Ephesô 2:12 - Sră Goh 2018

¹² tŭ hơ̆ oh mi ơm ngài mơ Bơtau Krist, ơm bơdìh làng bol Israel, mơ be cau nac crih gơwèt hơ bơta ho bal jơnau ho pơgon dê. Tòm dunnia oh mi ò gơs bơta gơn kơnòm, mơ ò gơs Yàng Tom Trồ.

Ephesô 2:12 ပူးပေါင်းရင်းမြစ်များ

Sơnròp Gơlik Gơs 15:18

Tòm ngai hơ̆ Yàng Jehôwa lơh bơta ho bal mơ Abram, mơ đơs lah: “Añ ai jơi bơtiàn mê in lơgar do, bơh hiòng Ejiptơ tus di hiòng dờng, hơ̆ la hiòng Ơphrat,

II Yal Yau 15:3

Neh jŏ rau Israel kis ò gơs Yàng Tom Trồ song ngan, ò gơs dô nă cau gơnoar ơn phan duh khoai la cau bơto, mơ ò gơs bơta boh lam.

Ejra 4:3

Mơya Jerubabel, Jesua mơ ală cau gam wơl at bồ ală hìu nhă Israel dê đơs mơ bol hơ̆ lah: “Bol mê ò gơs pơnah lơi bal mơ bol hi tòm bơta bơt bơtào dô nơm hìu duh khoai Yàng Tom Trồ bol hi dê. Mìng bol hi lơm rơp bơt bơtào hìu hơ̆ Jehôwa Yàng Tom Trồ Israel dê, jat be Sirus bơtau Persia neh ai gơnoar sồr bol hi.”

Lik Ejiptơ 12:45

mơya dô nă cau ơm ing mơ cau ơm lơh broă ơpah gen ò geh gơnoar sa ngai pơjum sa hơ̆.

Esai 14:1

Mơya Yàng Jehôwa rơp nđàc sơngit di Jakôp; dô dơ̆ tai Kơnràñ rơp sac rwah Israel, mơ rơp ơn bol khai tòm lơgar tòm bol khai dê. Cau lơgar bơdìh rơp tus tòmklac mơ bol khai, mơ lơh gơs dô bă bal mơ hìu Jakôp dê.

Esai 44:6

Yàng Jehôwa la cau Bơtau At Bồ mơ la Bơtau Dong Tơwài Israel dê, la Yàng Jehôwa Gơnap Gơnoar Dờng đơs be do: “Añ la Bơtau sơnròp mơ Añ la Bơtau lồi dut; rlau mơ Añ ò gơs Yàng Tom Trồ lơi.

Esai 45:20

Bol mê la ală cau gam kis bơh di ală lơgar, pơjum bal tĕ mơ tus, ală cau tùng ală rùp ràk lơh mơ chi, mơ hòi dan mơ ală yàng ò rgơi dong klàs, bol khai la ală cau ò gơs bơta git wă.

Esai 61:5

Ală cau crih mat rơp ntào ê mpồl belàt bol mê dê. Ală cau làng bơdìh rơp lơòr sre mơ tam suơn ño bol mê in.

Jeremi 14:8

Kơnràñ la bơta gơn kơnòm Israel dê, Bơtau dong tă tòm tŭ rung rài, Ñchi bơh tài Kơnràñ kung be dô nă cau nac crih tòm lơgar? Be cau lòt gùng bic ing tòm dô mơnang taih?

Jeremi 17:13

Khoai Yàng Jehôwa, la bơta gơn kơnòm Israel dê, Ală cau lơi sang lòi Kơnràñ gen rơp kong ƀàssìl ƀàsso! Ală cau dô pleh bơh Kơnràñ rơp kong cih sơnđan hơđơm ù, Bơh bol khai neh sang lòi croh dà bơta kis, hơ̆ la Yàng Jehôwa.

Ejekiel 13:9

Tê Añ rơp tòmdră mơ ală cau gơnoar hwơr gŏ bơta gơtơnggŏ tìs mơ đơs hwơr ma blac. Bol khai rơp ò gơrê bal mơ mpồl tơrña broă làng bol Añ jê hala geh cih mat tòm sră hìu Israel dê, mơ bol khai kung rơp ò geh mut tòm lơgar Israel dê. Gen bol mê rơp git Añ la Jehôwa Yàng Tom Trồ.

