Ephesô 2:13 - Sră Goh 2018

¹³ Bulah oh mi bơh lài òr la cau ơm ngài, mơya tŭ do tòm Yàng Krist Jesu oh mi neh geh cèng tus rềp, kơnòm di mhàm Bơtau Krist dê.

Ephesô 2:13 ပူးပေါင်းရင်းမြစ်များ

Đơs Crih 22:7

Jơh ală cau lơi gŏ añ gen dơñŏ tơnhial di añ, bol khai tong kơmbùng rtơs bồ mơ đơs lah:

Đơs Crih 73:27

Ngan behơ̆, ală cau ơm ngài mơ Kơnràñ gen rơp roh rui; Kơnràñ pơndut tơnlồi cau lơi ò dòn song mơ Kơnràñ.

Esai 11:10

Tòm ngai hơ̆, ryas Jese dê rơp ntào kung be bồng bi ală làng bol in, ală lơgar rơp ràn tus mơ Kơnràñ, mơ tiah ơm Kơnràñ dê rơp geh gơklŏ.

Esai 43:6

Añ rơp đơs mơ đah đang lah: ‘Tơngklàs tĕ!’ mơ đah đơm: ‘Bañ kup bol khai.’ Cèng tĕ ală kòn klau Añ jê bơh tiah ngài, mơ ală kòn ùr Añ jê bơh ală tiah lồi dut plai ù dê,

Esai 49:12

Do, ală cau do rơp tus bơh tiah ngài; cau ƀà rơp tus bơh đah đang, cau ƀà tus bơh đah mattơngai mut, cau ƀà tai tus bơh kơnhwàl Sinim.

Esai 57:19

Yàng Jehôwa đơs lah: ‘Lơngap lơngai, lơngap lơngai ală cau in ơm ngài mơ ơm rềp, mơ Añ rơp sơmbòi bol khai in.’

Esai 60:4

Pò tĕ mat mê dê mơ sền gùt dar: Jơh tơl nă pơjum bal mơ lòt tus hơ mê; ală kòn klau mê dê tus bơh tiah ngài, mơ ală kòn ùr mê dê rơp geh ròng kơnđu tòm tơwòr tê.

Esai 60:9

Bơh ală bồt pơlào rơp kơp gơn Añ; gơs ală ơhò Tarsi sơnròp ngan, cèng brê ală kòn sau mê dê rê wơl bơh tiah ngài, bol khai cèng bal priă mơ màh bol khai dê, tài bơh sơnđan Jehôwa Yàng Tom Trồ mê dê, mơ bơh Bơtau Sàng Goh Israel dê, bơh Kơnràñ neh lơh gơklŏ mê in.

Esai 66:19

Añ rơp ơn dô nơm tềl digùl bol khai, mơ Añ rơp sồr dô êt cau tòm mpồl ală cau gam kis lòt tus tòm ală lơgar, hơ̆ la tus hơ Tarsi, Libi, mơ Lidi la làng bol jak pañ sơna, tus hơ Tubal mơ Grek, mơ tus hơ ală bồt pơlào ơm ngài, la tiah òhềt kơno jơnau jòng ro bơh Añ, mơ kung òhềt gŏ bơta gơklŏ Añ jê. Bol khai rơp yal tơlik bơta gơklŏ Añ jê tòm ală lơgar.

Jeremi 16:19

Ơ Yàng Jehôwa, Kơnràñ la bơta pràn kơldang añ, theng kơ̆ cê añ, La tiah kìng crŭ añ jê tòm ngai bòl glar! Bơh tiah lồi plai ù Ală lơgar rơp tus hơ Kơnràñ, mơ đơs lah: “Ồng pàng bol he ò dòp ală phan lơi mìng jơnau ma blac, bơta roh lơm mơ ală phan ò kwơ dô êt lơi.

Jang 10:16

Añ gam gơs ală belàt ndai ò bal mơ wàng do; Añ pal lam gơrê sơl, belàt hơ̆ rơp kơno jơnau đơs Añ jê, mơ rơp gơs mìng dô mpồl mơ dô nă cau ê lơm.

Broă 15:14

Simôn neh yal wơl mbe lơi dơ̆ sơnròp Yàng Tom Trồ neh wèt sền làng bol bơdìh, nàng bơh bol khai gơlik gơs dô làng bol gơrê bal mơ Kơnràñ.

