Ejra 9:8 - Sră Goh 2018

⁸ Mơya tŭ do, bơh tŭ tơngai liah ngan, bơta nđàc neh geh yal tơlik bơh Jehôwa Yàng Tom Trồ bol hi dê, la Bơtau neh lòi bol hi gam wơl mơ ai bol hi dô nơm phan ai bồ tòm tiah sàng goh Kơnràñ dê, nàng Kơnràñ pơnđàng àng mat bol hi in, mơ ai bol hi in phan sa bơkah tòm bơta ơm dĭ bol hi dê.

Ejra 9:8 ပူးပေါင်းရင်းမြစ်များ

II Ală Bơtau 19:4

Digơlan Jehôwa Yàng Tom Trồ ồng neh kơno ală jơnau Rapsake, mơ bơtau Asiri, cau tòm khai, neh sồr khai tus srat rma Yàng Tom Trồ kis gam sùm sùm, mơ Jehôwa Yàng Tom Trồ ồng rơp lơh glài ală jơnau Kơnràñ neh kơno. Behơ̆, dan hòi dan tĕ ala ală cau gam kis in.’”

Ejra 9:9

Bơh bol hi la ală cau dĭ, bulah behơ̆ Yàng Tom Trồ bol hi dê ò sang lòi bol hi tòm bơta ơm dĭ bol hi dê. Mơya neh ràng tơlik bol hi in bơta kòñ gơboh kơ̆ dơn Kơnràñ dê di đap ală cau bơtau lơgar Persia dê, nàng ai bol hi in rài kis pa, nàng bơtào wơl hìu Yàng Tom Trồ bol hi dê mơ rcang niam wơl ală tiah tơrlah tơrling gơ dê, mơ ai bol hi in dô nơm dơrñang tòm Juda mơ Jerusalem.

Nehemi 1:11

Ơ Yàng Jehôwa, dan iat jơnau hòi dan dĭ gơna Kơnràñ dê mơ jơnau hòi dan ală cau hòn chò duh rngòt di sơnđan Kơnràñ. Dan ai bơta bơtoah bơtoài cau duh broă Kơnràñ in tòm ngai do, mơ ai cau bơtau in gơs nùs nđàc sơngit di đap añ do.” Mơ tai, tŭ hơ̆ añ la cau yò ñô bơtau in.

Nehemi 9:31

Mơya tài bơh nùs nđàc sơngit dờng ngan Kơnràñ dê gen Kơnràñ neh ò tơnroh bol khai, kung ò sang bol khai sơl; tài bơh Kơnràñ la Yàng Tom Trồ kòñ nđàc mơ nđàc sơngit.

Sră Jop 33:30

Cèng wơl hwềng soàn bol khai wơl bơh di bơtô ƀồc, Tồ bol khai in gŏ bơta àng bơta kis dê.

Đơs Crih 13:3

Ơ Yàng Jehôwa la Yàng Tom Trồ añ jê, dan sền sơwì mơ ho wơl añ, Mơ lơh mat añ in gơs àng, rngòt añ bic tòm bơta bic chơt mòn;

Đơs Crih 13:4

Rngòt cau sò tơm di añ đơs lah: “Añ neh pha rlau mơ khai.” Mơ ală cau sòdră di añ hòn chò tòm tŭ añ wañ lơnggơh.

Đơs Crih 138:7

Bulah añ lòt digùl bơta gơlòng bòl glar, Yàng sền gàr bơta kis añ jê; Kơnràñ pò tê tòmdră di bơta gơjrañ dờng cau sò tơm di añ, Mơ tê ma Yàng dê dong tă añ.

Đơs Crih 34:5

Tơnggòr sền tĕ Kơnràñ mơ gơs tĕ muh mat àng gơcrà, Gen muh mat bol mê dê ò gơs tŭ lơi ƀàssìl.

Đơs Crih 85:6

Yàng rơp ò lơh bol hi in kis wơl, Tồ làng bol Yàng dê geh hòn chò tòm Yàng sơl ơ?

Jơnau Pơnđik 29:13

Cau rƀah rƀừp mơ cau rồn bơklơn cau gen tòmtìp bal; Yàng Jehôwa lơh àng mat jơh bàr đah.

Cau Bơto 12:11

Jơnau đơs cau jak chài dê be dô nơm mơng pù tơmàl; be dô nơm đìn pơng kơ̆ ngan ală jơnau rơndap ală sèng pơnđik dê, neh geh ai gơ bơh dô nă cau ê belàt.

Esai 1:9

Dilah Yàng Jehôwa Gơnap Gơnoar Dờng Làm Jơh ò lòi wơl bol he in dô êt nă cau gam kis, gen bol he rơp gơlik gơs be Sôdôm, mơ tòm toh be Gômôrơ.

Esai 14:3

Tòm tŭ Yàng Jehôwa ai bol mê in rlô bòl, bơh bơta jê sồt, dơrcul, lơh broă kơnjơ̆ bơh dê ală cau rồn bơklơn mê,

Esai 56:5

Añ rơp ai dô bă tiah tòm hìu duh khoai Añ jê, mơ tòm dơlam ală dơrñang gơ dê, dô bơta kah kirsơnre, dô nơm sơnđan niam rlau mơ ală kòn klau mơ kòn ùr; Añ rơp ai bol khai in dô nơm sơnđan gam sùm sùm mơ rơp ò gơs tŭ lơi lồi.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 6:13

Bulah dô pơnah jơt gam ơm tòm lơgar, gơ rơp kong chu tai. Be tòm nho hala tòm cha, tơnggu gơ gam ơm ntào, tòm tŭ cau kơl gơ. Gar sơntìl sàng goh la tơnggu gơ dê.”

