Ephesô 2:18 - Sră Goh 2018

¹⁸ Bơh kơnòm di Kơnràñ mơ bol he jơh bàr đah tòm dô nă Yàng Hwềng mơ geh mut di đap Yàng Bèp.

Ephesô 2:18 ပူးပေါင်းရင်းမြစ်များ

Sacari 12:10

“Mơ Añ rơp tuh tơlik Hwềng bơta nđàc mơ bơta rac dan hơđang hìu Dabit mơ hơđang làng bol Jerusalem. Bol khai rơp sền gŏ Bơtau mơ bol khai neh srơp, mơ bol khai rơp ñìm rac bơh Kơnràñ kung be cau ñìm rac bơh dô nă kòn dùl, mơ ñìm rac sràt bơtang bơh Kơnràñ, kung be cau moat jrùng jê sồt bơh dô nă kòn klau tơnhoa he dê.

Mathiơ 28:19

Behơ̆, lòt tĕ lơh jơh ală làng bol in gơlik gơs cau bơtê Añ jê, ai sơnđan tĕ Yàng Bèp, Yàng Kòn mơ Yàng Hwềng Goh, lơh ƀaptem bol khai in.

Jang 10:7

Behơ̆, Yàng Jesu đơs tai lah: “Ngan, Añ đơs ngan mơ bol mê, Añ la mpồng belàt dê.

Jang 10:9

Añ la mpồng: Dilah cau lơi bơh Añ mơ mut, gen rơp geh dong klàs. Bol khai rơp mut lik mơ bàn ƀlàng ñhơt.

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

Rôma 5:2

Kung kơnòm di bơta dòn Kơnràñ lơh bol he in geh mut tòm bơta nđàc Yàng Tom Trồ dê, bol he gam ơm ntào tòm bơta nđàc hơ̆, mơ hòn chò tòm bơta gơn kơnòm geh dòp bơta gơklŏ Yàng Tom Trồ dê.

Rôma 8:15

Ngan behơ̆ oh mi ò dòp hwềng nùs dĭ gơna dê nàng ơm tòm bơta rngòt rngơt tai, mơya neh dòp hwềng bơta geh kòp la kòn mơ kơnòm di bơta hơ̆ bol he hòi lah: “Aba, Bèp!”

I Kôrintô 12:13

Bulah bol he la cau Juda hala cau làng bol bơdìh, hala dĭ gơna hala cau geh khat gơboh, jơh ală bol he neh gơs ƀaptem tòm dô nă Yàng Hwềng nàng gơlik gơs dô nơm să jan; jơh ală bol he neh geh hùc bơh dô nă Yàng Hwềng lơm.

I Kôrintô 8:6

mơya đah bol he, gơs mìng dô nă Yàng Tom Trồ lơm la Bèp, la Bơtau crơng gơs jơh ală phan bơh Kơnràñ mơ bol he kis; mơ gơs mìng dô nă Yàng la Yàng Jesu Krist, jơh ală phan bơh Kơnràñ mơ gơlik gơs, mơ bol he kung kis bơh Kơnràñ behơ̆ sơl.

Galati 4:6

Bơh oh mi la kòn klau kòn ùr Kơnràñ dê, gen tàng Yàng Tom Trồ neh ai Hwềng Kòn Kơnràñ dê mut tòm nùs bol he mơ đơs lah: “Aba! Bèp!”

Ephesô 3:12

Tòm Bơtau Krist, kơnòm di bơta dòn tòm Kơnràñ, bol he gơs nùs khin cha mơ dòn nền nàng tus rềp di đap Yàng Tom Trồ.

Ephesô 3:14

Tài bơh bơta hơ̆ añ cùn gơltang di đap Yàng Bèp,

Ephesô 4:4

Gơs mìng dô nơm să jan, dô nă Yàng Hwềng, kung be oh mi neh geh hòi sac tus tòm dô bơta gơn kơnòm gơrê bal mơ bơta hòi sac oh mi dê.

Ephesô 6:18

Jơh nùs tĕ hòi dan mơ rac dan; tŭ lơi kung hòi dan tĕ kơnòm di Yàng Hwềng; bơh bơta hơ̆ drơng kơp tĕ, kơ̆ nùs wền dơngoh tòm jơh ală bơta mơ hòi dan jơh ală cau sàng goh in.

Kôlôse 1:12

mơ ưnngài Yàng Bèp la Bơtau neh lơh bol he in gơlik gơs di pal nàng dòp pơnah tòm sre brê ală cau sàng goh dê ơm tòm lơgar bơta àng.

Hebrơ 7:19

(bơh bơta boh lam ò lơh wil tơl broă lơi ò), gen cèng tơmut dô bơta gơn kơnòm niam rlau, mơ kơnòm di bơta hơ̆ bol he lòt tus rềp hơ Yàng Tom Trồ.

Jakơ 3:9

Bơh lơmpiat bol he jòng ro Yàng la Bèp, mơ kung bơh gơ bol he srat rma kòn mơnus la jơi neh geh crơng gơs bơsùt be rùp să Yàng Tom Trồ dê.

I Pier 1:17

Dilah oh mi hòi dan mơ sơnđan Kơnràñ la Bèp, la Bơtau ò sền òsơp di cau lơi mơ cahrña kòp nă cau jat be broă lơh bol khai dê, gen ai tĕ nùs duh rngòt nàng lơh lòt tòm tŭ ơm ing tòm rài do.

I Pier 1:21

Bơh Kơnràñ mơ oh mi dòn nền di Yàng Tom Trồ la Bơtau neh lơh Kơnràñ in kis wơl bơh bơta chơt, mơ ai bơta gơklŏ Kơnràñ in, tồ bơta dòn mơ bơta gơn kơnòm oh mi dê geh ơm tòm Yàng Tom Trồ.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.

Jude 1:20

Mơya, ơ ală oh mi kòñ gơboh, oh mi bơt bơtào tĕ să tòm oh mi hơđang bơta dòn sàng goh ngan oh mi dê, kơnòm di Yàng Hwềng Goh mơ hòi dan.