Ejekiel 37:26

Añ rơp bơt bơtào dô bơta ho bal ring lơngai mơ bol khai; hơ̆ rơp la dô bơta ho bal gam sùm sùm. Añ rơp ai lơngai bol khai in mơ lơh khà làng bol bol khai dê gơbơtơl oă ngan. Añ rơp ơn hìu duh khoai Añ jê digùl bol khai gam sùm sùm.

Ejekiel 47:22

Mê rơp tă khà tòmpà lơgar lơh gơs phan jơtài bol mê in mơ ală cau lơgar ndai ơm sùm digùl bol mê mơ neh gơs kòn sau. Mê pal kòp bol khai kung be cau làng tòm Israel deh tòm lơgar; bol khai rơp tă khà kung be bol mê mơ dòp leng phan jơtài digùl ală jơi bơtiàn Israel dê.

Sră Ôse 3:4

Bơh làng bol Israel rơp kis jŏ ngai mơ ò gơs bơtau, ò gơs kwang at bồ, ò gơs phan ơn duh khoai, ò gơs cơnòng duh khoai, ò gơs ephot, mơ kung ò gơs theraphim.

Khà Làng Bol 18:19

Jơh ală phan sàng goh mơ ală cau Israel ơn Yàng Jehôwa in gen Añ ai mê mơ ală kòn klau kòn ùr mê in lơh gơs pơnah tòm phan òs tòmpà mê in. Hơ̆ la dô bơta ho bal mơ boh gam sùm sùm mê in mơ kòn sau mê in di đap Yàng Jehôwa.”

Luka 1:72

Nàng yal tơlik bơta kòñ nđàc gơwèt mơ ồng pàng bol he, Mơ kah wơl bơta ho bal sàng goh Kơnràñ dê.

Jang 10:16

Añ gam gơs ală belàt ndai ò bal mơ wàng do; Añ pal lam gơrê sơl, belàt hơ̆ rơp kơno jơnau đơs Añ jê, mơ rơp gơs mìng dô mpồl mơ dô nă cau ê lơm.

Jang 15:5

Añ la tòm ño, bol mê la ntê. Cau lơi ơm sùm tòm Añ mơ Añ ơm sùm tòm khai gen gơlik oă ngan plai, bơh ơm bơdìh Añ, gen bol mê ò rgơi lơh bơta lơi ò.

Jang 4:22

Bol ai duh khoai bơtau bol ai ò git, bol hi duh khoai Bơtau bol hi git, tài bơh bơta dong klàs tus bơh cau Juda.

Broă 2:39

Bơh jơnau ho pơgon hơ̆ gơrê bal mơ ală oh mi mơ kòn sau ală oh mi dê, mơ gơrê bal mơ jơh tơl nă cau ơm ngài sơl, hơ̆ la ală cau mơ Yàng la Yàng Tom Trồ bol he dê rơp hòi sac.”

Broă 28:20

Tài bơh hơ̆ tàng añ jà oh mi tus nàng tìp mat tòmbơhbơr bal, mơ hơ̆ la tài bơh Yàng la bơta gơn kơnòm làng bol Israel dê tàng añ kong cap mơ che sreng do.”

Broă 3:25

Ală oh mi la kòn sau ală cau gơnoar hwơr dê, mơ bơta ho bal Yàng Tom Trồ dê neh bơtào gơs mơ ală ồng pàng oh mi dê tòm tŭ Kơnràñ đơs mơ Abraham lah: ‘Jơh ală làng bol tòm làm ù rơp geh lơngai kơnòm di jơi bơtiàn mê dê.’

Rôma 9:8

Hơ̆ ò di ală kòn đah poac să la ală kòn Yàng Tom Trồ dê, mơya kòn sau đah jơnau ho pơgon gen sồng geh kòp la jơi bơtiàn Abraham dê.

Galati 4:8

Mơya bơh yau òr oh mi ò git Yàng Tom Trồ, gen lơh gơs dĭ ală yàng dê mơya ngan ò di la Yàng.

Ephesô 2:19

Behơ̆ oh mi ò di la cau nac crih hala cau ơm ing tai, mơya la cau làng tòm bal mơ ală cau sàng goh mơ la cau tòm hìu nhă Yàng Tom Trồ dê.

