Ephesô 1:23 - Sră Goh 2018

²³ Hìu Jum Goh la să jan Kơnràñ dê, tòm hơ̆ gơs bơta lìu làc Bơtau Krist dê, la Bơtau gơs bơta bềng tơl tòm jơh ală bơta.

Ephesô 1:23 ပူးပေါင်းရင်းမြစ်များ

Jang 1:16

Bơh tòm bơta lìu làc Kơnràñ dê, jơh ală bol he neh dòp geh bơta nđàc bơtơl hơđang bơta nđàc.

Rôma 13:5

Behơ̆, tàng pal dòn duh, ò di mìng rngòt di bơta gơjrañ dờng lơm, mơya kung tài bơh nùs tồr sơl.

I Kôrintô 12:6

Ală broă lơh ò di la ndròm bal, mơya gơs mìng dô nă Yàng Tom Trồ la Bơtau lơh jơh ală broă tòm jơh ală cau.

I Kôrintô 15:28

Mơya tòm tŭ jơh ală phan neh ơn hơđơm bơta at bồ Bơtau Krist dê, gen să tòm Kơnràñ la Kòn kung rơp dòn duh Yàng Tom Trồ la Bơtau neh ơn jơh ală phan hơđơm Kơnràñ, mơ Yàng Tom Trồ rơp at bồ wil tơl hơđang jơh ală bơta.

Ephesô 2:16

Bơh chi pơng mơ Kơnràñ lơh bàr đah in gơtòmsòr wơl mơ Yàng Tom Trồ tòm dô nơm să jan, bơh bơta hơ̆ Kơnràñ neh tơnroh bơta tòmsò rau.

Ephesô 3:10

Behơ̆ gen, gan di Hìu Jum Goh nàng yal tơlik ală gơnoar at bồ mơ ală gơnoar hơđang trồ in git bơta jak chài ò git lơh Yàng Tom Trồ dê.

Ephesô 3:19

mơ geh git bơta kòñ gơboh Bơtau Krist dê la rlau mơ bơta git wă, tồ oh mi in geh bềng lìu bơta bềng tơl Yàng Tom Trồ dê.

Ephesô 4:10

Bơtau neh mù la să tòm Bơtau neh guh hơđang jơh ală tap trồ nàng lơh bềng lìu jơh ală bơta.

Ephesô 4:12

tồ lơh cau sàng goh in gơlik gơs wil tơl tòm ală bơta duh broă Yàng Tom Trồ, mơ tòm bơta bơt bơtào să jan Bơtau Krist dê,

Ephesô 4:13

jơl tus di tŭ jơh tơl nă bol he tus dê bơta dô bă bal bơta dòn dê, mơ bơta git jak bơh Kòn Yàng Tom Trồ, mơ gơlik gơs cau dờng, geh sơnoa be rùp să jat bơta bềng tơl Bơtau Krist dê,

Ephesô 4:4

Gơs mìng dô nơm să jan, dô nă Yàng Hwềng, kung be oh mi neh geh hòi sac tus tòm dô bơta gơn kơnòm gơrê bal mơ bơta hòi sac oh mi dê.

Kôlôse 1:24

Tŭ do añ hòn chò bơh bơta añ kong jê sồt bòl glar bơh oh mi, mơ bơh să jan Bơtau Krist dê la Hìu Jum Goh, añ ơn poac să añ nàng kong pơnah gam siơ̆u tòm bơta bòl glar Kơnràñ dê.

Kôlôse 2:19

ò sơmbat kơ̆ di Bồ. Kơnòm di Bồ hơ̆ jơh să jan geh ròng siam mơ gơtòmklĕ bal bơh ală tiah tơrbŏ mơ ală ară, mơ geh dờng jat bơta lơh nền Yàng Tom Trồ dê.

Kôlôse 3:11

Tềng do ò tai gơs cau Grek, cau Juda, cau siat gơltau hala cau ò siat gơltau, cau ò git jơnau, cau Sithe, cau dĭ gơna hala cau khat gơboh, mơya Bơtau Krist la jơh ală bơta mơ tòm jơh ală bơta.

Kôlôse 3:15

Lòi tĕ bơta lơngap lơngai Bơtau Krist dê at bồ tòm nùs oh mi, la bơta lơngap lơngai mơ oh mi neh geh hòi tus tòm dô nơm să jan; kung gơs tĕ nùs ưnngài.