Ejra 9:9 - Sră Goh 2018

⁹ Bơh bol hi la ală cau dĭ, bulah behơ̆ Yàng Tom Trồ bol hi dê ò sang lòi bol hi tòm bơta ơm dĭ bol hi dê. Mơya neh ràng tơlik bol hi in bơta kòñ gơboh kơ̆ dơn Kơnràñ dê di đap ală cau bơtau lơgar Persia dê, nàng ai bol hi in rài kis pa, nàng bơtào wơl hìu Yàng Tom Trồ bol hi dê mơ rcang niam wơl ală tiah tơrlah tơrling gơ dê, mơ ai bol hi in dô nơm dơrñang tòm Juda mơ Jerusalem.

Ejra 9:9 ပူးပေါင်းရင်းမြစ်များ

Ejra 2:68

Tòm tŭ bol khai neh tus hơ hìu Yàng Jehôwa di tòm Jerusalem, gen gơs cau ƀà tòm ală cau at bồ hìu nhă ơn ală phan ơn jat nùs kòñ nàng bơt wơl hìu Yàng Tom Trồ dê hơđang mơnàng yau gơ dê.

Ejra 7:6

hơ̆ la Ejra do neh rê bơh Babilôn. Khai la dô nă cau git jak tòm bơta boh lam Môise dê, mơ Yàng Jehôwa la Yàng Tom Trồ Israel dê neh ai khai in; mơ bơtau neh ai khai in jơh ală bơta khai neh dan, tài bơh tê Yàng Jehôwa la Yàng Tom Trồ khai dê ơm hơđang khai.

Ejra 7:8

Bol khai tus hơ Jerusalem tòm kơnhai pram, nam dơ̆ poh rài bơtau hơ̆ dê.

Ejra 9:10

Mơ tŭ do, ơ Yàng Tom Trồ bol hi dê, ñchi jơnau bol hi pal đơs tơnơ̆ mơ ală bơta do taih? Bơh bol hi neh sang lòi ală bơta sồr lam Kơnràñ dê,

Nehemi 2:17

Gen añ đơs mơ bol khai lah: “Bol mê gŏ ală bơta bòl glar bol he dê, mbe Jerusalem neh tơrlah jơh, mơ ală mpồng gơ dê neh ồs sa. Tus tĕ bol he bơt wơl ală dơrñang Jerusalem dê, nàng bol he ò tai ơm tòm bơta jê sồt sền òsơp.”

Nehemi 9:17

bol khai ò bài dòn bơr mơ kung ò kah ală broă crih crài mơ Kơnràñ neh lơh digùl bol khai. Mơya tòm bơta pơrlơ̆ dră bol khai dê, neh sac rwah dô nă cau nàng lam bol khai rê wơl hơ tiah ơm dĭ bol khai dê. Mơya Kơnràñ la Yàng Tom Trồ rcang sir nàng toh glài, gơs bơta nđàc mơ bơta nđàc sơngit, òbat gơhào gơjrañ mơ bềng bơta kòñ gơboh. Kơnràñ neh ò sang lòi bol khai.

Đơs Crih 109:12

Bañ gơs cau lơi kòñ nđàc di khai, Bañ gơs cau lơi nđàc sơngit di ală kòn đòi khai dê!

Đơs Crih 138:7

Bulah añ lòt digùl bơta gơlòng bòl glar, Yàng sền gàr bơta kis añ jê; Kơnràñ pò tê tòmdră di bơta gơjrañ dờng cau sò tơm di añ, Mơ tê ma Yàng dê dong tă añ.

Esai 14:3

Tòm tŭ Yàng Jehôwa ai bol mê in rlô bòl, bơh bơta jê sồt, dơrcul, lơh broă kơnjơ̆ bơh dê ală cau rồn bơklơn mê,

Esai 5:2

Khai tò ù mơ tă sang jơh ală lŭ, mơ tam tềng hơ̆ ală tòm ño niam rlau jơh. Khai bơt dô nơm theng kơp gàr tòm hơ̆, mơ tò dô nơm trồm pat ño tòm hơ̆. Gen khai kơp gơn gơlik oă plai ño niam, mơya gơ gơlik plai ño brê.

Esai 5:5

Tŭ do, Añ rơp yal bol mê in bơta Añ rơp lơh di suơn ño Añ jê: Añ rơp tă sang pơnggàr gơ dê, mơ gơ rơp kong sa loan; Añ rơp sòr tơrlah dơrñang gơ dê, mơ gơ rơp kong jă trơm.

Esai 61:4

Bol khai rơp bơt wơl ală tiah tơrlah tơrlơm yau òr, mơ bơtào wơl ală tiah gơkòl tơnroh jŏ jòng rau; bol khai rơp bơtào wơl ală ƀòn dờng neh tơrlah tơrlơm gơkòl tơnroh bơh oă rài rau.

Ejekiel 11:16

Behơ̆ gen, đơs tĕ lah: ‘Yàng Jehôwa At Bồ Hơđang Jơh đơs be do: Bulah Añ neh cèng bol khai tus di tiah ngài digùl ală làng bol, neh lơh bol khai in gơprah gơpring tòm ală lơgar, Añ kung gam la tiah sàng goh bol khai in tòm dô êt jŏ tòm ală lơgar mơ bol khai neh lòt tus.’

Daniel 9:25

Mê git tĕ mơ wă loh bơh di tŭ tơlik jơnau gơnoar sồr rcang wơl mơ bơt wơl Jerusalem jơl tus di tŭ tus Bơtau geh bong mơñà, hơ̆ la bơtau at bồ, gen geh poh poh, mơ prau jơt bàr nơm poh. Ƀòn dờng hơ̆ rơp geh bơt wơl tòm tŭ tơngai bòl glar kalke, gơs gùng dờng mơ rbòng dà lơh gơs pơnggàr gùt dar.

Sră Age 1:9

‘Bol mê kơp kòñ oă, mơya sền do, bol mê mìng geh dô êt. Ñchi bơta bol mê cèng tơmut tòm hìu gen Añ khồm roh thit. Ñchi bơh tài behơ̆ taih?’ Yàng Jehôwa Gơnap Gơnoar Dờng Làm Jơh đơs lah: ‘Hơ̆ la tài bơh hìu Añ gam sang lòi tơrlah tơrling, tòm tŭ kòp nă bol mê giga bơt hìu is he dê.

Sacari 2:5

Yàng Jehôwa đơs: bơh Añ rơp la dơrñang ồs gùt dar gơ, mơ Añ rơp la bơta gơklŏ tòm gơ.”