Ephesô 2:10 - Sră Goh 2018

¹⁰ Bơh bol he la broă lơh Kơnràñ dê, neh geh Kơnràñ crơng gơs tòm Yàng Krist Jesu nàng lơh broă niam, mơ Yàng Tom Trồ neh rcang lài nàng bol he in lơh jat.

Ephesô 2:10 ပူးပေါင်းရင်းမြစ်များ

Đơs Crih 100:3

Dòp git tĕ lah Jehôwa la Yàng Tom Trồ! Să tòm Kơnràñ neh crơng gơs bol he, bol he gơrê mơ Kơnràñ; Bol he la làng bol Kơnràñ dê, la mpồl belàt ơm tòm ƀlàng ñhơt Kơnràñ dê.

Đơs Crih 119:3

Bol khai kung ò lơh tìs, Mơya lòt tòm ală gùng dà Kơnràñ dê.

Đơs Crih 138:8

Yàng Jehôwa rơp lơh wil tơl bơta Kơnràñ neh lơh nền gơwèt mơ añ; Ơ Yàng Jehôwa, bơta kòñ gơboh kơ̆ dơn Kơnràñ dê gam sùm sùm. Dan bañ sang lòi ală broă tê Kơnràñ dê.

Đơs Crih 51:10

Ơ Yàng Tom Trồ, dan crơng gơs tòm añ dô nơm nùs sàng goh; Mơ ơn tòm añ dô nơm hwềng nùs pa mơ song ngan.

Đơs Crih 81:13

Ô! Kơp kòñ làng bol Añ jê iat jơnau Añ, Kơp kòñ Israel lòt tòm ală gùng dà Añ jê!

Esai 19:25

Yàng Jehôwa Gơnap Gơnoar Dờng rơp ai lơngai bol khai in mơ đơs lah: “Lơngai Ejiptơ in la làng bol Añ jê, Asiri in la broă lơh tê Añ jê, mơ Israel in la phan jơtài Añ jê.”

Esai 29:23

Bơh tòm tŭ khai gŏ ală kòn sau khai dê, broă lơh tê Añ jê digùl khai, bol khai rơp prap gàr sơnđan Añ sàng goh; bol khai rơp lơh sàng goh Bơtau Sàng Goh Jakôp dê, mơ duh rngòt di Yàng Tom Trồ Israel dê.

Esai 43:21

Hơ̆ la làng bol mơ Añ neh mòn gơs să tòm Añ in nàng bol khai rơp yal tơlik bơta jòng ro Añ.

Esai 43:7

hơ̆ la kòp nă cau geh tơmoh bơh sơnđan Añ, la ală cau mơ Añ neh crơng gơs bơta gơklŏ Añ in; ală cau Añ neh mòn gơs mơ neh lơh gơs.”

Esai 44:21

Ơ Jakôp, kah tĕ ală bơta do, ơ Israel, bơh mê la cau duh broă Añ jê. Añ neh lơh gơs mê, mê la cau duh broă Añ jê; ơ Israel, Añ rơp ò hŭi mê.

Esai 60:21

Gen jơh làng bol mê dê rơp geh song ring, mơ bol khai rơp dòp geh lơgar gam sùm sùm. Bol khai la sơmbut Añ neh tam, la broă tê Añ neh lơh gơs nàng ràng tơlik bơta gơklŏ Añ jê.

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Jeremi 31:33

Yàng Jehôwa đơs: “Do la bơta ho bal mơ Añ rơp bơtào bal mơ hìu Israel tơnơ̆ mơ ală ngai hơ̆. Añ rơp ơn bơta boh lam Añ tòm dơngoh bol khai mơ cih tòm nùs bol khai. Añ rơp lơh gơs Yàng Tom Trồ bol khai, bol khai rơp lơh gơs làng bol Añ jê.

Mathiơ 5:16

Behơ̆, bơta àng bol mê dê pơnđàng tĕ di đap ală cau, nàng bol khai in gŏ ală broă niam bol mê dê, mơ jòng ro Bèp bol mê ơm hơđang trồ.”

Jang 3:21

Mơya cau lơi lơh jat jơnau song, gen lòt tus hơ bơta àng, nàng ală broă khai neh lơh tòm Yàng Tom Trồ geh yal tơlik.”

Broă 9:31

Behơ̆ Hìu Jum Goh tòm làm jơh kơnhwàl Jude, Galile, mơ Samari geh ring lơngai, bơt bơtào, mơ lòt tòm bơta duh rngòt di Yàng, mơ kơnòm di Yàng Hwềng Goh dong kòl, gen khà cau dòn sơlo ngai geh gơbơtơl tai.