Ephesô 4:18

nùs bol khai klam jơngo, ơm ngài mơ bơta kis Yàng Tom Trồ dê, tài bơh bơta bơrngơl gơla tòm bol khai gơlik bơh nùs kră kơldang bol khai dê.

Kôlôse 1:21

Ai oh mi, lài òr nùs kơlôi oh mi dê ơm ngài mơ sò tơm mơ Kơnràñ bơh ală broă iơh bơsak.

Kôlôse 1:27

Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê.

Kôlôse 1:5

tài bơh bơta gơn kơnòm prap lòi oh mi in hơđang trồ, la bơta lài òr oh mi neh kơno bơh jơnau song Jơnau Niam dê.

I Tesalônika 4:13

Ơ oh mi, bol hi ò kòñ oh mi ò git bơh cau neh bic, tồ oh mi in ò moat jrùng be cau ndai ò gơs bơta gơn kơnòm.

I Tesalônika 4:5

ò di jat nùs gơboh iơh bơta hàm kòñ is dê, be làng bol bơdìh la cau ò dòp git Yàng Tom Trồ,

II Tesalônika 2:16

Dan să tòm Yàng Jesu Krist mơ Yàng Tom Trồ la Bèp bol he dê, la Bơtau neh kòñ gơboh di bol he mơ bơh bơta nđàc Kơnràñ dê neh ai gòi bol he in bơta pơndòm pơniang gam sùm sùm, mơ bơta gơn kơnòm kơ̆ nền,

I Timôthe 1:1

Pol la cau gơnoar bơto dờng bơh Yàng Krist Jesu, jat gơnoar sồr Yàng Tom Trồ dê la Yàng Dong Klàs bol he, mơ Yàng Krist Jesu dê la bơta gơn kơnòm bol he dê,

Hebrơ 11:34

tơnchơt ồs hơng, klàs di đào sồt, lơbơn lơño mơ gơlik pràn kơldang, tòm tŭ tòmlơh gơs nùs khin cha, ting bơtrơh mpồl ling làng bol bơdìh.

Hebrơ 6:18

tồ kơnòm di bàr bơta ò tòmgơl hơ̆, la bàr bơta Yàng Tom Trồ ò rgơi đơs blac, mơ bol he la ală cau neh kìng crŭ tòm Kơnràñ, gen gơchồl pràn kơldang nàng sơmbat kơ̆ di bơta gơn kơnòm neh ơn di đap bol he.

Hebrơ 8:6

Mơya tŭ do Yàng Jesu neh gơs gơnoar broă dờng màng rlau, kung be Kơnràñ neh lơh gơs Bơtau Đơng Kừh dô bơta ho bal niam rlau, bơtào hơđang mơnàng ală jơnau ho pơgon niam rlau.

I Pier 1:21

Bơh Kơnràñ mơ oh mi dòn nền di Yàng Tom Trồ la Bơtau neh lơh Kơnràñ in kis wơl bơh bơta chơt, mơ ai bơta gơklŏ Kơnràñ in, tồ bơta dòn mơ bơta gơn kơnòm oh mi dê geh ơm tòm Yàng Tom Trồ.

I Pier 1:3

Jòng ro Yàng Tom Trồ, Bèp Yàng Jesu Krist la Yàng bol he dê. Bơh bơta kòñ nđàc tơngkah tơngkañ Kơnràñ dê mơ bol he geh deh wơl pa, tồ gơs bơta gơn kơnòm kis, kơnòm di bơta kis wơl bơh bơta chơt Yàng Jesu Krist dê,

I Pier 3:15

Mơya duh rngòt tĕ di Bơtau Krist la sàng goh mơ bơtào Kơnràñ lơh gơs Yàng tòm nùs oh mi dê. Pal sùm sùm rcang sir nàng ho wơl mơ cau lơi lùp bơh bơta gơn kơnòm tòm oh mi, mơ lơh bơta hơ̆ dô bă niam lơnhơn mơ duh rngòt.

I Jang 3:3

Cau lơi gơs bơta gơn kơnòm hơ̆ tòm Kơnràñ, gen kơrmap gàr să he sàng goh, kung be Kơnràñ la sàng goh.