Ephesô 2:19 - Sră Goh 2018

¹⁹ Behơ̆ oh mi ò di la cau nac crih hala cau ơm ing tai, mơya la cau làng tòm bal mơ ală cau sàng goh mơ la cau tòm hìu nhă Yàng Tom Trồ dê.

Ephesô 2:19 ပူးပေါင်းရင်းမြစ်များ

Mathiơ 10:25

Cau bơtê gơs be cau bơto, cau dĭ gơs be cau tòm, gen tơl rau. Dilah cau tòm hìu kung neh kòl cau sơnđan la Beeljebul, tơ ài lah cau ơm tòm hìu.”

Galati 6:10

Behơ̆ tòm tŭ gam gơs tơngai, gen bol he lơh tĕ broă niam jơh ală cau in, sơnròp ngan la ală cau tòm hìu nhă bơta dòn dê.

Ephesô 2:12

tŭ hơ̆ oh mi ơm ngài mơ Bơtau Krist, ơm bơdìh làng bol Israel, mơ be cau nac crih gơwèt hơ bơta ho bal jơnau ho pơgon dê. Tòm dunnia oh mi ò gơs bơta gơn kơnòm, mơ ò gơs Yàng Tom Trồ.

Ephesô 3:15

bơh Kơnràñ mơ jơh ală jơi bơtiàn hơđang trồ mơ tòm ù geh tơmoh sơnđan.

Ephesô 3:6

Bơta ndơp ndơr hơ̆ la làng bol bơdìh kơnòm di Jơnau Niam geh pơnah bal mơ cau Juda tòm bơta lơngai Yàng Tom Trồ dê; bol khai la ală cau tòm dô nơm să jan bal mơ pơrdòn bơta ho bal Yàng Tom Trồ neh lơh gơs tòm Yàng Krist Jesu.

Philip 3:20

Mơya bol he la làng bol hơđang trồ, bơh hơ̆ bol he kơp gơn Yàng Dong klàs la Yàng Jesu Krist.

Hebrơ 11:13

Jơh ală cau hơ̆ neh chơt tòm bơta dòn, òhềt dòp geh bơta neh ho pơgon, mìng đal sền mơ gơs nùs chò hòp wă rò ală bơta hơ̆ bơh tiah ngài, bol khai kòp să he la cau nac crih mơ la cau ơm ing tòm plai ù.

Hebrơ 13:14

Bơh tềng do bol he ò gơs ƀòn dờng gam gơs sùm, mơya bol he jòi ƀòn rơp tus.

I Pier 2:11

Ơ ală cau kòñ gơboh, oh mi be cau nac crih mơ be cau ơm ing, añ bơto tơngkah oh mi pal ơt tĕ ală bơta hàm kòñ is poac să dê, la ală bơta gơtòmlơh mơ hwềng soàn.

I Jang 3:1

Sền tĕ Yàng Bèp neh ai bol he in bơta kòñ gơboh ò git nđò, nàng bol he geh sơnđan la kòn Yàng Tom Trồ dê; mơ bol he ngan la behơ̆. Dunnia ò git đal bol he, tài bơh bol khai ò git Kơnràñ.