Broă 9:36

Tòm ƀòn dờng Jôppe, gơs dô nă cau ùr sơnđan la Tabitha, cih tơlik hơ̆ la Dorkas la cau bơtê; khai lơh oă broă lơbơn niam mơ jak pà gòi cau rƀah lơòi in.

Rôma 8:1

Gen tàng tŭ do ò gơs bơta lơh nền glài di ală cau ơm tòm Yàng Krist Jesu

Rôma 8:29

Bơh ală cau Kơnràñ neh git lài, gen Kơnràñ kung neh lơh nền lài nàng bol khai in gơlik gơs be rùp să Kòn Kơnràñ dê, tồ Kòn hơ̆ lơh gơs kòn tơnhoa ơm digùl oă oh mi;

I Kôrintô 3:9

Bơh bol hi la bơyô lơh broă bal mơ Yàng Tom Trồ; oh mi la sre Yàng Tom Trồ dê, mơ hìu Yàng Tom Trồ dê.

II Kôrintô 5:17

Behơ̆ dilah cau lơi ơm tòm Bơtau Krist, hơ̆ la cau neh crơng gơs pa; ală bơta yau neh roh rau, do ală bơta gơlik gơs pa lơm.

II Kôrintô 5:5

Yàng Tom Trồ la Bơtau neh rcang lài bol he in geh bơta hơ̆, kung neh ai Yàng Hwềng bol he in nàng lơh gơs phan ai bồ.

II Kôrintô 9:8

Yàng Tom Trồ gơs gơnoar ai jơh ală bơta lơngai lơngò tơngkah tơngkañ hơđang oh mi, tồ oh mi in geh tơl ală bơta pal càng, mơ gam gơs tơngkah tơngkañ nàng lơh jơh ală broă niam.

Galati 6:15

Bơh bơta dờng màng ò di la kong siat gơltau hala ò kong siat gơltau, mơya la gơlik gơs cau pa.

Ephesô 1:1

Pol la cau gơnoar bơto dờng bơh Yàng Krist Jesu jat nùs kòñ Yàng Tom Trồ dê, pơyoa ală cau sàng goh in tòm Ephesô mơ ală cau dòn song tòm Yàng Krist Jesu:

Ephesô 1:4

Lài mơ tŭ crơng gơs trồ tiah Kơnràñ neh sac rwah bol he tòm Bơtau Krist, nàng bol he in geh sàng goh, ò gơs tiah geh lah pơrhơng di đap Yàng Tom Trồ.

Ephesô 2:13

Bulah oh mi bơh lài òr la cau ơm ngài, mơya tŭ do tòm Yàng Krist Jesu oh mi neh geh cèng tus rềp, kơnòm di mhàm Bơtau Krist dê.

Ephesô 2:15

Bơh kơnòm di poac să Kơnràñ dê mơ Kơnràñ neh tơnroh bơta boh lam bal mơ bơta sồr lam mơ gơnoar sồr gơ dê, nàng ai bàr đah mơ crơng gơs dô nă cau pa tòm să tòm Kơnràñ, tồ lơh gơtòmsòr bal.

Ephesô 2:2

la ală bơta lài òr oh mi lơh jat bơta òs mòng dunnia do, jat bơtau gơnoar at bồ dê tòm pah gòi, hơ̆ la cà tŭ do at bồ tòm ală cau ò dòn bơr Yàng.

Ephesô 2:6

Yàng Tom Trồ neh lơh bol he in kis wơl bal mơ Yàng Krist Jesu, mơ nggui bal mơ Kơnràñ hơđang trồ,

Ephesô 4:1

Behơ̆, añ la cau ơm jàm tài bơh Yàng, rac dan oh mi pal kis dô bă di pal mơ bơta hòi sac mơ Yàng neh hòi sac oh mi.

Ephesô 4:24

mơ dòp soh cau pa, la cau neh geh crơng gơs jat be Yàng Tom Trồ tòm bơta song ring mơ bơta sàng goh jơnau song dê.

Yal Wơl 32:6

Ơ làng bol bơrngơl gơla mơ ò kwơ, bol mê tơm wơl Yàng Jehôwa in behơ̆ ơ?” Kơnràñ ò di la Bèp bol mê dê la Bơtau Crơng gơs, Bơtau mòn gơs mơ bơtào gơs bol mê ò ơ?

Yal Wơl 5:33

Lòt tĕ tòm jơh ală gùng dà mơ Jehôwa Yàng Tom Trồ bol mê dê neh sồr bol mê tồ bol mê in geh kis, geh bơtoah bơtoài mơ geh ơm jŏ jòng tòm lơgar mơ bol mê rơp dòp geh.”

Philip 1:6

Añ dòn nền ngan lah Bơtau neh sơntòm lơh broă niam tòm ală oh mi kung rơp lơh wil tơl jơl tus di ngai Yàng Krist Jesu dê.

