Ejra 9:7 - Sră Goh 2018

⁷ Bơh tòm ală ngai ồng pàng bol hi dê jơl tus di ngai do, bol hi neh ndơp tòm bơta tồi glài, mơ bơh ală bơta tồi glài bol hi, mơ ală cau bơtau, mơ ală cau gơnoar ơn phan duh khoai bol hi dê neh kong jào ală bơtau tòm lơgar in, tơnroh mơ đào mơ kong kup cèng, kong cau phà kơñau mơ kong ƀàssìl be neh gơs ngai do.

Ejra 9:7 ပူးပေါင်းရင်းမြစ်များ

I Ală Bơtau 8:47

dilah tòm lơgar mơ bol khai kong jàm, bol khai kơlôi sơnơng wơl, gơjrañ sang glài, mơ rac dan mơ Yàng lah: ‘Bol hi neh tìs glài, lơh bơta iơh bơsak, mơ lơh dô bă iơh rmơh;’

II Yal Yau 29:6

Bơh ồng pàng bol he dê neh ò dòn song mơ neh lơh bơta iơh di đap mat Jehôwa Yàng Tom Trồ bol he dê. Bol khai neh sang lòi Kơnràñ, mơ neh wèt muh mat bol khai dê ngài bơh di tiah ơm sùm sùm Yàng Jehôwa dê mơ wèt ngkòi bol khai dê.

II Yal Yau 30:7

Bañ lơh be ală ồng pàng mơ ală oh mi bol mê dê la ală cau ò dòn song mơ Jehôwa Yàng Tom Trồ ală ồng pàng bol khai dê, tian gơs Kơnràñ neh lơh bol khai in gơlik gơs dô bă tiah tơrlah tơrling be bol mê neh gŏ.

II Yal Yau 34:24

Do la jơnau đơs Yàng Jehôwa dê: ‘Añ rơp đùh bơta rung rài hơđang tiah do mơ hơđang làng bol gơ dê, hơ̆ la jơh ală jơnau srat sơntơm neh cih tòm dap sră do mơ neh geh sền di đap mat cau bơtau Juda dê.

Ejra 9:13

Tơnơ̆ mơ jơh ală bơta neh tus hơđang bol hi la bơh ală broă iơh bơsak bol hi neh lơh mơ tồi glài dờng bol hi dê; bulah behơ̆, ơ Yàng Tom Trồ bol hi dê, Kơnràñ ò lơh glài bol hi dô bă kơnjơ̆ di pal mơ tồi glài bol hi dê, mơ neh lòi bol hi in dô pơnah làng bol gam wơl be do.

Nehemi 9:30

Kơnràñ kong bol khai tòm oă nam, mơ hwềng Kơnràñ dê ơm hơđang ală cau gơnoar hwơr nàng lah pơrhơng bol khai; mơya bol khai ò bài wèt tồr iat. Gen tàng Kơnràñ neh jào bol khai tòm tê ală làng bol gùt dar dê.

Esai 64:4

Bơh di ală rài yau òr, ò gơs cau lơi neh kơno, kung ò gơs tồr lơi neh iat, ò gơs gar mat lơi neh gŏ gơs Yàng Tom Trồ lơi ndai rlau mơ Kơnràñ, neh lơh gơs broă ală cau in kơp gơn di Kơnràñ.

Jeremi 25:18

Ai Jerusalem mơ ală ƀòn Juda dê, ală bơtau mơ ală kwang at bồ gơ dê, lơh bol gơ in gơlik gơs tiah sang lòi ngềt ngơt, kong sền òsơp, kong srat sơntơm kung be ngai do;

Jeremi 3:25

Lòi bol hi bic tòm bơta ƀàssìl bol hi dê, mơ lòi bơta bơrsèl tơnhial jơm bol hi! Bơh bol hi bal mơ ồng pàng bol hi dê Neh tìs glài mơ Jehôwa Yàng Tom Trồ bol hi dê, Bơh tŭ gam kơnòm jơl tus di ngai do; Bol hi ò lơh jat jơnau Jehôwa Yàng Tom Trồ bol hi dê.”

Jeremi 32:23

Bol khai neh mut ai lơgar do lơh gơs sre brê, mơya bol khai ò dòn bơr Kơnràñ, ò lòt jat bơta boh lam Kơnràñ dê, ò lơh jat dô bơta lơi tòm ală bơta Kơnràñ neh nting sồr pal lơh jat. Tài behơ̆ tàng Kơnràñ neh dùh ală bơta rung rài do hơđang bol khai.

Jeremi 32:32

tài bơh bơta iơh bơsak mơ kòn sau Israel mơ kòn sau Juda neh lơh nàng bơrcek Añ gơjrañ, bol khai, cau bơtau, kwang at bồ, cau gơnoar ơn phan duh khoai, cau gơnoar hwơr, cau Juda mơ làng bol Jerusalem sơl.

Jeremi 44:22

Yàng Jehôwa ò jai kong tai, bơh broă lơh iơh rmơh bol mê dê mơ bơta cù kìr mơ bol mê neh tìs, gen tàng lơgar bol mê neh gơlik gơs tiah lòi srau, ngềt ngơt mơ dô bơta srat sơntơm, ò gơs làng bol ơm jơl tus di ngai do.

Jeremi 44:9

Bol mê neh hŭi bơta iơh ồng pàng bol mê dê, bơta iơh ală cau bơtau Juda dê, bơta iơh ală bau ùr cau bơtau dê, bơta iơh să tòm bol mê mơ bau ùr he dê neh tìs tòm lơgar Juda mơ tòm ală gùng Jerusalem ơ?

Ñìm Rac 5:7

Ồng pàng bol hi dê neh tìs glài, bol khai ò gam kis tai. Bol hi neh ơnòng tồi glài bol khai dê.

Ejekiel 11:9

Añ rơp tă tơlik bol mê bơh digùl ƀòn dờng do, mơ jào bol mê tòm tê làng bol lơgar bơdìh, mơ rơp lơh gơs bơta cahrña hơđang bol mê.

Ejekiel 39:23

Mơ ală làng bol rơp git la hìu Israel neh kong kup cèng pơrdô la tài bơh tồi glài bol khai dê, tài bơh khai ò dòn song mơ Añ. Behơ̆ Añ pồn mat Añ bơh di bol khai, mơ Añ neh jào bol khai tòm tê ală cau sò tơm bol khai dê, mơ jơh tơl nă bol khai neh gơpừ bơh đào.

Khà Làng Bol 32:14

Mơ tŭ do bol mê la ală kòn sau jơi bơtiàn cau tồi glài, ntào di tiah ală ồng pàng bol mê dê mơ lơh Yàng Jehôwa in sơlo gơjrañ rlau tai di Israel.

I Samuel 12:15

Mơya dilah bol mê ò ai tồr iat jơnau Yàng Jehôwa dê, mơ tòmdră mơ ală jơnau sồr Kơnràñ dê, gen tê Kơnràñ rơp tòmdră mơ bol mê bal mơ bơtau bol mê dê.