Jeremi 42:2

neh tus đơs mơ Jeremi lah: “Dan dòp jơnau bol hi dan, mơ hòi dan ala mơ Jehôwa Yàng Tom Trồ ồng dê bol hi in, hơ̆ la ală cau gam wơl in. Mơ tai, bol hi bơh lài ngan la oă cau, ngai do gam wơl dô êt ngan, kung be mat ồng neh gŏ.

Jeremi 44:14

tian gơs tòm ală cau Juda gam wơl lòt tus ơm tòm Ejiptơ, gen ò gơs cau lơi lik klàs, hala gam kis, nàng rê wơl hơ lơgar Juda. Bulah bol khai kòñ ngan rê wơl kis tềng hơ̆, bol khai rơp ò rê wơl, mìng la dô êt nă cau neh dô klàs lơm.’”

Ejekiel 14:22

Bulah behơ̆ kung gơs dô êt nă cau gam kis, hơ̆ la ală kòn klau mơ ală kòn ùr rơp geh tă tơlik bơh hơ̆, bol khai rơp lòt tus hơ mê, mơ tòm tŭ mê gŏ gùng dà bol khai dê mơ broă lơh bol khai dê, gen mê rơp geh pơndòm pơniang gơwèt hơ bơta rung rài mơ Añ neh tơndùh hơđang Jerusalem, bơh jơh ală bơta Añ neh tơndùh hơđang gơ.

Sră Ôse 6:2

Tơnơ̆ mơ bàr ngai, Kơnràñ rơp lơh bol he in kis wơl, tòm ngai pe Kơnràñ rơp tơngguh bol he, tồ bol he in kis di đap Kơnràñ.

Habakuk 3:2

Khoai Yàng Jehôwa! Añ neh kơno bơh bơta tiơng pơnro Kơnràñ dê; Ơ Yàng, añ rngòt rngơt ngan bơh ală broă lơh Kơnràñ dê. Dan lơh pa wơl ală broă hơ̆ tòm rài bol hi dê, Dan yal cau in git gơtòm tŭ tơngai bol hi dê; Tòm tŭ Kơnràñ gơjrañ dờng, dan kah wơl bơta nđàc sơngit!

Sôphôni 3:12

Mơya Añ rơp lòi wơl digùl bol mê ală cau lơbơn niam mơ tơnliah să. Bol khai rơp jòi jat mơ kìng crŭ tòm sơnđan Yàng Jehôwa dê.

Sacari 10:4

Bơh di Juda rơp tus lŭ mum hìu, bơh di khai rơp gơs jơrmơng sơntơp sàl, bơh di khai rơp gơs àtak tòmlơh, bơh di khai rơp gơs jơh ală cau at bồ.

Sacari 8:12

“Bơh rơp gơs dô nă cau sih bơta ring lơngai; gar sơntìl rơp hòn niam, tòm ño rơp tơnggơs plai gơ dê, ù tiah rơp tơnggơs plai đo, ală tap trồ rơp dùh dà mơryuh. Añ rơp ai jơh ală bơta do lơh gơs sre brê ală cau gam wơl tòm làng bol do.

Sacari 8:6

Yàng Jehôwa Gơnap Gơnoar Dờng Làm Jơh đơs be do: “Tian gơs bơta hơ̆ sền gơlơh kung be broă ò rgơi lơh gơs di đap ală làng bol gam wơl tòm ală ngai do, mơ bơta hơ̆ kung gơlơh be ò rgơi gơlik gơs gơwèt mơ Añ sơl ơ?” Yàng Jehôwa Gơnap Gơnoar Dờng Làm Jơh đơs behơ̆.

Rôma 9:27

Ai Esai đơs bơh làng bol Israel mơ hòi driau lah: “Bulah ntum khà kòn sau Israel be bràs tòm dàlềng, mơya mìng dô pơnah gam wơl rơp geh dong klàs;

Yal Tơlik 3:12

Cau lơi geh pha lin rlau, gen Añ rơp lơh khai in gơlik gơs dô nơm jrong tòm hìu duh khoai Yàng Tom Trồ Añ jê, mơ khai ò gơs tŭ lơi lik bơh tềng hơ̆ tai. Añ rơp cih hơđang khai sơnđan Yàng Tom Trồ Añ jê, sơnđan ƀòn dờng Yàng Tom Trồ Añ jê, la Jerusalem pa hơđang trồ bơh Yàng Tom Trồ Añ jê mơ mù, bal mơ sơnđan pa Añ jê.

I Samuel 14:27

Mơya Jônathan ò kơno la bèp khai neh kơt làng bol tòm jơnau srat să, gen khai ai gai jra at tòm tê mơ iurŭ cồng gơtòm sìng lơwe. Khai sa liap dà lơwe mơ mat khai gơlik àng loh.

I Samuel 14:29

Jônathan đơs lah: “Bèp añ neh lơh bòl glar di lơgar. Sền tĕ mbe lơi gar mat añ jê neh àng loh tòm tŭ añ sa liap dô êt dà lơwe do.