Broă 2:39

Bơh jơnau ho pơgon hơ̆ gơrê bal mơ ală oh mi mơ kòn sau ală oh mi dê, mơ gơrê bal mơ jơh tơl nă cau ơm ngài sơl, hơ̆ la ală cau mơ Yàng la Yàng Tom Trồ bol he dê rơp hòi sac.”

Broă 22:21

Yàng đơs mơ añ lah: ‘Lòt tĕ, bơh añ rơp sồr mê lòt tus hơ ală làng bol bơdìh tòm tiah ngài.’”

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

Rôma 8:1

Gen tàng tŭ do ò gơs bơta lơh nền glài di ală cau ơm tòm Yàng Krist Jesu

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

I Kôrintô 12:13

Bulah bol he la cau Juda hala cau làng bol bơdìh, hala dĭ gơna hala cau geh khat gơboh, jơh ală bol he neh gơs ƀaptem tòm dô nă Yàng Hwềng nàng gơlik gơs dô nơm să jan; jơh ală bol he neh geh hùc bơh dô nă Yàng Hwềng lơm.

I Kôrintô 6:11

Mơ tòm oh mi neh gơs cau behơ̆ sơl. Mơya tòm sơnđan Yàng Jesu Krist mơ Hwềng Yàng Tom Trồ bol he dê, gen oh mi neh geh rào goh bơh tồi glài, mơ oh mi neh geh ơn Yàng Tom Trồ in, mơ neh geh kòp la song ring hơ Yàng Tom Trồ.

II Kôrintô 5:17

Behơ̆ dilah cau lơi ơm tòm Bơtau Krist, hơ̆ la cau neh crơng gơs pa; ală bơta yau neh roh rau, do ală bơta gơlik gơs pa lơm.

Galati 3:28

Ò tai gơs cau Juda hala cau Grek; ò tai gơs cau dĭ hala cau geh khat gơboh; ò tai gơs cau klau hala cau ùr; bơh tòm Yàng Krist Jesu jơh ală oh mi gơlik gơs dô bă bal lơm.

Ephesô 1:1

Pol la cau gơnoar bơto dờng bơh Yàng Krist Jesu jat nùs kòñ Yàng Tom Trồ dê, pơyoa ală cau sàng goh in tòm Ephesô mơ ală cau dòn song tòm Yàng Krist Jesu:

Ephesô 1:7

Tòm Kòn hơ̆ bol he geh bơta tơwài glài bơh mhàm Kơnràñ dê, geh toh ală bơta tìs glài bol he dê, jat bơta nđàc dờng ngan Yàng Tom Trồ dê,

Ephesô 2:10

Bơh bol he la broă lơh Kơnràñ dê, neh geh Kơnràñ crơng gơs tòm Yàng Krist Jesu nàng lơh broă niam, mơ Yàng Tom Trồ neh rcang lài nàng bol he in lơh jat.

Ephesô 2:12

tŭ hơ̆ oh mi ơm ngài mơ Bơtau Krist, ơm bơdìh làng bol Israel, mơ be cau nac crih gơwèt hơ bơta ho bal jơnau ho pơgon dê. Tòm dunnia oh mi ò gơs bơta gơn kơnòm, mơ ò gơs Yàng Tom Trồ.

Ephesô 2:2

la ală bơta lài òr oh mi lơh jat bơta òs mòng dunnia do, jat bơtau gơnoar at bồ dê tòm pah gòi, hơ̆ la cà tŭ do at bồ tòm ală cau ò dòn bơr Yàng.

Ephesô 2:6

Yàng Tom Trồ neh lơh bol he in kis wơl bal mơ Yàng Krist Jesu, mơ nggui bal mơ Kơnràñ hơđang trồ,

Hebrơ 9:18

Gen tàng dilah ò gơs mhàm gen bơta ho bal sơnròp kung ò gơs gơnoar.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.

Yal Tơlik 5:9

Bol khai đơs chò dô bơta đơs chò pa lah: “Kơnràñ di pal ai sră pồt mơ tă ală ƀang kì gơ dê, Bơh Kơnràñ neh kong sreh chơt, ai mhàm Kơnràñ dê tơwài Yàng Tom Trồ in, ală cau tòm jơh ală jơi bơtiàn, jơnau đơs, làng bol, mơ lơgar,