Ephesô 1:15 - Sră Goh 2018

¹⁵ Tài behơ̆, tơnơ̆ mơ tŭ añ neh kơno bơh oh mi gơs bơta dòn di Yàng Jesu, mơ bơta kòñ gơboh oh mi dê gơwèt mơ jơh ală cau sàng goh,

Ephesô 1:15 ပူးပေါင်းရင်းမြစ်များ

Đơs Crih 16:3

Ai ală cau sàng goh tòm ù tiah, bol khai la cau dờng màng; Añ gơs bơta hừh nùs dê bol khai.

Broă 20:21

Bơto tơnggit cau Juda kung be cau Grek in bơh bơta gơjrañ sang glài gơwèt hơ Yàng Tom Trồ mơ bơta dòn di Yàng Jesu Krist la Yàng bol he dê.

Rôma 1:8

Sơnròp ngan, añ kơnòm di Yàng Jesu Krist mơ ưnngài Yàng Tom Trồ añ jê bơh jơh ală oh mi, bơh bơta dòn oh mi dê neh pơnro làm jơh dunnia.

Galati 5:6

Bơh tòm Yàng Krist Jesu, bơta siat gơltau hala ò siat gơltau kung ò gơs kwơ, mơya bơta dòn geh yal tơlik bơh broă lơh tòm bơta kòñ gơboh sồng gơs kwơ.

Ephesô 1:1

Pol la cau gơnoar bơto dờng bơh Yàng Krist Jesu jat nùs kòñ Yàng Tom Trồ dê, pơyoa ală cau sàng goh in tòm Ephesô mơ ală cau dòn song tòm Yàng Krist Jesu:

Ephesô 3:18

Añ dan oh mi bal mơ jơh ală cau sàng goh rgơi git wă bơta ơnàng, bơta jòng, bơta jơnhoa, bơta jrô bơta kòñ gơboh Bơtau Krist dê la mbe lơi,

I Tesalônika 1:3

bơh di đap Yàng Tom Trồ la Bèp bol he dê, bol hi kah sùm bơh tơngai broă bơta dòn dê, bơta kong bòl glar lơh broă nùs kòñ gơboh dê, mơ ntào kơ̆ tòm bơta gơn kơnòm oh mi dê tòm Yàng Jesu Krist bol he dê.

I Tesalônika 4:9

Bơh bơta kòñ gơboh bal oh mi dê, gen ò càng cau lơi cih oh mi in, bơh să tòm oh mi neh geh Yàng Tom Trồ bơto lah pal kòñ gơboh bal mơ gơp;

II Tesalônika 1:3

Ơ oh mi, bol hi pal bơh oh mi mơ ưnngài Yàng Tom Trồ sùm sùm, mơ bơta hơ̆ la pal ngan, bơh bơta dòn oh mi dê gơbơtơl oă ngan, mơ nùs kòñ gơboh bal mơ gơp kòp nă cau dê tòm jơh ală oh mi sơlo ngai sơlo bơtơl tai,

I Timôthe 1:14

Mơ bơta nđàc Yàng bol he dê neh tơngkah tơngkañ oă ngan bal mơ bơta dòn mơ bơta kòñ gơboh tòm Yàng Krist Jesu.

I Timôthe 1:5

Tơnggume bơta bơto kràñ cê hơ̆ la bơta kòñ gơboh bơh nùs sàng goh, nùs tồr niam mơ bơta dòn song ngan.

Philemôn 1:5

bơh añ kơno bơh nùs kòñ gơboh mơ bơta dòn bi dê gơwèt mơ Yàng Jesu, mơ gơwèt mơ jơh ală cau sàng goh.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

I Jang 3:17

Dilah cau lơi gơs phan mơna dunnia dê, mơ gŏ oh mi he rƀah lơòi, mơ ò gơs nùs ơnàng, gen nùs kòñ gơboh Yàng Tom Trồ dê mbe rgơi ơm tòm cau hơ̆ taih?

I Jang 4:21

Bol he neh dòp bơh Kơnràñ bơta sồr lam do: Cau lơi kòñ gơboh di Yàng Tom Trồ gen kung pal kòñ gơboh di oh mi he sơl.