Philip 2:13

Bơh Yàng Tom Trồ la Bơtau lơh broă tòm oh mi, nàng oh mi gơs nùs kòñ mơ lơh jat bơta niam nùs Kơnràñ dê.

Kôlôse 1:10

tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.

Kôlôse 3:10

mơ neh soh cau pa, la cau geh tòmgơl pa jat rùp să Bơtau neh crơng gơs cau hơ̆, nàng geh tus hơ bơta dòp git Yàng Tom Trồ.

II Tesalônika 2:17

pơndòm pơniang nùs oh mi dê, lơh oh mi in gơs kơ̆ nền tòm jơh ală broă niam mơ jơnau đơs niam.

I Timôthe 2:10

mơya ai broă niam nàng sơmpô să, sồng di pal mơ cau ùr sơnđan is să he la cau ùr duh rngòt di Yàng Tom Trồ.

I Timôthe 5:10

la cau ùr gơs pơnro niam bơh broă niam khai dê, kung be neh ròng kòn sau, git wă rò nac crih, rào jơng ală cau sàng goh, dong kòl cau rƀah dồn sa, mơ jơh nùs lơh tơl ală broă niam.

I Timôthe 5:25

Kung behơ̆ sơl, gơs broă niam geh ràng tơlik loh làng, mơ kung gơs broă òhềt geh ràng tơlik, mơ tơnơ̆ wơl kung ò rgơi pồn ndơp sơl.

I Timôthe 6:18

Bơto kràñ cê bol khai in pal lơh bơta niam, pas gơs tòm broă niam, rcang sir ai gòi mơ chò hòp tòmpà phan he dê cau in ƀà,

II Timôthe 2:21

Dilah cau lơi lơh goh is să he bơh di ală broă iơh bơsak hơ̆, gen rơp be gri dờng màng geh gơlik gơs sàng goh, gơs kwơ cau tòm in mơ neh rcang sir ală broă niam in.

II Timôthe 3:17

tồ cau Yàng Tom Trồ dê geh wil tơl, mơ rcang sir wil tơl nàng lơh jơh ală broă niam.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Sră Pơyoa Pol Dê Pơyoa Tit In 2:7

Tòm jơh ală bơta ai tĕ să tòm mê nàng lơh krơh bol khai in bơh broă niam, tòm bơta bơto sồr mê dê pal gơs sàng goh song ring, kràñ cê,

Sră Pơyoa Pol Dê Pơyoa Tit In 3:1

Tơngkah tĕ ală cau dòn jat Yàng pal dòn duh ală cau kwang mơ cau gơnoar at bồ, pal dòn bơr, rcang sir nàng lơh jơh ală broă niam,

Sră Pơyoa Pol Dê Pơyoa Tit In 3:14

Ală cau bal mơ bol he kung pal bơtê lơh ală broă niam, nàng dong kòl tòm tŭ pal càng, tồ bañ kis dô rài kis ò gơlik cồng nha.

Sră Pơyoa Pol Dê Pơyoa Tit In 3:8

Jơnau hơ̆ la nền cê ngan, añ kòñ mê đơs nền ală bơta hơ̆ dô bă pràn kơldang tồ ală cau in neh dòn jat Yàng Tom Trồ gen jơh nùs tơryang tơryồng lơh ală broă niam, hơ̆ la ală bơta niam mơ gơs kwơ cau in.

Hebrơ 10:24

Bol he pal kah kơlôi bal mơ gơp, nàng tòmchồl bal tòm bơta kòñ gơboh mơ ală broă niam.

Hebrơ 13:21

lơh oh mi in wil tơl tòm jơh ală broă niam nàng lơh jat nùs kòñ Kơnràñ dê, mơ kơnòm di Yàng Jesu Krist mơ lơh gơs bơta niam nùs Kơnràñ tòm oh mi. Dan bơta gơklŏ gơrê hơ Kơnràñ jơl tus sùm sùm ò lồi! Amen.

I Pier 2:12

Pal lơh lòt dô bă di pal digùl ală cau làng bol bơdìh, nàng bulah bol khai òs dơñŏ tơnhial di oh mi be cau lơh iơh, mơya bol khai rơp gŏ broă niam oh mi dê mơ jòng ro Yàng Tom Trồ tòm ngai Yàng tus.

I Jang 1:7

Mơya dilah bol he lòt tòm bơta àng kung be Kơnràñ ơm tòm bơta àng, gen bol he gơs gơtòmklac bal mơ gơp; mơ mhàm Yàng Jesu dê, Kòn Kơnràñ, rào goh jơh ală tồi glài bol he dê.

I Jang 2:6

Cau lơi đơs lah he ơm sùm tòm Yàng Jesu, gen cau hơ̆ kung pal lơh lòt be Kơnràñ neh lơh lòt sơl.