac dan oh mi pal kis dô bă di pal mơ bơta hòi sac mơ Yàng neh hòi sac oh mi.

Ephesô 6:20

Bơh Jơnau Niam hơ̆ mơ añ la cau gơnoar ala mat kòl kơt tòm che sreng, nàng ơm tòm hơ̆ añ gơs khin cha bơto Jơnau Niam hơ̆ be añ pal bơto.

Philip 1:7

Añ kah jơh ală oh mi behơ̆ la di ngan, tài bơh añ jơh nùs kòñ gơboh di oh mi; bulah tòm tŭ añ ơm jàm, hala tòm tŭ tò să mơ lơh cơng bơh Jơnau Niam, gen jơh ală oh mi kung dòp geh bơta nđàc bơh Yàng Tom Trồ be añ sơl.

Kôlôse 1:24

Tŭ do añ hòn chò bơh bơta añ kong jê sồt bòl glar bơh oh mi, mơ bơh să jan Bơtau Krist dê la Hìu Jum Goh, añ ơn poac să añ nàng kong pơnah gam siơ̆u tòm bơta bòl glar Kơnràñ dê.

Kôlôse 4:18

Tê tòm añ, Pol, cih jơnau do còp să oh mi. Kah tĕ che sreng añ jê. Dan bơta nđàc ơm bal mơ oh mi.

Kôlôse 4:3

Kung hòi dan tĕ bol hi in, dan Yàng Tom Trồ pò bol hi in dô nơm mpồng bơto jơnau Yàng, nàng bơto jơnau ndơp ndơr Bơtau Krist dê, kung bơh jơnau hơ̆ mơ añ kòl kơt mơ che sreng,

II Timôthe 1:16

Dan Yàng ai bơta kòñ nđàc hìu Ônesiphôr in, bơh khai oă dơ̆ lơh nùs añ in rài bòl, ò ƀàssìl bơh añ kòl kơt mơ che sreng,

II Timôthe 1:8

Behơ̆ mê bañ ƀàssìl tòm tŭ lơh cơng bơh Yàng bol he dê, mơ bơta añ ơm jàm tài bơh Kơnràñ; mơya kơnòm tĕ dê gơnap gơnoar Yàng Tom Trồ nàng kong bòl glar bơh Jơnau Niam.

Philemôn 1:1

Pol, cau ơm jàm Yàng Krist Jesu dê, mơ Timôthe, oh mi bol he dê pơyoa Philemôn in, la cau kòñ gơboh mơ la cau bơyô lơh broă bal mơ bol hi,

Philemôn 1:23

Epapras la oh mi bơyô kong jàm bal mơ añ tòm Yàng Krist Jesu, khai còp să bi;

Philemôn 1:9

mơya tài bơh nùs kòñ gơboh chan añ rac dan la niam rlau. Mơ añ la Pol cau gơnoar ala mat Bơtau Krist dê, mơ tŭ do tài bơh Yàng Krist Jesu mơ kong ơm jàm.

Yal Tơlik 2:10

Mê bañ rngòt dê ală bơta bòl glar jê sồt mê mòr kong. Iat tĕ! Cà ràk mòr sơrbì dô êt cau tòm bol mê tòm hìu jàm, nàng bol mê kong lòng; bol mê rơp gơs bơta rung rài tòm jơt ngai. Dòn song tĕ jơl chơt, gen Añ rơp ai bol mê in sơgơn bơtau bơta kis.’