Ephesô 2:15 - Sră Goh 2018

¹⁵ Bơh kơnòm di poac să Kơnràñ dê mơ Kơnràñ neh tơnroh bơta boh lam bal mơ bơta sồr lam mơ gơnoar sồr gơ dê, nàng ai bàr đah mơ crơng gơs dô nă cau pa tòm să tòm Kơnràñ, tồ lơh gơtòmsòr bal.

Ephesô 2:15 ပူးပေါင်းရင်းမြစ်များ

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

II Kôrintô 5:17

Behơ̆ dilah cau lơi ơm tòm Bơtau Krist, hơ̆ la cau neh crơng gơs pa; ală bơta yau neh roh rau, do ală bơta gơlik gơs pa lơm.

Galati 3:10

Bơh cau lơi kơnòm di ală broă bơta boh lam dê, gen kòl srat sơntơm, bơh neh cih lah: “Pal srat ngan di cau lơi ò kơ̆ wền lơh jat jơh ală bơta neh cih tòm sră bơta boh lam.”

Galati 3:28

Ò tai gơs cau Juda hala cau Grek; ò tai gơs cau dĭ hala cau geh khat gơboh; ò tai gơs cau klau hala cau ùr; bơh tòm Yàng Krist Jesu jơh ală oh mi gơlik gơs dô bă bal lơm.

Galati 6:15

Bơh bơta dờng màng ò di la kong siat gơltau hala ò kong siat gơltau, mơya la gơlik gơs cau pa.

Ephesô 2:10

Bơh bol he la broă lơh Kơnràñ dê, neh geh Kơnràñ crơng gơs tòm Yàng Krist Jesu nàng lơh broă niam, mơ Yàng Tom Trồ neh rcang lài nàng bol he in lơh jat.

Ephesô 2:14

Bơh Kơnràñ la bơta ring lơngai bol he dê, neh lơh cau Juda mơ cau làng bol bơdìh in gơs dô bă bal, lơh tơrlah dơrñang cah is tòmsò digùl bol he.

Ephesô 2:16

Bơh chi pơng mơ Kơnràñ lơh bàr đah in gơtòmsòr wơl mơ Yàng Tom Trồ tòm dô nơm să jan, bơh bơta hơ̆ Kơnràñ neh tơnroh bơta tòmsò rau.

Ephesô 4:16

kơnòm dê Kơnràñ mơ jơh să jan geh crap mơ gơtòmklĕ bal bơh bơta dong kòl ală tiah tơrbŏ dê, jat be pràn kòp pơnah dê, lơh să jan gơlik dờng mơ bơtào is tòm bơta kòñ gơboh.

Kôlôse 2:14

Kơnràñ jùt sang jơnau tòmho cih tòm ală bơta sồr lam, gơlơh nền glài tòmsò mơ bol he; Kơnràñ kung tă gơ mơ pơng gơ di chi pơng.

Kôlôse 2:20

Dilah oh mi neh chơt bal mơ Bơtau Krist gơwèt mơ ală bơta ƀa liă dunnia dê, gen mbe lơh oh mi kis kung be gam gơrê bal mơ dunnia taih? Ñchi bơh tài oh mi dòn duh ală bơta òs mòng jat ală bơta sồr lam mơ ală bơta bơto sồr jơi kòn mơnus dê taih? Kung be:

Kôlôse 3:10

mơ neh soh cau pa, la cau geh tòmgơl pa jat rùp să Bơtau neh crơng gơs cau hơ̆, nàng geh tus hơ bơta dòp git Yàng Tom Trồ.

Kôlôse 3:11

Tềng do ò tai gơs cau Grek, cau Juda, cau siat gơltau hala cau ò siat gơltau, cau ò git jơnau, cau Sithe, cau dĭ gơna hala cau khat gơboh, mơya Bơtau Krist la jơh ală bơta mơ tòm jơh ală bơta.

Kôlôse 3:15

Lòi tĕ bơta lơngap lơngai Bơtau Krist dê at bồ tòm nùs oh mi, la bơta lơngap lơngai mơ oh mi neh geh hòi tus tòm dô nơm să jan; kung gơs tĕ nùs ưnngài.

Hebrơ 7:16

mơ gơlik gơs cau gơnoar ơn phan duh khoai, ò jat jơnau gơnoar sồr bơta boh lam dê bơh jơi kòn mơnus, mơya jat gơnap gơnoar bơta kis ò gơs lồi.

Hebrơ 8:13

Bơh neh sơnđan bơta ho bal do la pa, gen Yàng Tom Trồ neh lơh bơta ho bal sơnròp gơlik gơs yau. Mơ bơta lơi la yau, klar, gen gơ rơp roh thit mo.

Hebrơ 9:23

Behơ̆ ală phan jat rùp sơnoa ală bơta hơđang trồ pal kơnòm di phan duh khoai hơ̆ sồng geh goh, gen ală phan hơđang trồ pal kơnòm di phan ơn duh khoai niam rlau tai sồng geh goh.